Isaías 9:13 - Li Santil hu

¹³ Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Q'eqchi Bible

¹³ Eb' li tenamit ink'a' xe'sutq'iik rik'in li Yos li yo chi rahob'tesink reheb', chi moko xe'xsik' li Nimajwal Yos.

Isaías 9:13 ပူးပေါင်းရင်းမြစ်များ

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Oseas 7:16

Niquineꞌxtzꞌekta̱na ut nequeꞌxic riqꞌuin li jalanil dios. Chanchaneb li yocos aj tzimaj ma̱cꞌaꞌ na-oc cuiꞌ. Joꞌcan nak teꞌcamsi̱k riqꞌuin chꞌi̱chꞌ li nequeꞌcꞌamoc be saꞌ xya̱nkeb yal xban nak nequeꞌxnimobresi ribeb riqꞌuin li cꞌaꞌru nequeꞌxye. Ut xban aꞌan teꞌseꞌe̱k xbaneb laj Egipto.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Ezequiel 24:13

La̱ex aj Jerusalén chanchanex li ucꞌal xban nak xemux e̱rib. La̱in xinyal risinquil le̱ ma̱usilal, abanan incꞌaꞌ x-el xban nak muxbil e̱ru. Le̱ ma̱usilal ta̱e̱lk nak la̱in tincuisi lin joskꞌil saꞌ e̱be̱n nak texinqꞌue chixtojbal e̱ma̱c.

Jeremías 29:11

Caꞌaj cuiꞌ la̱in ninnau cꞌaꞌru xincꞌu̱b ru xba̱nunquil chokꞌ e̱re. Xincꞌu̱b ru e̱tenkꞌanquil. Ma̱cuaꞌ raylal tinba̱nu e̱re. Usilal ban tinba̱nu e̱re, joꞌ yo̱quex chiroybeninquil.

Isaías 57:17

Xban li ma̱usilal li nequeꞌxba̱nu ut xban nak chixjunil nequeꞌxrahi ru, la̱in xinjoskꞌoꞌ riqꞌuineb. La̱in xinqꞌueheb chixtojbal lix ma̱queb ut xincanabeb xjuneseb. Abanan xeꞌxcacuubresi xchꞌo̱leb ut junelic xeꞌxba̱nu li incꞌaꞌ us.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Li xHu LAJ JOB 36:13

Eb li incꞌaꞌ nequeꞌxcꞌoxla li Dios, cꞌajoꞌ nak nequeꞌjoskꞌoꞌ. Usta yo̱queb chi cꞌuluc raylal, abanan incꞌaꞌ nequeꞌxtzꞌa̱ma xtenkꞌanquil chiru li Dios.

2 Crónicas 28:22

Usta cuan saꞌ raylal li rey Acaz, abanan kꞌaxal cuiꞌchic quima̱cob chiru li Ka̱cuaꞌ.

Deuteronomio 4:29

Abanan cui te̱sicꞌ li Ka̱cuaꞌ le̱ Dios nak cua̱nkex chak saꞌ jalan tenamit, te̱tau cui te̱sicꞌ chi anchal e̱chꞌo̱l ut chi anchal e̱ra̱m.

Jeremías 15:7

La̱in tinjeqꞌui ruheb laj Judá saꞌ chixjunil li tenamit joꞌ nak nacꞌameꞌ li qꞌuim xban ikꞌ, ut tebincanab chi ma̱cꞌaꞌ chic ralal xcꞌajoleb, ut tinpoꞌ lix tenamit, abanan incꞌaꞌ ajcuiꞌ teꞌxcanab xba̱nunquil li ma̱usilal.

Ezequiel 22:24

—At ralal cui̱nk, ye reheb laj Israel nak yo̱ injoskꞌil saꞌ xbe̱neb ut tebinqꞌue chixtojbal rix lix ma̱queb. Chanchaneb li chꞌochꞌ li incꞌaꞌ akꞌinbil. Chanchaneb li chꞌochꞌ li incꞌaꞌ naxqꞌue hab saꞌ xbe̱n.

Daniel 9:13

Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.

Amós 4:6

Xexinqꞌue chixcuybal le̱ saꞌ yalak bar saꞌ eb li tenamit. Ut eb li cuanqueb saꞌ cꞌaleba̱l ma̱cꞌaꞌ chic xtzacae̱mkeb. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Isaías 7:20

Ut saꞌ eb li cutan aꞌan li Ka̱cuaꞌ tixtakla lix reyeb laj Asiria, li cuan jun pacꞌal li nimaꞌ Éufrates. Li cui̱nk aꞌan chanchan jun aj besonel xban nak tixtakla xbesbal le̱ jolom joꞌ ajcuiꞌ le̱ mach ut le̱ tzelec.

Isaías 19:15

Ma̱cꞌaꞌ naru teꞌxba̱nu eb laj Egipto, chi moco li biom, chi moco li nebaꞌ, chi moco li cuanqueb xcuanquil, chi moco li ma̱cꞌaꞌeb xcuanquil.