Isaías 8:15 - Li Santil hu

¹⁵ Nabalakeb li teꞌxtich li rokeb. Teꞌtꞌanekꞌ ut teꞌosokꞌ. Ut nabalakeb li teꞌchapekꞌ saꞌ li raꞌal.—

Q'eqchi Bible

¹⁵ Naab'aleb' li te'tichk'oq, te't'ane'q ut kok'putz' te'kanaaq; naab'aleb' li te'chape'q sa' li ra'al”.

Isaías 8:15 ပူးပေါင်းရင်းမြစ်များ

San Mateo 21:44

Li ani ta̱tꞌanekꞌ saꞌ xbe̱n li pec aꞌin tixtochꞌi rib. Ut cui ani saꞌ aj be̱n ta̱tꞌanekꞌ li pec aꞌin, xujinbil ta̱cana̱k, chan li Jesús.

Isaías 28:13

Joꞌcan nak li ra̱tin li Ka̱cuaꞌ ta̱cꞌutekꞌ chiruheb joꞌ nak nacꞌuteꞌ chiruheb li cocꞌal. Joꞌcan nak junes takla̱c teꞌxcꞌul ut nabal li chakꞌrab ta̱qꞌuehekꞌ saꞌ xbe̱neb xba̱nunquil. Kꞌaxal ra teꞌxcꞌul nak teꞌchapekꞌ ut teꞌcꞌamekꞌ saꞌ jalan tenamit.

1 Corintios 1:23

Aban la̱o nakachꞌolob xya̱lal nak li Cristo quicam chiru li cruz re kacolbal. Abanan li ca̱mc chiru cruz xuta̱nal chiruheb laj judío ut incꞌaꞌ nequeꞌraj xtaubal xya̱lal lix camic li Cristo. Joꞌcan nak chiruheb laj judío lix ya̱lal lix camic li Cristo chanchan jun li pec nequeꞌxtich rokeb chiru. Joꞌcan ajcuiꞌ chiruheb li ma̱cuaꞌeb aj judío, lix ya̱lal lix camic li Cristo to̱ntil naꞌleb chiruheb.

Romanos 9:32

¿Cꞌaꞌut nak incꞌaꞌ queꞌxtau? Xban nak moco yo̱queb ta chixsicꞌbal li ti̱quil chꞌo̱lej riqꞌuin xpa̱banquil li Cristo. Queꞌxsicꞌ ban li ti̱quilal riqꞌuin xba̱nunquil li naxye li chakꞌrab. Ut xban aꞌan, chanchan queꞌxtich rib chiru jun li pec. Ut li pec aꞌan retalil li Cristo. Ut li nequeꞌxtich rib chiru, aꞌan li nequeꞌtzꞌekta̱nan re li Cristo.

San Juan 6:66

Chalen saꞌ li cutan aꞌan nabaleb lix tzolom queꞌchꞌinan xchꞌo̱leb ut incꞌaꞌ chic queꞌxta̱ke li Jesús.

San Mateo 15:14

Canabomakeb. Aꞌaneb mutzꞌeb ut nequeꞌxberesiheb li mutzꞌ. Ut cui li mutzꞌ nequeꞌxberesi li rech mutzꞌil, chi xcabichaleb teꞌtꞌanekꞌ saꞌ jul.—

San Mateo 11:6

Us xak reheb li ani incꞌaꞌ ta̱chꞌina̱nk xchꞌo̱l inban, chan li Jesús.

Isaías 59:10

Nakachap kib chiru li tzꞌac nak nocobe̱c. Chanchano li mutzꞌ. Yal nakachꞌeꞌ aj chic li kabe. Chanchan nak incꞌaꞌ noco-iloc. Usta cuaꞌleb nakatich li kok joꞌ nakacꞌul chiru kꞌojyi̱n. Chanchano aj chic camenak.

Isaías 7:22

abanan tzꞌakalak ajcuiꞌ li leche li ta̱xocma̱nk re nak tixtzaca li mantequilla. Relic chi ya̱l nak li joꞌ qꞌuial chic li teꞌcolekꞌ teꞌxtzaca li mantequilla ut li xyaꞌal cab.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Jeremías 6:21

Joꞌcan nak la̱in tintakla li raylal saꞌ xbe̱neb. Tebinqꞌue chi tꞌanecꞌ eb li naꞌbej yucuaꞌbej joꞌqueb ajcuiꞌ li ralal xcꞌajol, joꞌqueb ajcuiꞌ li rech cabal ut eb li rami̱g. Jun xiquic nak teꞌosokꞌ chixjunileb, chan li Dios.