Isaías 9:2 - Li Santil hu

² Li tenamit chanchan saꞌ kꞌojyi̱n cuanqueb xban li ma̱c ut xban nak incꞌaꞌ nequeꞌxtau xya̱lal. Abanan quicutanobresi̱c lix naꞌlebeb. Ac tenebanbil raj li ca̱mc saꞌ xbe̱neb, abanan quicꞌulun laj Colol reheb.

Q'eqchi Bible

² Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

Isaías 9:2 ပူးပေါင်းရင်းမြစ်များ

San Mateo 4:16

li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

Efesios 5:8

Junxil quexcuan chak saꞌ xkꞌojyi̱nal ru li ma̱c. Abanan, anakcuan rehex chic li Ka̱cuaꞌ ut cuanquex chic saꞌ xcutan saken. Joꞌcan nak chexcua̱nk saꞌ xya̱lal.

San Juan 12:46

La̱in xinchal chixqꞌuebal li cutan saken saꞌ ruchichꞌochꞌ. Li ani ta̱pa̱ba̱nk cue la̱in, aꞌan incꞌaꞌ chic ta̱cua̱nk saꞌ xkꞌojyi̱nal ru li ma̱c.

San Juan 8:12

Li Jesús quia̱tinac cuiꞌchic riqꞌuineb li tenamit ut quixye reheb: —La̱in lix cutan saken li ruchichꞌochꞌ. Li ani ta̱pa̱ba̱nk cue la̱in, incꞌaꞌ chic ta̱cua̱nk saꞌ xkꞌojyi̱nal ru li ma̱c. Ta̱cua̱nk ban saꞌ cutan saken ut ta̱cua̱nk xyuꞌam chi junelic, chan.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

San Lucas 2:32

Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

Isaías 60:19

Incꞌaꞌ chic tento nak li sakꞌe ta̱cutanobresi̱nk e̱re chi cutan chi moco li po chi kꞌek xban nak la̱in li Ka̱cuaꞌ tincutanobresi̱nk e̱re junelic ut la̱in li Dios tinqꞌue e̱lokꞌal.

Salmos 107:10

Chanchan nak cuanqueb saꞌ kꞌojyi̱n xban li raylal li yo̱queb chixcꞌulbal. Kꞌaxal ra cuanqueb xban nak bacꞌbo̱queb riqꞌuin cadena.

Salmos 23:4

Usta chanchan nak yo̱quin chi numecꞌ saꞌ jun naꞌajej kꞌojyi̱n ut kꞌaxal xiu xiu xban li raylal li yo̱k chi cha̱lc saꞌ inbe̱n, la̱in incꞌaꞌ tinxucuak xban nak la̱at cua̱nkat cuiqꞌuin. La̱at ta̱qꞌue xcacuil inchꞌo̱l joꞌ nak li pastor naxcoleb lix carner riqꞌuin lix ba̱r ut lix xukꞌ.

Isaías 50:10

Abihomak la̱ex li nequexucua ru li Dios ut nequeba̱nu li cꞌaꞌru naxye laj cꞌanjel chiru. Cui cuanquex saꞌ kꞌojyi̱n ut ma̱cꞌaꞌ e̱saken, checacuubresihak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin le̱ Dios.

Salmos 107:14

Quirisiheb rubel xcuanquil li jalaneb xtenamit. Chanchan nak quirisiheb saꞌ li kꞌojyi̱n nak quirisiheb saꞌ li raylal ut quirisi li cadena li bacꞌbo̱queb cuiꞌ.

San Juan 12:35

Quichakꞌoc li Jesús ut quixye reheb: —La̱in li cutan saken. Xinchal chixchꞌolobanquil lix ya̱lal che̱ru. Toj tincua̱nk chic caꞌchꞌinak saꞌ e̱ya̱nk. Joꞌcan nak qꞌuehomak e̱chꞌo̱l chinpa̱banquil nak toj cuanquin saꞌ e̱ya̱nk re nak incꞌaꞌ texcua̱nk saꞌ xkꞌojyi̱nal ru li ma̱c. Li ani nacuan saꞌ xkꞌojyi̱nal ru li ma̱c incꞌaꞌ naxnau bar yo̱ chi xic.

Isaías 9:1

Li Dios moco chi junaj cua ta quixcubsi xcuanquil lix tenamiteb laj Zabulón ut lix tenamiteb laj Neftalí. Ta̱cuulak ban xkꞌehil nak ta̱qꞌuehekꞌ cuiꞌchic xlokꞌal li tenamit aꞌin li cuan chire li nimaꞌ Jordán li naxic cuan cuiꞌ li palau. Ta̱qꞌuehekꞌ cuiꞌchic xlokꞌal saꞌ li naꞌajej Galilea cuanqueb cuiꞌ li tenamit li ma̱cuaꞌeb aj judío.

Amós 5:8

Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Li xHu LAJ JOB 10:21

xban nak chi se̱b nincam ut incꞌaꞌ chic tinsukꞌi̱k saꞌ li ruchichꞌochꞌ. Xic cue saꞌ jun li naꞌajej kꞌojyi̱n ru ut re rahil chꞌo̱lej.

Jueces 5:30

Queꞌxye re, “¿Ma incꞌaꞌ ta biꞌ yo̱queb chixjeqꞌuinquil chi ribileb rib li queꞌre̱chani saꞌ li ple̱t? Jun malaj cuib chi ixk li teꞌxcꞌul li junju̱nk chi soldado. Laj Sísara tixcꞌul li cha̱bil tꞌicr li cuan xsahob ru li nabal xbonol. Teꞌxcꞌul li tꞌicr li yi̱banbil chi us saꞌ xcaꞌ pacꞌalil eb li queꞌtaklan saꞌ xbe̱neb li soldados saꞌ li ple̱t.”

Salmos 4:8

Sa saꞌ inchꞌo̱l nak ninyocla ut nincuar chi ma̱cꞌaꞌ incꞌaꞌux. Caꞌaj cuiꞌ la̱at, at Ka̱cuaꞌ, nacatqꞌuehoc xcacuil inchꞌo̱l xban nak la̱at nacat-iloc cue.