Isaías 9:19 - Li Santil hu

¹⁹ Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

Q'eqchi Bible

¹⁹ Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.

Isaías 9:19 ပူးပေါင်းရင်းမြစ်များ

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.

Miqueas 7:6

Eb li alalbej nequeꞌxkꞌetkꞌeti ribeb chiru li yucuaꞌbej. Ut eb li coꞌbej nequeꞌxtzꞌekta̱na li naꞌbej ut eb li alibej incꞌaꞌ nequeꞌxra lix naꞌ lix be̱lomeb. Ut li xicꞌ nequeꞌiloc re junak, aꞌaneb ajcuiꞌ li cuanqueb saꞌ li rochoch.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

Hechos 2:20

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ toj ta̱cuulak xkꞌehil li cutan aꞌan, li kꞌaxal xiu xiu, nak la̱in tinrakok a̱tin, chan li Dios.

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Amós 5:18

Tokꞌob xak e̱ru la̱ex li yo̱quex chiroybeninquil li cutan nak ta̱cha̱lk chi rakoc a̱tin li Ka̱cuaꞌ. ¿Cꞌaꞌut nak yo̱quex chiroybeninquil li cutan aꞌan? ¿Ma incꞌaꞌ ta biꞌ nequenau cꞌaꞌru te̱cꞌul? Ma̱cuaꞌ sahil chꞌo̱lejil te̱cꞌul. Rahil chꞌo̱lej ban te̱cꞌul.

Joel 2:2

Nak teꞌcha̱lk laj sa̱cꞌ, ta̱kꞌojyi̱nokꞌ ru li cutan xban xqꞌuialeb. Chanchanakeb li kꞌeki chok. Chanchanakeb li jun tu̱b chi soldado nak yo̱keb chi cha̱lc chi pletic kiqꞌuin. Teꞌcha̱lk joꞌ nak nacꞌutun chak li cutan saꞌ xbe̱neb li tzu̱l. Ma̱ jun sut quicꞌulman chi joꞌcan ut ma̱ jun sut chic ta̱cꞌulma̱nk mokon chi joꞌcan.

Ezequiel 9:5

Ut quicuabi nak li Dios quixye reheb li cuakib chi cui̱nk: —Ayukex chirix li cui̱nk aꞌin nak ta̱numekꞌ saꞌ li tenamit ut camsihomakeb li cristian. Incꞌaꞌ te̱cuyeb xma̱c chi moco te̱ril xtokꞌoba̱leb ru.

Jeremías 13:16

Qꞌuehomak xlokꞌal li Ka̱cuaꞌ le̱ Dios nak toj ma̱jiꞌ naxtakla li kꞌojyi̱n ma̱re anchal te̱tich le̱ rok saꞌ eb li tzu̱l xban nak kꞌojyi̱n chic. Qꞌuehomak xlokꞌal li Ka̱cuaꞌ nak toj ma̱jiꞌ naxtakla li raylal li cha̱lc re saꞌ e̱be̱n.

Isaías 60:2

Eb li jalan tenamit incꞌaꞌ teꞌcutanobresi̱k lix cꞌaꞌuxeb. Chanchan nak cuanqueb saꞌ kꞌojyi̱n. Abanan la̱ex xcutanobresi̱c le̱ cꞌaꞌux xban li Ka̱cuaꞌ ut e̱riqꞌuin la̱ex ta̱cꞌutu̱nk lix lokꞌal.

Isaías 24:6

Xban li ma̱usilal li queꞌxba̱nu quisacheꞌ ru li ruchichꞌochꞌ. Ut eb li cristian yo̱queb chixtojbal rix li ma̱c queꞌxba̱nu. Moco qꞌuiheb ta chic li teꞌcana̱k.

Isaías 13:18

Riqꞌuin lix tzimaj telajeꞌxcamsiheb li cui̱nk li toj sa̱jeb. Incꞌaꞌ teꞌril xtokꞌoba̱l ruheb li cocꞌal chi moco teꞌril xtokꞌoba̱l ruheb li cꞌulaꞌal.

Isaías 13:13

La̱in tincuecꞌasi li choxa ut tincuecꞌasi ajcuiꞌ li ruchichꞌochꞌ saꞌ xnaꞌaj saꞌ li cutan nak la̱in li nimajcual Dios tincuisi lin joskꞌil saꞌ xbe̱neb li cuanqueb Babilonia.

Isaías 13:9

Cuulac re xkꞌehil nak li Ka̱cuaꞌ ta̱rakok a̱tin saꞌ xbe̱neb li tenamit. Cꞌajoꞌ li raylal teꞌxcꞌul saꞌ li cutan aꞌan nak li Dios tixcꞌutbesi lix joskꞌil chiruheb. Tixsach chixjunil li cuan Babilonia ut tixsach ajcuiꞌ ruheb chixjunileb laj ma̱c.

