Isaías 9:12 - Li Santil hu12 Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit. အခန်းကိုကြည့်ပါ။Q'eqchi Bible12 eb' laj Siria xe'chalje'k chaq sa' xjayal releb'l saq'e, ut sa' xjayal rokeb'l saq'e xe'chalk eb' laj Filistea. Sa' junpaat xe'xsach ruheb' laj Israel. Ab'anan ink'a' xch'anaak xjosq'il li Qaawa' ut toj yo chi xrahob'tesinkileb' li tenamit. အခန်းကိုကြည့်ပါ။ |
Ut eb laj filisteo queꞌpletic riqꞌuineb saꞌ eb li tenamit li cuanqueb saꞌ li ru takꞌa Sefela ut Neguev li cuan saꞌ xcue̱nt Judá. Eb laj filisteo queꞌre̱chaniheb li tenamit Bet-semes, Ajalón, Gederot, Soco rochbeneb li cocꞌ cꞌaleba̱l li cuanqueb chi xjun sutam, Timna rochbeneb li cocꞌ cꞌaleba̱l li cuanqueb chi xjun sutam, ut Gimzo rochbeneb li cocꞌ cꞌaleba̱l li cuanqueb chi xjun sutam. Ut aran queꞌcana chi cua̱nc eb laj filisteo.
Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.
Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.
Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.
Ut quixye ajcuiꞌ: —Xintakla li tikcual ikꞌ ut quichakic le̱ racui̱mk xban. Ut xintaklaheb li motzoꞌ chixsachbal ru le̱ racui̱mk. Eb laj sa̱cꞌ queꞌxcꞌux le̱ racui̱mk ut queꞌxcꞌux ajcuiꞌ xto̱nal le̱ uvas ut queꞌxcꞌux lix xak le̱ cheꞌ higo ut olivo. Abanan ma̱ jaruj xeraj sukꞌi̱c cuiqꞌuin, chan li Ka̱cuaꞌ.
Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.