Isaías 9:3 - Li Santil hu

³ At Ka̱cuaꞌ, xaqꞌueheb cuiꞌchic chi ta̱mc la̱ tenamit ut xaqꞌue cuiꞌchic xsahil xchꞌo̱leb. Ut kꞌaxal cuiꞌchic teꞌsahokꞌ xchꞌo̱leb a̱cuiqꞌuin. Chanchan nak nasahoꞌ xchꞌo̱leb li yo̱queb chi kꞌoloc ut chanchan nak nasahoꞌ xchꞌo̱leb li soldados nak nequeꞌxjeqꞌui chirixeb li cꞌaꞌru nequeꞌre̱chani chak saꞌ li ple̱t.

Q'eqchi Bible

³ Xak'ihob'resi laatenamit, at Qaawa', xak'e xnimal xsahilaleb' xch'ool naq xatk'ulunk sa' xyanqeb', kama' wi' li sahil ch'oolejil sa' xq'ehil li q'olok, sa' li kutan naq neke'xjek'i chirixeb' li b'ihomal.

Isaías 9:3 ပူးပေါင်းရင်းမြစ်များ

Salmos 119:162

La̱ cua̱tin naxqꞌue xsahil inchꞌo̱l joꞌ nak nasahoꞌ xchꞌo̱l li jun li naxcꞌul junak xma̱tan kꞌaxal lokꞌ.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

Isaías 26:15

At Ka̱cuaꞌ, la̱at xatqꞌuehoc re chi nima̱nc li katenamit ut a̱cꞌulub nak ta̱qꞌuehekꞌ a̱lokꞌal. Ut xanimobresi lix nuba̱l li kanaꞌaj.

Isaías 66:10

Chisahokꞌ taxak le̱ chꞌo̱l riqꞌuin li tenamit Jerusalén. Chisahokꞌ taxak le̱ chꞌo̱l che̱junilex la̱ex li nequexrahoc re. Chinujak taxak le̱ chꞌo̱l riqꞌuin li sahil chꞌo̱lej la̱ex li quexya̱bac saꞌ xcꞌabaꞌ li tenamit Jerusalén.

Isaías 65:18

Chisahokꞌ taxak saꞌ le̱ chꞌo̱l chi junelic xban li cꞌaꞌru tinyi̱b. La̱in tinyi̱b jun acꞌ Jerusalén nujenak chi sahil chꞌo̱lejil. Ut numtajenak xsahileb xchꞌo̱l li teꞌcua̱nk aran.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

1 Samuel 30:16

Ut li cui̱nk aꞌan quixcꞌameb laj David bar cuanqueb cuiꞌ laj e̱lkꞌ. Eb laj Amalec cuanqueb yalak bar saꞌ li naꞌajej aꞌan. Yo̱queb chi ninkꞌei̱c. Yo̱queb chi cuaꞌac ut yo̱queb chi ucꞌac xban xsahil xchꞌo̱leb xban nak nabal li cꞌaꞌak re ru queꞌrelkꞌa.

San Lucas 11:22

Abanan cui ta̱cha̱lk junak kꞌaxal cau rib chiru aꞌan, aꞌan chic ta̱numta̱k saꞌ xbe̱n ut ta̱makꞌekꞌ chiru lix chꞌi̱chꞌ li cau cuiꞌ xchꞌo̱l ut ta̱jeqꞌui̱k li cꞌaꞌru re.

Salmos 4:7

Numtajenak li sahil chꞌo̱lej nacaqꞌue cue, at inDios. Moco joꞌ ta xsahil xchꞌo̱leb li biom li numtajenak cꞌaꞌru reheb.

Filipenses 4:4

Chisahokꞌ taxak saꞌ e̱chꞌo̱l chi junelic xban nak junajex chic riqꞌuin li Ka̱cuaꞌ. Ut jun sut chic tinye e̱re: Chisahokꞌ taxak saꞌ e̱chꞌo̱l.

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.

Zacarías 8:23

Saꞌ eb li cutan aꞌan, laje̱b chi cui̱nk jalan jala̱nk xtenamiteb ut jalan jala̱nk ra̱tinoba̱leb teꞌcha̱lk ut teꞌxchap chi rakꞌ junak aj judío ut teꞌxye re: —La̱o takaj xic che̱rix la̱ex aran Jerusalén xban nak nakanau nak li Ka̱cuaꞌ Dios cuan e̱riqꞌuin la̱ex aj judío, chaꞌkeb.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Oseas 4:7

Joꞌ le̱ qꞌuial la̱ex aj tij, joꞌcan ajcuiꞌ xqꞌuialeb le̱ ma̱c. Joꞌcan nak tincuisi le̱ lokꞌal ut tincꞌut e̱xuta̱n.

Jeremías 31:7

Li Ka̱cuaꞌ quixye: —¡Bichankex xban xsahil e̱chꞌo̱l saꞌ xcꞌabaꞌeb li ralal xcꞌajol laj Jacob, li nim xcuanquil saꞌ xya̱nkeb chixjunileb li tenamit! Chi-abi̱k xya̱b le̱ cux nak te̱lokꞌoni li Ka̱cuaꞌ ut te̱ye, “Li Ka̱cuaꞌ xcoloc reheb lix tenamit. Aꞌan xcoloc ke la̱o aj Israel li joꞌ qꞌuial chic xocana.”

