Isaías 8:19 - Li Santil hu

¹⁹ Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—

Q'eqchi Bible

¹⁹ Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

Isaías 8:19 ပူးပေါင်းရင်းမြစ်များ

1 Crónicas 10:13

Joꞌcaꞌin nak quicam laj Saúl xban nak quixtzꞌekta̱na li Ka̱cuaꞌ. Quixkꞌet li ra̱tin li Ka̱cuaꞌ ut quixpatzꞌ xnaꞌleb riqꞌuin jun li ixk aj kꞌe.

Levítico 20:6

La̱in xicꞌ nacuileb li nequeꞌxsicꞌ xnaꞌleb riqꞌuineb li nequeꞌa̱tinan musikꞌej, joꞌqueb ajcuiꞌ li nequeꞌtzꞌekta̱nan cue ut nequeꞌxsicꞌ xnaꞌleb riqꞌuineb laj kꞌe. Tincuisiheb saꞌ xya̱nkeb laj Israel.

2 Crónicas 33:6

Quixcꞌateb li ralal chokꞌ xmayej saꞌ li ru takꞌa re Ben-hinom. Naxic riqꞌuineb laj kꞌe chixpatzꞌbal cꞌaꞌru ta̱cha̱lk chiru mokon. Quixqꞌueheb xcuanquil laj kꞌe ut eb laj tu̱l ut eb li nequeꞌxnau xba̱nunquil li magia ut quixpatzꞌ xnaꞌleb riqꞌuineb li musikꞌej. Numtajenak li ma̱usilal li quixba̱nu toj retal nak quinumta xjoskꞌil li Ka̱cuaꞌ saꞌ xbe̱n.

Salmos 106:28

Saꞌ li naꞌajej Peor queꞌxlokꞌoni li yi̱banbil dios Baal ut queꞌxcuaꞌ li tzacae̱mk li queꞌxmayeja chiruheb li yi̱banbil dios li incꞌaꞌ yoꞌyo̱queb.

Levítico 19:31

Me̱sicꞌ le̱ naꞌleb riqꞌuineb li nequeꞌa̱tinan musikꞌej chi moco te̱sicꞌ riqꞌuineb laj kꞌe. Cui te̱ba̱nu aꞌan, te̱mux e̱rib. La̱in li Ka̱cuaꞌ le̱ Dios xinyehoc re aꞌin.

Isaías 29:4

Li tenamit Jerusalén ta̱cubsi̱k xcuanquil ut tꞌantꞌo̱keb saꞌ chꞌochꞌ. Saꞌ has teꞌa̱tinak saꞌ li chꞌochꞌ. Chanchanak jun li musikꞌej.

Isaías 19:3

La̱in tinsach xnaꞌlebeb laj Egipto ut tinpoꞌ ru li cꞌaꞌru teꞌxcꞌu̱b ru. Eb aꞌan teꞌxpatzꞌ xnaꞌlebeb riqꞌuineb lix dioseb ut riqꞌuineb li camenak, joꞌ ajcuiꞌ riqꞌuineb laj kꞌe ut eb laj tu̱l.

1 Samuel 28:8

Laj Saúl jalan li rakꞌ li quixqꞌue chirix. Aꞌan quiraj nak incꞌaꞌ ta̱naꞌekꞌ ru. Ut quixcꞌam chirix cuib li cui̱nk nak co̱ chi kꞌek chirilbal li ixk. Quixye re: —Nacuaj nak tat-a̱tinak riqꞌuineb li musikꞌej re nak ta̱ye cue cꞌaꞌru ta̱cꞌulma̱nk. Ta̱bok lix musikꞌ li cui̱nk li tinye a̱cue, chan.

Deuteronomio 18:11

Chi moco texxic chi patzꞌoc riqꞌuineb laj kꞌe li nequeꞌa̱tinac riqꞌuineb li musikꞌej ut riqꞌuineb lix musikꞌ li camenak, chi moco te̱qꞌue cꞌaꞌak re ru che̱cux re nak ma̱cꞌaꞌ te̱cꞌul, chi moco te̱cuaꞌtesi le̱ yajel.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

2 Reyes 1:3

Abanan jun x-ángel li Dios quia̱tinac riqꞌuin li profeta Elías, Tisbe xtenamit, ut quixye re: —Ayu chixcꞌulbaleb lix takl li rey ut ta̱ye reheb chi joꞌcaꞌin, “¿Cꞌaꞌut nak texxic chi patzꞌoc riqꞌuin laj Baal-zebub lix dioseb laj Ecrón? ¿Ma ma̱cꞌaꞌ ta biꞌ li Dios arin Israel?”

2 Reyes 23:24

Ut laj Josías quirisiheb ajcuiꞌ laj tu̱l ut eb laj kꞌe li cuanqueb Jerusalén ut saꞌ chixjunil li naꞌajej Judá. Quirisiheb ajcuiꞌ li yi̱banbil dios saꞌ eb li junju̱nk chi cab, joꞌ ajcuiꞌ li jalam u̱ch ut chixjunil li cꞌaꞌak re ru li quicꞌanjelac re xlokꞌoninquil li jalanil dios. Quixba̱nu chi joꞌcan re nak ta̱tzꞌaklok ru xba̱nunquil chixjunil li chakꞌrab li tzꞌi̱banbil saꞌ li hu li quixtau laj Hilcías laj tij saꞌ lix templo li Ka̱cuaꞌ.

1 Samuel 28:16

Laj Samuel quixye re: —¿Cꞌaꞌut nak nacapatzꞌ cue cꞌaꞌru ta̱ba̱nu? Li Ka̱cuaꞌ ac xatxcanab a̱junes ut xicꞌ chic nacatril.

