Isaías 8:10 - Li Santil hu

¹⁰ Usta te̱cꞌu̱b ru chi us li cꞌaꞌru te̱ba̱nu, abanan incꞌaꞌ us tex-e̱lk. Usta tex-a̱tinak chi nabal, abanan ma̱cꞌaꞌak aj e li cꞌaꞌru te̱ye xban nak la̱o cuan li Ka̱cuaꞌ kiqꞌuin.

Q'eqchi Bible

¹⁰ Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.

Isaías 8:10 ပူးပေါင်းရင်းမြစ်များ

Lamentaciones 3:37

¿Ani ta biꞌ ta̱ru̱k tixye cꞌaꞌru tixcꞌul junak cui moco joꞌcan ta naraj li Dios?

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

Li xHu LAJ JOB 5:12

Aꞌan napoꞌoc ru li incꞌaꞌ us nequeꞌxcꞌoxla xba̱nunquil li se̱beb xchꞌo̱l chixba̱nunquil li incꞌaꞌ us. Ma̱cꞌaꞌ nequeꞌxba̱nu xban nak aꞌan naxpoꞌ ru li cꞌaꞌru nequeꞌxcꞌoxla xba̱nunquil.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

2 Samuel 15:31

Laj David quiyeheꞌ resil re nak laj Ahitofel, aꞌan xcomoneb li nequeꞌoquen chirix laj Absalón. Joꞌcan nak laj David quitijoc ut quixye: —At Ka̱cuaꞌ, ta̱poꞌ taxak ru lix cꞌaꞌux laj Ahitofel re nak incꞌaꞌ us ta̱e̱lk li naꞌleb li tixqꞌue, chan.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Salmos 46:7

Li Dios li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob ut aꞌan ajcuiꞌ li nacoloc ke.

2 Crónicas 13:12

Cheqꞌuehak retal. Li Dios cuan kiqꞌuin. Aꞌan yo̱ chi cꞌamoc kabe. Ut eb laj tij oqueb re chixya̱basinquil lix trompe̱teb re takatiquib pletic e̱riqꞌuin. Joꞌcan ut, ex ralal xcꞌajol laj Israel, mexpletic riqꞌuin li Ka̱cuaꞌ lix Dioseb le̱ xeꞌto̱nil yucuaꞌ xban nak incꞌaꞌ texnumta̱k saꞌ kabe̱n, chan laj Abías.

Deuteronomio 20:1

Nak texxic chi pletic riqꞌuineb li xicꞌ nequeꞌiloc e̱re ut te̱ril nak kꞌaxal nabaleb lix soldado ut lix cacua̱y ut lix carruaje chiru le̱ re la̱ex, mexxucuac xbaneb. Li Ka̱cuaꞌ le̱ Dios li qui-isin chak e̱re aran Egipto, aꞌan cua̱nk e̱riqꞌuin ut ta̱tenkꞌa̱nk e̱re.

2 Samuel 17:23

Laj Ahitofel quixqꞌue retal nak incꞌaꞌ queꞌxba̱nu li cꞌaꞌru quixye reheb. Joꞌcan nak quixyi̱b rix lix bu̱r ut quitakeꞌ chirix ut quisukꞌi saꞌ xtenamit. Quixyi̱b ru li cꞌaꞌru re saꞌ li rochoch. Ut chirix aꞌan quixyatzꞌ rib. Joꞌcaꞌin nak quicam laj Ahitofel. Quimukeꞌ saꞌ li mukleba̱l li quimukeꞌ cuiꞌ lix yucuaꞌ.

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Romanos 8:13

Cui toj yo̱quex chixba̱nunquil li naxrahi ru le̱ chꞌo̱l, texca̱mk. Aban cui riqꞌuin e̱tenkꞌanquil xban li Santil Musikꞌej, te̱canab xba̱nunquil le̱ yehom e̱ba̱nuhom li quilaje̱ba̱nu chak junxil, ta̱cua̱nk e̱yuꞌam chi junelic.

1 Juan 4:4

Ex inherma̱n, la̱ex rehex chic li Dios. La̱ex xecuy ut xenau xcolbal e̱rib chiruheb laj balakꞌ. Xecuy xban nak li Santil Musikꞌej cuan e̱riqꞌuin ut kꞌaxal nim xcuanquil aꞌan chiru laj tza li cuan riqꞌuineb laj balakꞌ.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Isaías 8:8

Teꞌnumta̱k saꞌ xbe̱neb chixjunileb laj Judá. Chanchanakeb li butꞌ li nacuulac toj saꞌ xcuxeb lix chamal ut naxtzꞌap chixjunil la̱ tenamit, at Emanuel, chan li Ka̱cuaꞌ.

2 Samuel 17:4

Laj Absalón quixcꞌul xchꞌo̱l li cꞌaꞌru quixye ut queꞌxcꞌul ajcuiꞌ xchꞌo̱leb laj Israel li nequeꞌcꞌamoc be.

Génesis 21:22

Saꞌ eb li cutan aꞌan laj Abimelec rochben laj Ficol co̱eb chi a̱tinac riqꞌuin laj Abraham. Laj Ficol aꞌan li nataklan saꞌ xbe̱neb lix soldados laj Abimelec. Laj Abimelec quixye re laj Abraham: —La̱o yo̱co chixqꞌuebal retal nak nacatxtenkꞌa li Dios riqꞌuin chixjunil li cꞌaꞌak re ru nacaba̱nu.

Isaías 28:18

Ta̱sachekꞌ xcuanquil li contrato li queba̱nu riqꞌuin li ca̱mc joꞌ ajcuiꞌ li contrato li queba̱nu riqꞌuin lix naꞌajeb li camenak. Kꞌaxal ra te̱cꞌul nak ta̱cha̱lk li raylal saꞌ e̱be̱n.

Isaías 43:5

Mexxucuac. La̱in cua̱nkin e̱riqꞌuin. La̱in tinqꞌueheb chi sukꞌi̱c saꞌ lix naꞌajeb le̱ ralal e̱cꞌajol li cuanqueb chak saꞌ li este ut li cuanqueb chak saꞌ li oeste.

Jeremías 42:11

Mexxucuac chiru lix reyeb laj Babilonia. Anakcuan nequexxucuac xban, abanan mexxucuac chic xban nak la̱in tincua̱nk e̱riqꞌuin. La̱in tintenkꞌan e̱re ut tincolok e̱re saꞌ rukꞌ li rey aꞌan.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Joel 3:9

Yehomak resil chi joꞌcaꞌin reheb chixjunileb li tenamit: Cauresihomak e̱rib chi pletic. Te̱bokeb li cauheb rib. Cheꞌcha̱lk chixjunileb li cui̱nk chi pletic.

Números 14:9

Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

2 Reyes 6:12

Jun saꞌ xya̱nkeb quixye re: —At rey, ma̱ jun ke yo̱ chi oque̱nc chirix li rey aꞌan. Aran cuan li profeta Eliseo ut aