Isaías 8:17 - Li Santil hu

¹⁷ Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Q'eqchi Bible

¹⁷ Us ta li Qaawa' xmuq rib' chiruheb' li ralal xk'ajol laj Jakob, laa'in k'ojk'o linch'ool chirix A'an, ut xaqxo li woyb'enihom rik'in.

Isaías 8:17 ပူးပေါင်းရင်းမြစ်များ

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 33:20

La̱o cau kachꞌo̱l riqꞌuin li Ka̱cuaꞌ. Aꞌan li nacoloc ke ut aꞌan ajcuiꞌ li natenkꞌan ke.

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

Salmos 27:14

Chexyoꞌoni̱nk riqꞌuin li Ka̱cuaꞌ. Michꞌinan e̱chꞌo̱l. Cauhak ban e̱chꞌo̱l riqꞌuin. Caꞌaj cuiꞌ riqꞌuin aꞌan chexyoꞌoni̱nk.

Isaías 59:2

Li Dios incꞌaꞌ chic narabi le̱ tij xban le̱ ma̱usilal. Xban le̱ ma̱c incꞌaꞌ chic nequexcuan chi sum a̱tin riqꞌuin li Dios nak nequeraj tijoc.

Isaías 50:10

Abihomak la̱ex li nequexucua ru li Dios ut nequeba̱nu li cꞌaꞌru naxye laj cꞌanjel chiru. Cui cuanquex saꞌ kꞌojyi̱n ut ma̱cꞌaꞌ e̱saken, checacuubresihak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin le̱ Dios.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

Miqueas 7:7

Abanan la̱o, caꞌaj cuiꞌ riqꞌuin li Dios toyoꞌoni̱nk. Takacꞌojob kachꞌo̱l riqꞌuin li Ka̱cuaꞌ laj Colol ke. Li kaDios ta̱rabi nak takaya̱ba xcꞌabaꞌ.

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Oseas 12:6

Joꞌcan nak la̱ex ralal xcꞌajol laj Jacob, chexsukꞌi̱k riqꞌuin li Ka̱cuaꞌ. Chexcua̱nk saꞌ ti̱quilal ut chex-uxta̱na̱nk u. Ut cauhak taxak e̱chꞌo̱l riqꞌuin li Dios.

Deuteronomio 32:20

Li Ka̱cuaꞌ quixye: —La̱in incꞌaꞌ chic tincuileb chi moco tincuabiheb. Toj tincuil cꞌaꞌru teꞌxcꞌul xban nak incꞌaꞌ useb xnaꞌleb. Queꞌxkꞌetkꞌeti ribeb chicuu ut ma̱cꞌaꞌeb xpa̱ba̱l.

2 Ts 3:5

Aꞌ taxak li Ka̱cuaꞌ Jesucristo chitenkꞌa̱nk e̱re chixnaubal nak raro̱quex xban li Dios ut chicua̱nk taxak e̱riqꞌuin li cuyuc li naxqꞌue li Cristo.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Salmos 39:7

¿Cꞌaꞌ chic ru nacuoybeni, at Ka̱cuaꞌ? Caꞌaj chic a̱cuiqꞌuin cau inchꞌo̱l.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Salmos 130:5

Chi anchal inchꞌo̱l nacuoybeni nak li Ka̱cuaꞌ ta̱tenkꞌa̱nk cue ut li ra̱tin naxqꞌue xcacuil inchꞌo̱l.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

San Lucas 2:38

Saꞌ li ho̱nal aꞌan quicuulac cuan cuiꞌ li Jesús. Yo̱ chixlokꞌoninquil li Dios ut qui-oc chi a̱tinac chirix li cꞌulaꞌal riqꞌuineb laj Jerusalén li yo̱queb chiroybeninquil lix colbaleb.

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

Isaías 33:2

At Ka̱cuaꞌ, chacuuxta̱na taxak ku. La̱at li kayoꞌon. Chaqꞌue taxak xcacuil li kok kukꞌ chi cuulaj cuulaj. Ut choa̱col nak yo̱ko chixcꞌulbal li raylal.

Salmos 40:1

La̱in xincuy roybeninquil intenkꞌanquil riqꞌuin li Ka̱cuaꞌ. Ut aꞌan quirabi nak xinya̱ba lix cꞌabaꞌ.

Salmos 37:34

Cauhak e̱chꞌo̱l riqꞌuin li Ka̱cuaꞌ ut chexpa̱ba̱nk chiru. Ut aꞌan tixqꞌue e̱lokꞌal nak tixqꞌue le̱ naꞌaj li yechiꞌinbil e̱re xban. Ut te̱ril ajcuiꞌ nak teꞌsachekꞌ li incꞌaꞌ useb xnaꞌleb.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

Hebreos 2:13

Ut quixye cuiꞌchic: Cauhak inchꞌo̱l riqꞌuin li Dios. Ut quixye ajcuiꞌ: Cueꞌquin arin la̱in, cuochbeneb li ralal xcꞌajol li Dios li xkꞌaxtesi saꞌ cuukꞌ. (Isa. 8:17-18)

Li xHu LAJ JOB 13:24

¿Cꞌaꞌut nak incꞌaꞌ chic nacacuaj cuu? ¿Cꞌaꞌut nak niquina̱cuil joꞌ jun xicꞌ na-iloc a̱cue?

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Isaías 45:15

Li Ka̱cuaꞌ, le̱ Dios la̱ex aj Israel, aꞌan laj Colol e̱re. Aꞌan incꞌaꞌ na-ilman ru.

Jeremías 33:5

Eb li ochoch teꞌnujak riqꞌuineb li camenak li tincanabeb chi camsi̱c xban nak yo̱ injoskꞌil saꞌ xbe̱neb. La̱in tincanabeb xjunes li tenamit aꞌin xban li ma̱usilal nequeꞌxba̱nu.

Li xHu LAJ JOB 14:14

Nak nacam li cui̱nk, ¿ma ta̱yoꞌla̱k cuiꞌchic? La̱in yo̱quin chiroybeninquil joꞌ najtil chic tincꞌul li raylal toj ta̱cuulak xkꞌehil nak tincolekꞌ chiru li raylal.

Li xHu LAJ JOB 35:14

¿Ma tojaꞌ ta chic la̱at tatrabi? La̱at yo̱cat chixyebal nak incꞌaꞌ nacatxtenkꞌa. Oybeni cuan. Ac naxnau cꞌaꞌru yo̱cat chixcꞌulbal.

Isaías 57:17

Xban li ma̱usilal li nequeꞌxba̱nu ut xban nak chixjunil nequeꞌxrahi ru, la̱in xinjoskꞌoꞌ riqꞌuineb. La̱in xinqꞌueheb chixtojbal lix ma̱queb ut xincanabeb xjuneseb. Abanan xeꞌxcacuubresi xchꞌo̱leb ut junelic xeꞌxba̱nu li incꞌaꞌ us.

Isaías 64:6

Chikajunilo xoma̱cob cha̱cuu. Li kati̱quilal, aꞌan chanchan jun li tꞌicr tzꞌaj ru. To-osokꞌ joꞌ nak nachakic li xak kꞌe̱n. Aꞌ ajcuiꞌ li ma̱usilal li nakaba̱nu ta̱sachok ke joꞌ nak nacꞌameꞌ li chaki xak kꞌe̱n xban ikꞌ.