Isaías 9:14 - Li Santil hu

¹⁴ Li Ka̱cuaꞌ tixqꞌueheb chixtojbal xma̱queb laj Israel, eb laj cꞌamol be joꞌ eb ajcuiꞌ li tenamit. Chanchan nak ta̱risi xjolom ut xye junak li xul malaj ut chanchan nak tixsach li palmera joꞌ nak tixsach li pim. Chixjunil aꞌin tixba̱nu chiru jun cutan.

Q'eqchi Bible

¹⁴ Jo'kan naq li Qaawa' tixsacheb' ru laj k'amol b'e jo'wi' eb' li poyanam, jo' na'uxk re junaq xul naq nayok'mank li xjolom ut li xye, jo' na'uxk re li kala' naq nakure'k ut na'isiik li xxaq. Ut chixjunil a'in taak'ulmanq yal chiru jun kutan.

Isaías 9:14 ပူးပေါင်းရင်းမြစ်များ

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Isaías 19:15

Ma̱cꞌaꞌ naru teꞌxba̱nu eb laj Egipto, chi moco li biom, chi moco li nebaꞌ, chi moco li cuanqueb xcuanquil, chi moco li ma̱cꞌaꞌeb xcuanquil.

Apocalipsis 18:17

Ut yal chiru junpa̱t x-osoꞌ chixjunil lix biomaleb, chaꞌakeb. Ut eb laj e̱chal jucub ut eb li nequeꞌxberesi li jucub saꞌ li palau ut chixjunileb li nequeꞌtrabajic saꞌ li ni̱nki jucub, joꞌqueb laj cꞌay li nequeꞌxic saꞌ li jucub, queꞌxakli chi najt chi rilbal.

Apocalipsis 18:10

Cꞌajoꞌ nak teꞌxucuak chirilbal li cꞌaꞌru tixcꞌul li tenamit. Teꞌxakli̱k chi najt riqꞌuin xban xxiuheb ut teꞌxye: Tokꞌob ru li tenamit Babilonia li nim xcuanquil nak quicuan. Tokꞌob ru lix nimal ru tenamit. Chiru jun cꞌamoc xrakeꞌ a̱tin saꞌ xbe̱neb.

Amós 7:17

La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Amós 6:11

Quixye chi joꞌcan xban nak li Ka̱cuaꞌ quixye nak teꞌosokꞌ li ni̱nkeb xcuanquil joꞌqueb ajcuiꞌ li ma̱cꞌaꞌeb xcuanquil. Jun xiquic nak teꞌosokꞌ chixjunileb.

Amós 3:12

Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.

Oseas 13:3

Ut xban lix ma̱usilal teꞌosokꞌ li tenamit aꞌin. Chanchanakeb li chok li yal nanumeꞌ ekꞌela. Ut chanchanakeb li xchuꞌque li yal natꞌaneꞌ ut na-osoꞌ saꞌ junpa̱t. Chanchanakeb lix mokoj li trigo li nacꞌameꞌ xban cacuil ikꞌ ut aran na-osoꞌ. Ut chanchanakeb ajcuiꞌ li sib li na-el saꞌ releba̱l sib ut yal na-osoꞌ.

Oseas 10:15

Joꞌcan ajcuiꞌ te̱cꞌul la̱ex aj Israel li cuanquex Bet-el xban xqꞌuial le̱ ma̱usilal. Saꞌ li ekꞌela nak ta̱ticla̱k li ple̱t, aꞌan ajcuiꞌ li ho̱nal nak ta̱camsi̱k le̱ rey.

Oseas 8:8

Eb laj Israel teꞌsachekꞌ xcuanquil. Ma̱cꞌaꞌ chic teꞌoc cuiꞌ chiruheb li jalan tenamit. Chanchanakeb aj chic jun li secꞌ ma̱cꞌaꞌ chic xcꞌanjel. Yal re tzꞌekecꞌ aj chic.

Oseas 4:5

Chi kꞌek chi cutan nequeba̱nu le̱ ma̱usilal ut joꞌcan ajcuiꞌ nequeꞌxba̱nu li profeta li incꞌaꞌ useb xnaꞌleb. La̱in tinsach ru le̱ tenamit, la̱ex aj Israel.

Oseas 1:9

Ut li Ka̱cuaꞌ quixye re laj Oseas: —Qꞌue Lo-ammi chokꞌ xcꞌabaꞌ. (Li cꞌabaꞌej aꞌan naraj naxye nak ma̱cuaꞌeb chic intenamit.) Qꞌue aꞌan chokꞌ xcꞌabaꞌ xban nak la̱ex aj Israel ma̱cuaꞌex chic lin tenamit chi moco la̱inak chic le̱ Dios, chan.

Oseas 1:6

Ut lix Gomer quicuan jun chic lix cꞌulaꞌal, chꞌina xkaꞌal. Ut li Ka̱cuaꞌ quixye re laj Oseas: —Qꞌue Lo-ruhama chokꞌ xcꞌabaꞌ. (Li cꞌabaꞌej aꞌan naraj naxye: Incꞌaꞌ naraheꞌ.) Qꞌue aꞌan chokꞌ xcꞌabaꞌ xban nak la̱in incꞌaꞌ chic teꞌcuil xtokꞌoba̱l ruheb laj Israel ut incꞌaꞌ chic tebincꞌoxla chi junaj cua.

Oseas 1:4

Ut li Ka̱cuaꞌ quixye re laj Oseas: —Qꞌue aj Jezreel chokꞌ xcꞌabaꞌ li cꞌulaꞌal aꞌin xban nak chi se̱b tinqꞌue chixtojbal xma̱c li ralal xcꞌajol laj Jehú xban li camsi̱nc queꞌxba̱nu aran Jezreel. Tinsacheb xcuanquileb li ralal xcꞌajol ut incꞌaꞌ chic teꞌtakla̱nk saꞌ xbe̱neb laj Israel.

Isaías 30:13

La̱ex cuan le̱ ma̱c. Chanchanex jun li tzꞌac najt xteram, jorol. Chi ma̱cꞌaꞌ saꞌ e̱chꞌo̱l ta̱tꞌanekꞌ.

Isaías 10:17

Li Ka̱cuaꞌ Dios li nacutanobresin re lix cꞌaꞌuxeb laj Israel tixsacheb ru. Li Dios Santo tixsacheb ru li tenamit aꞌan chiru jun cutan joꞌ nak li xam naxcꞌat li qꞌuix ut li pim.

Jeremías 6:21

Joꞌcan nak la̱in tintakla li raylal saꞌ xbe̱neb. Tebinqꞌue chi tꞌanecꞌ eb li naꞌbej yucuaꞌbej joꞌqueb ajcuiꞌ li ralal xcꞌajol, joꞌqueb ajcuiꞌ li rech cabal ut eb li rami̱g. Jun xiquic nak teꞌosokꞌ chixjunileb, chan li Dios.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Lamentaciones 4:16

Xban xjoskꞌil li Ka̱cuaꞌ quixchaꞌchaꞌi ruheb ut incꞌaꞌ chic quixcꞌoxlaheb. Incꞌaꞌ queꞌqꞌueheꞌ xlokꞌal eb laj tij chi moco queꞌileꞌ xtokꞌoba̱l ruheb li nequeꞌcꞌamoc be.