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 61:7

Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Isaías 55:12

Cꞌajoꞌak xsahil saꞌ le̱ chꞌo̱l nak tex-e̱lk saꞌ li naꞌajej cuanquex cuiꞌ. Saꞌ tuktu̱quil usilal texsukꞌi̱k cuiꞌchic saꞌ le̱ tenamit. Ut teꞌoc cuiꞌchic chi u̱chi̱nc li cheꞌ chi sa saꞌ xchꞌo̱leb. Ut ta̱e̱lk cuiꞌchic chi cha̱bil li acui̱mk saꞌ eb li tzu̱l.

Isaías 54:1

Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

Isaías 35:2

Li chaki chꞌochꞌ ta̱bicha̱nk xban xsahil xchꞌo̱l. Cꞌajoꞌak xchꞌinaꞌusal. Chanchanak li tzu̱l li cuanqueb Líbano ut kꞌaxal cha̱bilak chic li chꞌochꞌ. Chanchanak li chꞌochꞌ li cuan Carmelo ut chanchanak li chꞌochꞌ li cuan Sarón. Ut chixjunileb teꞌril li quilajxba̱nu li Dios ut teꞌxqꞌue retal lix lokꞌal ut lix cuanquilal.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Salmos 107:38

Li Dios quirosobtesiheb lix tenamit ut nabaleb li ralal xcꞌajol queꞌcuan. Ut queꞌnabaloꞌ ajcuiꞌ lix queto̱mk.

Nehemías 9:23

Caqꞌueheb chi ta̱mc li ralal xcꞌajoleb joꞌ xqꞌuial li chahim chiru choxa. Ut cacꞌameb chi cua̱nc saꞌ li naꞌajej li cayechiꞌi reheb lix xeꞌto̱nil yucuaꞌ.

Jueces 5:3

Chine̱rabihak la̱ex rey. Chine̱rabihak la̱ex li nequextaklan saꞌ xbe̱neb li tenamit. Cheqꞌuehak retal xban nak la̱in oc cue chi bicha̱nc re xqꞌuebal xlokꞌal li Ka̱cuaꞌ. Tinbicha xlokꞌal li nimajcual Dios li nakalokꞌoni la̱o aj Israel.

Hechos 8:8

Ut cꞌajoꞌ nak queꞌsahoꞌ saꞌ xchꞌo̱leb saꞌ li tenamit aꞌan.

Li xHu LAJ JOB 12:23

Jokꞌe naraj, naxqꞌue xcuanquil junak tenamit. Ut nak naraj, naxsach ru. Naxchaꞌchaꞌi ruheb, ut naxchꞌutubeb cuiꞌchic ruheb.

Isaías 65:14

Eb li nequeꞌcꞌanjelac chicuu teꞌbicha̱nk xban xsahileb xchꞌo̱l. Abanan la̱ex, li nequeba̱nu li incꞌaꞌ us, texya̱bak xban li raylal li te̱cꞌul. Ta̱yotꞌekꞌ e̱chꞌo̱l ut japjo̱k e̱re xban li raylal.

Levítico 26:13

La̱in li Ka̱cuaꞌ le̱ Dios. La̱in quin-isin chak e̱re Egipto re nak incꞌaꞌ chic texcua̱nk chokꞌ rahobtesinbil mo̱s. Chanchan nak cuan li yugo saꞌ e̱cux nak quexcuan rubel xcuanquileb. Abanan la̱in quexcuisi rubel xcuanquileb. Anakcuan naru te̱taksi le̱ riloba̱l nak texbe̱k.

Jueces 7:22

Ut eb li oxib ciento chi soldado yo̱queb chixya̱basinquil lix trompeta. Ut li Ka̱cuaꞌ quixsach xnaꞌlebeb li soldado aj Madián ut chi ribileb rib queꞌxcamsi ribeb. Joꞌ qꞌuial li incꞌaꞌ queꞌxcamsi ribeb queꞌe̱lelic ut queꞌco̱eb toj Bet-sita saꞌ xjayal li naꞌajej Zerera ut queꞌcuulac toj saꞌ li naꞌajej Abel-mehola li cuan nachꞌ riqꞌuin Tabat.

Jueces 8:12

Laj Zeba ut laj Zalmuna li cuib chi xreyeb laj Madián, queꞌoc chi e̱lelic chiruheb, abanan eb laj Gedeón queꞌra̱linaheb toj retal queꞌxchap laj Zeba ut laj Zalmuna. Ut eb lix soldado queꞌsach xchꞌo̱leb xban xxiuheb.

Isaías 10:26

Ut li nimajcual Dios tixqꞌueheb chixtojbal xma̱queb joꞌ quixba̱nu reheb laj Madián nak quixcamsiheb saꞌ li sako̱nac li cuan aran Oreb. Tixcꞌut lix cuanquil chiruheb laj Asiria joꞌ nak quixcꞌut chiruheb laj Egipto nak queꞌoc chi numecꞌ saꞌ li Caki Palau.

Isaías 14:5

Li Ka̱cuaꞌ quixsach xcuanquileb li nequeꞌtaklan saꞌ ma̱usilal. Ut quirisi xcuanquileb li nequeꞌnumta saꞌ xbe̱neb li tenamit.