Isaías 9:18 - Li Santil hu

¹⁸ Lix ma̱usilaleb li tenamit chanchan jun li xam li nasachoc nak naxcꞌat li qꞌuix ut li pim. Chanchan jun li xam li naxcꞌat li qꞌuicheꞌ ut li sib nabukuknac chi xic toj takecꞌ.

Q'eqchi Bible

¹⁸ Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 9:18 ပူးပေါင်းရင်းမြစ်များ

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Salmos 83:14

Cheꞌosokꞌ ta joꞌ nak na-osoꞌ li qꞌuicheꞌ saꞌ li tzu̱l xban li xam.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Isaías 5:24

Xban le̱ ma̱usilal, la̱ex tex-osokꞌ joꞌ na-osoꞌ li qꞌuim ut li chaki pim nak nacꞌat xban xam. Joꞌ nak nakꞌa lix xeꞌ li acui̱mk ut li rutzꞌuꞌujil nachakic ut nasukꞌi poks, joꞌcan ajcuiꞌ nak tex-osokꞌ la̱ex xban nak nequetzꞌekta̱na lix chakꞌrab li nimajcual Dios. Nequetzꞌekta̱na li ra̱tin li Dios santo, lix Dioseb laj Israel.

Apocalipsis 14:11

Junelic kꞌe cutan yo̱keb chi cꞌuluc raylal li nequeꞌxlokꞌoni li joskꞌ aj xul malaj ut lix jalam u̱ch, li queꞌxcꞌul li retalil lix cꞌabaꞌ saꞌ xpe̱quemeb malaj chi rukꞌeb. Chi kꞌek chi cutan yo̱keb chi cꞌuluc raylal, chan.

Hebreos 6:8

Aban li ani incꞌaꞌ naxba̱nu re li naxye li ra̱tin li Dios, aꞌan chanchan li chꞌochꞌ junes qꞌuix ut yibru pim na-el chiru; ma̱cꞌaꞌ na-oc cuiꞌ li chꞌochꞌ aꞌan. Li ani incꞌaꞌ naxba̱nu li naraj li Dios, tzꞌekta̱nanbileb xban li Dios ut cꞌatbil nak teꞌosokꞌ.

San Mateo 25:41

Tojoꞌnak la̱in li Rey tinye reheb li cuanqueb saꞌ lin tzꞌe: “Elenkex chicuu. Tzꞌekta̱nanbilex saꞌ li xam li ma̱ jokꞌe ta̱chupk cꞌu̱banbil chak chokꞌ re laj tza ut reheb ajcuiꞌ lix ángel.

Nahum 1:6

¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.

Amós 7:4

Mokon chic chanchan matqꞌuenbil quinba̱nu nak li Ka̱cuaꞌ quixcꞌutbesi chicuu jun chic li visión: Quixtakla chak li xam saꞌ xbe̱neb re nak teꞌxtoj rix lix ma̱queb li tenamit. Ut xban xtikcual li xam quichakic li nimla palau ut yo̱ chi cꞌatc li chꞌochꞌ nak quicuil.

Joel 2:20

La̱in tinyolesiheb laj sa̱cꞌ li queꞌchal saꞌ li norte. Cuan li tebintakla saꞌ li chaki chꞌochꞌ. Cuan li tebintakla saꞌ li palau Mar Muerto ut cuan li tebintakla saꞌ li palau Mediterráneo. Ut telajeꞌca̱mk. Teꞌkꞌa̱k ut teꞌchuhokꞌ. Sachba chꞌo̱lej tinba̱nu nak tincoleb lin tenamit, chan.

Oseas 13:3

Ut xban lix ma̱usilal teꞌosokꞌ li tenamit aꞌin. Chanchanakeb li chok li yal nanumeꞌ ekꞌela. Ut chanchanakeb li xchuꞌque li yal natꞌaneꞌ ut na-osoꞌ saꞌ junpa̱t. Chanchanakeb lix mokoj li trigo li nacꞌameꞌ xban cacuil ikꞌ ut aran na-osoꞌ. Ut chanchanakeb ajcuiꞌ li sib li na-el saꞌ releba̱l sib ut yal na-osoꞌ.

Isaías 33:12

Eb li tenamit teꞌsachekꞌ ru. Chanchanakeb li chun li nacꞌateꞌ. Chanchanakeb li qꞌuix nak teꞌcꞌatekꞌ. Junes cha chic ta̱cana̱k.

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Isaías 27:4

Incꞌaꞌ chic yo̱ injoskꞌil saꞌ xbe̱neb lin tenamit. Cui ta cuan li teꞌraj xchꞌiꞌchꞌiꞌinquileb la̱in saꞌ junpa̱t tebinsach ruheb joꞌ nak nequeꞌcꞌat li qꞌuix ut li pim.

