Isaías 8:4 - Li Santil hu

⁴ Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

Q'eqchi Bible

⁴ xb'aan naq li k'uula'al toj maji'aq ajwi' tixnaw xyeeb'al: «na' ut yuwa'», naq taa'elq'aaq chixjunil li k'aru wank re Damaask ut Samaria, ut li xb'ihomaleb' taak'ame'q toj rik'in li awab'ej re Asiria”.

Isaías 8:4 ပူးပေါင်းရင်းမြစ်များ

Romanos 9:11

Toj ma̱jiꞌ nequeꞌyoꞌla lix cocꞌal lix Rebeca nak quisiqꞌueꞌ ru li jun xban li Dios. Moco riqꞌuin ta lix yehom xba̱nuhom nak quisiqꞌueꞌ ru xban nak ma̱jiꞌ nequeꞌxba̱nu li us chi moco li incꞌaꞌ us. Riqꞌuin aꞌan nakanau nak li Dios incꞌaꞌ naxsicꞌ ru junak riqꞌuin lix yehom xba̱nuhom. Naxsicꞌ ban ru joꞌ naraj aꞌan.

Jonás 4:11

Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.

2 Reyes 17:3

Laj Salmanasar lix reyeb laj Asiria quipletic riqꞌuin laj Oseas ut quire̱chani li ple̱t. Joꞌcan nak laj Oseas quicꞌanjelac chiru ut quixtoj rix lix naꞌajeb.

2 Reyes 16:9

Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

2 Reyes 15:29

Saꞌ eb li cutan nak laj Peka cuan chokꞌ rey aran Israel, laj Tiglat-pileser lix reyeb laj Asiria quichal chi pletic riqꞌuineb laj Israel. Quinumta saꞌ xbe̱neb li tenamit Ijón, Abel-bet-maaca, Janoa, Cedes, Hazor, Galaad, Galilea ut chixjunil lix naꞌajeb li ralal xcꞌajol laj Neftalí. Quixchapeb li cristian ut quixcꞌameb chi pre̱xil aran Asiria.

Deuteronomio 1:39

Teꞌoc le̱ ralal e̱cꞌajol li toj ma̱jiꞌ nequeꞌxqꞌue retal cꞌaꞌru li us ut cꞌaꞌru li incꞌaꞌ us. Aꞌaneb li queye nak teꞌchapekꞌ ut teꞌcꞌamekꞌ chi pre̱xil, abanan la̱in tinqꞌue li naꞌajej reheb aꞌan. Aꞌaneb li teꞌe̱chani̱nk re.

Isaías 17:3

Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

Isaías 8:5

Ut quia̱tinac cuiꞌchic cuiqꞌuin li Ka̱cuaꞌ ut quixye cue:

Isaías 17:1

Aꞌan aꞌin li quixye li profeta chirixeb laj Damasco: —Damasco incꞌaꞌ chic ta̱cana̱k joꞌ tenamit. Ta̱poꞌekꞌ ut juqꞌuinbil ta̱cana̱k.

Amós 1:3

Joꞌcaꞌin quixye li Ka̱cuaꞌ: —Nabal sut ac xincuy xma̱queb laj Damasco. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal li yo̱queb chixba̱nunquil. Queꞌxrahobtesiheb laj Israel li cuanqueb Galaad. Chanchan tenbileb riqꞌuin chꞌi̱chꞌ joꞌ nequeꞌxba̱nu riqꞌuin li trigo nak queꞌxrahobtesiheb laj Israel.

Isaías 28:4

Ta̱sachekꞌ ru lix lokꞌal li tenamit Samaria li cuan saꞌ li ru takꞌa cuan cuiꞌ li cha̱bil chꞌochꞌ. Ta̱sachekꞌ ru joꞌ nak nachakic li utzꞌuꞌuj. Chanchan nak nasacheꞌ li xbe̱n ru li cheꞌ higo nak nasiqꞌueꞌ nak ma̱jiꞌ nacuulac xkꞌehil li sicꞌoc.

Amós 1:5

Tintꞌaneb li oqueba̱l re li tzꞌac li sutsu cuiꞌ li tenamit Damasco ut tinsacheb li cuanqueb saꞌ li ru takꞌa Avén ut tinsacheb ajcuiꞌ li nequeꞌtaklan aran Bet-edén. Ut li tenamit cuanqueb Siria teꞌcꞌamekꞌ chi pre̱xil toj saꞌ li tenamit Kir, chan li Ka̱cuaꞌ.