2 Pedro 2:1

Queꞌcuan ajcuiꞌ chak profeta aj balakꞌ saꞌ xya̱nkeb laj Israel junxil. Joꞌcan ajcuiꞌ saꞌ e̱ya̱nk la̱ex, teꞌcua̱nk aj tzolonel aj balakꞌ. Chi timil ut saꞌ mukmu teꞌrocsi li balakꞌ aj naꞌleb re xsachbal xpa̱banquil li Dios toj retal teꞌxtzꞌekta̱na li Ka̱cuaꞌ Jesucristo li quicam saꞌ xcꞌabaꞌeb. Ut riqꞌuin li nequeꞌxba̱nu, nequeꞌxsach ribeb chi junaj cua ut yo̱queb chixbokbal raylal saꞌ xbe̱neb.

1 Samuel 28:11

Li ixk quixye re: —¿Ani ta̱cuaj tinbok xmusikꞌ? chan. Laj Saúl quixye re: —Nacuaj nak ta̱bok xmusikꞌ laj Samuel, chan.

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

Hechos 16:16

Saꞌ jun li cutan yo̱co chi xic chi tijoc nak kacꞌul jun li xkaꞌal aj kꞌe. Cuan ma̱us aj musikꞌej riqꞌuin. Aꞌan jun mo̱s ut naxsicꞌ nabal xtumin lix patrón riqꞌuin kꞌehi̱nc.

Génesis 41:24

Ut li cuukub chi̱j chi trigo li cha̱bil queꞌcꞌuxeꞌ xbaneb li chaki. La̱in xinserakꞌi reheb laj kꞌe. Abanan ma̱ jun xtaꞌoc re cꞌaꞌru xya̱lal lin matcꞌ, chan laj faraón.

Isaías 26:14

Eb aꞌan camenakeb chic anakcuan. Incꞌaꞌ chic teꞌcuacli̱k chi yoꞌyo̱queb. Incꞌaꞌ chic ta̱ru̱k teꞌtakla̱nk saꞌ kabe̱n xban nak la̱at xatqꞌuehoc reheb chixtojbal lix ma̱queb. La̱at xatsachoc ruheb ut incꞌaꞌ chic ta̱jultica̱k lix cꞌabaꞌeb.

Isaías 30:2

Nequeꞌxic Egipto chixsicꞌbal xtenkꞌanquileb chi incꞌaꞌ nequeꞌxpatzꞌ cue ma us malaj ut incꞌaꞌ us li nequeꞌxba̱nu. Nequeꞌraj nak li tenamit Egipto ta̱colok reheb. Eb aꞌan cauheb xchꞌo̱l riqꞌuin laj faraón.

Isaías 45:11

Li Ka̱cuaꞌ lix santil Dioseb laj Israel li quiyoꞌobtesin re chixjunil quixye: —¿Ma ta̱ru̱k ta biꞌ te̱cuechꞌ rixeb li cualal incꞌajol? ¿Ma ta̱ru̱k ta biꞌ te̱cuechꞌ rix li cꞌaꞌru ninba̱nu la̱in?

Isaías 47:12

Kꞌehinkex ut tu̱lankex, joꞌ yo̱quex chak chixba̱nunquil chalen saꞌ e̱sa̱jilal. Te̱ril cui cuan rajbal. Te̱ril ma cauhak chic e̱rib chi numta̱c saꞌ xbe̱neb li tenamit xban li tu̱lac ut li kꞌehi̱nc nequeba̱nu.

Isaías 47:13

Tacuajenakex chirabinquil li qꞌuila naꞌleb li nequeꞌxqꞌue aj qꞌuehol naꞌleb. Cha̱lkeb li nequeꞌkꞌehin riqꞌuin li chahim, li nequeꞌyehoc re cꞌaꞌru ta̱cꞌulma̱nk saꞌ li po junju̱nk. Cheꞌxyal xkꞌe che̱colbal chiru li cꞌaꞌru ta̱cꞌulma̱nk.

Jeremías 27:9

Joꞌcan nak me̱pa̱b li cꞌaꞌru nequeꞌxye li profetas, chi moco laj kꞌe, chi moco li naxye xya̱lal li matcꞌ, chi moco te̱rabi li cꞌaꞌru nequeꞌxye li nequeꞌa̱tinac chirix li cꞌaꞌru ta̱cꞌulma̱nk. Incꞌaꞌ tex-abi̱nk chiruheb li nequeꞌyehoc e̱re nak incꞌaꞌ te̱cubsi e̱rib rubel xcuanquil laj Nabucodonosor, lix reyeb laj Babilonia.

Miqueas 5:12

Ut tinsacheb laj kꞌe ut tinsacheb ajcuiꞌ laj tu̱l.

Deuteronomio 18:10

Ut ma̱ jun e̱re tixcꞌat lix cocꞌal chokꞌ xmayej, chi moco texkꞌehi̱nk, chi moco textu̱lak, chi moco texxic chi patzꞌoc riqꞌuineb laj tu̱l ut eb laj kꞌe.

1 Samuel 28:7

Laj Saúl quixbokeb li nequeꞌtaklan saꞌ xbe̱neb lix soldados. Quixye reheb: —Sicꞌomak chak junak li ixk aj kꞌe ut la̱in tinxic chi a̱tinac riqꞌuin aꞌan, chan. Eb li cui̱nk queꞌxye re: —Cuan jun li ixk aj kꞌe aran Endor li naxnau kꞌehi̱nc, chanqueb.