Isaías 8:14 - Li Santil hu

¹⁴ Xban nak santin, la̱in tincolok reheb li nequeꞌxqꞌue inlokꞌal. Chiruheb laj Judá ut eb laj Israel chanchanakin jun li pec li teꞌxtich cuiꞌ li rokeb. Chanchanakin jun li pec li natꞌanoc. Chiruheb li cuanqueb Jerusalén, chanchanakin jun li cꞌa̱m malaj ut jun li raꞌal re chapoc.

Q'eqchi Bible

¹⁴ A'anaq li santil na'ajej, li pek te'tichk'oq wi' eb' li tenamit ut luktesib'aal ch'oolej cho'q reheb' laj Israel ut eb' laj Judá; kama'aq jun li kanleb' ut ra'al cho'q reheb' li wankeb' Jerusalén.

Isaías 8:14 ပူးပေါင်းရင်းမြစ်များ

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

San Lucas 2:34

Ut laj Simeón quixtzꞌa̱ma rusilal li Dios saꞌ xbe̱neb ut quixye re lix María li naꞌbej: —Chacuabi li oc cue xyebal a̱cue. Saꞌ xcꞌabaꞌ li cꞌulaꞌal aꞌin, nabaleb laj Israel teꞌcolekꞌ ut saꞌ xcꞌabaꞌ ajcuiꞌ aꞌan nabaleb li teꞌsachk. Ut nabaleb li teꞌtzꞌekta̱na̱nk re.

Ezequiel 11:16

Joꞌcan nak ta̱ye reheb laj Israel la̱ cuech tenamitil li queꞌcꞌameꞌ chi najt li cꞌaꞌru yo̱quin chixyebal. La̱in quintaklan reheb chi najt ut quinjeqꞌuiheb saꞌ xya̱nkeb li jalanil tenamit. Abanan la̱in tincua̱nk riqꞌuineb nak cua̱nkeb aran.

Proverbios 18:10

Kꞌaxal lokꞌ xcꞌabaꞌ li Ka̱cuaꞌ ut kꞌaxal nim xcuanquil. Caꞌaj cuiꞌ riqꞌuin aꞌan nequeꞌxic chixsicꞌbal lix colbaleb li ti̱queb xchꞌo̱l.

Salmos 69:22

Raylal ta chisukꞌi̱k cuiꞌ saꞌ xbe̱neb li ninkꞌe li nequeꞌxba̱nu. Li cꞌaꞌru us chiruheb, aꞌan ta ajcuiꞌ chitꞌanok reheb.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

San Mateo 13:57

Ut incꞌaꞌ queꞌraj rabinquil ut queꞌxtzꞌekta̱na. Aꞌ ut li Jesús quixye reheb: —Junak profeta qꞌuebil xlokꞌal. Abanan saꞌ lix tenamit ut saꞌ li rochoch incꞌaꞌ qꞌuebil xlokꞌal, chan.

Isaías 26:20

Ex intenamit, ocankex saꞌ le̱ rochoch ut tzꞌapomak li oqueba̱l. Mukumak caꞌchꞌinak e̱rib toj ta̱numekꞌ xjoskꞌil li Dios.

Romanos 11:35

Ma̱ ani naru naqꞌuehoc cꞌaꞌru re li Dios re nak ta̱qꞌuehekꞌ ta cuiꞌchic re̱kaj re xban li Dios. (Job 35:7; 41:11)

San Lucas 21:35

Ta̱cha̱lk chi ma̱cꞌaꞌ saꞌ e̱chꞌo̱l joꞌ nak naqꞌueman junak raꞌal chi ma̱ ani nanaꞌoc re.

Isaías 4:6

Aꞌin ta̱cꞌanjelak reheb chokꞌ xmuheb re teꞌxcol ribeb chiru xtikcual li sakꞌe ut re ajcuiꞌ xcolbaleb rib chiru li hab ut li ca̱k-sut-ikꞌ.

San Mateo 21:44

Li ani ta̱tꞌanekꞌ saꞌ xbe̱n li pec aꞌin tixtochꞌi rib. Ut cui ani saꞌ aj be̱n ta̱tꞌanekꞌ li pec aꞌin, xujinbil ta̱cana̱k, chan li Jesús.

Salmos 140:5

Eb li nequeꞌxnimobresi ribeb ac xeꞌxcꞌu̱b ru chanru nak tineꞌxcamsi. Nequeꞌxqꞌue lin raꞌlenquil chire li be re intꞌanbal. Nequeꞌxqꞌue li raꞌal re inchapbal.

Isaías 7:16

Nak toj ma̱jiꞌ naxnau xsicꞌbal ru li us ut xtzꞌekta̱nanquil li incꞌaꞌ us li chꞌina al, lix naꞌajeb li cuib chi rey li nequexucua ru ta̱cana̱k chi ma̱cꞌaꞌ chic cristian chiru.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Isaías 59:10

Nakachap kib chiru li tzꞌac nak nocobe̱c. Chanchano li mutzꞌ. Yal nakachꞌeꞌ aj chic li kabe. Chanchan nak incꞌaꞌ noco-iloc. Usta cuaꞌleb nakatich li kok joꞌ nakacꞌul chiru kꞌojyi̱n. Chanchano aj chic camenak.

Jeremías 6:21

Joꞌcan nak la̱in tintakla li raylal saꞌ xbe̱neb. Tebinqꞌue chi tꞌanecꞌ eb li naꞌbej yucuaꞌbej joꞌqueb ajcuiꞌ li ralal xcꞌajol, joꞌqueb ajcuiꞌ li rech cabal ut eb li rami̱g. Jun xiquic nak teꞌosokꞌ chixjunileb, chan li Dios.

Ezequiel 3:20

Cui cuan junak ti̱c xchꞌo̱l ta̱oc chixba̱nunquil li ma̱usilal ut la̱in tincanab chi tꞌanecꞌ, aꞌan ta̱ca̱mk cui la̱at incꞌaꞌ ta̱chꞌolob xya̱lal chiru. Ta̱ca̱mk xban lix ma̱usilal ut incꞌaꞌ ta̱julticokꞌ cue li us li quixba̱nu. Ut saꞌ a̱be̱n la̱at ta̱cana̱k lix camic.

Josué 10:7

Laj Josué qui-el chak Gilgal rochbeneb chixjunileb li soldado li cauheb rib chi pletic.