Isaías 9:21 - Li Santil hu

²¹ Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Q'eqchi Bible

²¹ Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:21 ပူးပေါင်းရင်းမြစ်များ

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Gálatas 5:15

Ut cui yo̱quex chixjoskꞌinquil e̱rib ut yo̱quex chixrahobtesinquil e̱rib, chexcꞌoxlak caꞌchꞌinak. Ma̱re anchal te̱poꞌ ru le̱ pa̱ba̱l chi ribil e̱rib.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

San Mateo 24:10

Ut saꞌ eb li cutan aꞌan nabaleb teꞌxcanab lix pa̱ba̱leb. Ut aꞌanakeb chic li teꞌqꞌuehok reheb laj pa̱banel saꞌ raylal. Ut xicꞌ chic teꞌril ribeb.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Isaías 11:13

Eb li ralal xcꞌajol laj Efraín incꞌaꞌ chic teꞌxcakali li ralal xcꞌajol laj Judá. Ut eb laj Judá incꞌaꞌ chic xicꞌ teꞌrileb laj Efraín.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

2 Reyes 15:30

Nak yo̱ junmay chihab roquic chokꞌ xreyeb laj Judá laj Jotam li ralal laj Uzías, laj Oseas li ralal laj Ela quixcꞌu̱b ru chanru nak tixcamsi laj Peka li ralal laj Remalías. Nak quixcamsi qui-oc chokꞌ xreyeb laj Israel chokꞌ re̱kaj.

1 Samuel 14:20

Ut queꞌxchꞌutub ribeb chixjunileb lix soldados li cuanqueb rochben laj Saúl ut queꞌco̱eb chi pletic riqꞌuineb laj filisteo. Eb laj filisteo yo̱queb chixcamsinquil ribeb chi ribileb rib xban nak sachso̱queb chic xnaꞌlebeb.

Jueces 7:2

Ut li Ka̱cuaꞌ Dios quixye re laj Gedeón: —Kꞌaxal nabaleb li soldado cuanqueb a̱cuochben. Cui tincanabeb chi numta̱c saꞌ xbe̱neb laj Madián, teꞌxye nak xjuneseb xeꞌxba̱nu ut teꞌxqꞌue xlokꞌal xjuneseb rib ut incꞌaꞌ teꞌxqꞌue inlokꞌal la̱in.

Isaías 8:21

Eb li tenamit teꞌxbeni ribeb yalak bar chi ra saꞌ xchꞌo̱leb ut teꞌtzꞌoca̱k. Xban nak teꞌtzꞌoca̱k ta̱cha̱lk xjoskꞌileb ut teꞌxmajecua lix reyeb ut teꞌxmajecua ajcuiꞌ lix Dioseb. Teꞌilok takecꞌ saꞌ choxa,

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Zacarías 11:14

Ut chirix aꞌan quintok ajcuiꞌ li xcab xukꞌ li quinqꞌue chokꞌ xcꞌabaꞌ “junajak xchꞌo̱leb”. Aꞌan retalil nak incꞌaꞌ chic queꞌcuan chi junajeb xchꞌo̱l li ralal xcꞌajol laj Judá ut li ralal xcꞌajol laj Israel.