Isaías 1:31

Li cui̱nk li kꞌaxal cau xmetzꞌe̱u chanchanak chic li qꞌuim. Lix cꞌanjel li quixba̱nu chanchanak li rakꞌ xam. Chi xcabichaleb teꞌosokꞌ saꞌ xam ut ma̱ ani ta̱chupuk lix xamlel.—

Salmos 37:20

Abanan li incꞌaꞌ useb xnaꞌleb teꞌsachekꞌ. Li xicꞌ nequeꞌiloc re li Ka̱cuaꞌ teꞌosokꞌ joꞌ nak na-osoꞌ li chaki pim nak nacꞌateꞌ. Chanchaneb li sib li nasach saꞌ ikꞌ.

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Salmos 68:2

Chanchan nak nasach li sib saꞌ li ikꞌ, joꞌcan nak teꞌsachekꞌ ruheb li xicꞌ nequeꞌiloc re. Ut chanchan nak nahaꞌoꞌ li cera xban li xam, joꞌcan nak teꞌosokꞌ li incꞌaꞌ useb xnaꞌleb chiru li Dios.

Isaías 1:7

Queꞌsacheꞌ ruheb le̱ tenamit ut queꞌcꞌateꞌ. Yo̱quex chi iloc la̱ex nak eb li jalan xtenamit nequeꞌxtzaca li cꞌaꞌru xerau. Eb li jalan xtenamit queꞌxchap chixjunil li cꞌaꞌru e̱re ut le̱ chꞌochꞌ xcana chi ma̱cꞌaꞌ chic cuan chi saꞌ.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 33:14

Eb li nequeꞌxba̱nu li ma̱usilal li cuanqueb Sión cꞌajoꞌ nak nequeꞌxucuac. Nequeꞌsicsot xbaneb xxiu ut nequeꞌxye: —¿Ani ta biꞌ ta̱ru̱k ta̱colekꞌ chiru li xam li lochlo chi junelic? ¿Ani ta biꞌ ta̱ru̱k ta̱colekꞌ chiru li Ka̱cuaꞌ nak ta̱rakok a̱tin saꞌ kabe̱n? chanqueb.

Isaías 50:11

Abanan che̱junilex la̱ex li nequecꞌu̱b chanru nak te̱camsiheb le̱ ras e̱ri̱tzꞌin texsachekꞌ xban li cꞌaꞌru nequecꞌu̱b ru xba̱nunquil. Li Ka̱cuaꞌ ta̱ba̱nu̱nk re nak texsachekꞌ ut xban li raylal te̱cꞌul tex-osokꞌ.

Joel 2:3

Nak teꞌcha̱lk laj sa̱cꞌ, chanchan nak ta̱numekꞌ li xam saꞌ xbe̱n li pim. Yal xban lix tikcual nachakic li pim usta toj ma̱jiꞌ nanumeꞌ li xam saꞌ xbe̱n. Joꞌcan ajcuiꞌ teꞌxba̱nu laj sa̱cꞌ. Nak ma̱jiꞌ nequeꞌnumeꞌ saꞌ li naꞌajej aꞌan, chanchan xchꞌinaꞌusal li naꞌajej Edén. Ut nak ac xeꞌnumeꞌ li xul, chanchan aj chic li chaki chꞌochꞌ li ma̱cꞌaꞌ na-el chiru teꞌxcanab. Ut ma̱cꞌaꞌ chic ta̱colekꞌ chiruheb.

Abdías 1:18

Eb li ralal xcꞌajol laj Jacob chanchanakeb li xam. Eb li ralal xcꞌajol laj José chanchanakeb li rakꞌ xam. Ut eb li ralal xcꞌajol laj Esaú chanchan nak nacꞌat li qꞌuim nak teꞌosokꞌ. Teꞌsachekꞌ ruheb chi junaj cua li ralal xcꞌajol laj Esaú. Ma̱ jun saꞌ xya̱nkeb teꞌcolekꞌ. La̱in li Ka̱cuaꞌ xinyehoc re aꞌin.

1 Reyes 16:21

Ut eb li ralal xcꞌajol laj Israel queꞌxjach ribeb. Yi jach queꞌajoc re nak laj Tibni li ralal laj Ginat ta̱oc chokꞌ rey ut queꞌoquen chirix. Ut li yi jach chic queꞌoquen chirix laj Omri.

Isaías 3:5

Ut le̱ tenamit teꞌxtiquib pletic chi ribileb rib. Cuan li teꞌpletik riqꞌuineb rech cabal. Ut eb li toj sa̱jeb teꞌpletik riqꞌuineb li ac che̱queb. Ut li incꞌaꞌ useb xnaꞌleb teꞌpletik riqꞌuineb li ti̱queb xchꞌo̱l.

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.