Isaías 8:22

malaj ut takꞌa saꞌ li chꞌochꞌ. Abanan junes raylal chic teꞌril ut kꞌojyi̱n. Ma̱ ani ta̱colok reheb chiru li rahil chꞌo̱lej. Aran teꞌosokꞌ saꞌ li kꞌojyi̱n.

Isaías 5:30

Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Isaías 3:5

Ut le̱ tenamit teꞌxtiquib pletic chi ribileb rib. Cuan li teꞌpletik riqꞌuineb rech cabal. Ut eb li toj sa̱jeb teꞌpletik riqꞌuineb li ac che̱queb. Ut li incꞌaꞌ useb xnaꞌleb teꞌpletik riqꞌuineb li ti̱queb xchꞌo̱l.

Isaías 4:4

Li Ka̱cuaꞌ saꞌ ti̱quilal ta̱rakok a̱tin ut ta̱risiheb lix ma̱usilal li cuanqueb Sión. Tixcuy xma̱queb li queꞌcamsin aran Jerusalén.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Isaías 10:6

La̱in nintaklaheb laj Asiria chi pletic riqꞌuineb laj Israel xban nak incꞌaꞌ useb xnaꞌleb. Nintaklaheb chi pletic riqꞌuineb li nequeꞌqꞌuehoc injoskꞌil re nak teꞌelkꞌa̱k li cꞌaꞌru reheb. Nintaklaheb chi numta̱c saꞌ xbe̱neb lin tenamit. Teꞌxyekꞌi saꞌ rokeb. Chanchan nak nayekꞌi̱c li sulul saꞌ be.—

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Ezequiel 20:47

Ta̱ye chi joꞌcaꞌin re li qꞌuicheꞌ li cuan saꞌ li sur: Abihomak li ra̱tin li Dios. Li nimajcual Dios xye: La̱in oc cue chixlochbal li xam li ta̱cꞌatok re chixjunileb li cheꞌ, li rax rax ru joꞌ ajcuiꞌ li chaki. Incꞌaꞌ ta̱ru̱k xchupbal li xam. Ta̱ticla̱k saꞌ li sur ut ta̱cuulak toj saꞌ li norte. Ut chixjunileb teꞌrecꞌa lix tikcual.

Joel 2:3

Nak teꞌcha̱lk laj sa̱cꞌ, chanchan nak ta̱numekꞌ li xam saꞌ xbe̱n li pim. Yal xban lix tikcual nachakic li pim usta toj ma̱jiꞌ nanumeꞌ li xam saꞌ xbe̱n. Joꞌcan ajcuiꞌ teꞌxba̱nu laj sa̱cꞌ. Nak ma̱jiꞌ nequeꞌnumeꞌ saꞌ li naꞌajej aꞌan, chanchan xchꞌinaꞌusal li naꞌajej Edén. Ut nak ac xeꞌnumeꞌ li xul, chanchan aj chic li chaki chꞌochꞌ li ma̱cꞌaꞌ na-el chiru teꞌxcanab. Ut ma̱cꞌaꞌ chic ta̱colekꞌ chiruheb.

Abdías 1:18

Eb li ralal xcꞌajol laj Jacob chanchanakeb li xam. Eb li ralal xcꞌajol laj José chanchanakeb li rakꞌ xam. Ut eb li ralal xcꞌajol laj Esaú chanchan nak nacꞌat li qꞌuim nak teꞌosokꞌ. Teꞌsachekꞌ ruheb chi junaj cua li ralal xcꞌajol laj Esaú. Ma̱ jun saꞌ xya̱nkeb teꞌcolekꞌ. La̱in li Ka̱cuaꞌ xinyehoc re aꞌin.

Zacarías 11:6

Joꞌcan ajcuiꞌ la̱in incꞌaꞌ chic tincuil xtokꞌoba̱l ruheb lin tenamit, chan li Ka̱cuaꞌ. —Tincanabeb ban re nak xicꞌ teꞌril ribeb chi ribileb rib. Tinkꞌaxtesiheb saꞌ rukꞌeb lix reyeb toj retal teꞌsachekꞌ xbaneb. Ut la̱in incꞌaꞌ tincoleb saꞌ rukꞌeb, chan li Ka̱cuaꞌ.

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Zacarías 11:9

Ut la̱in quinye reheb li carner: —La̱in incꞌaꞌ chic texcuil. Cui cuan ani ta̱ca̱mk e̱re, chica̱mk. Cui cuan ani ta̱sachk e̱re, chisachk. Ut li joꞌ qꞌuial chic teꞌcana̱k, cheꞌxtiuhak ribeb chi ribileb rib.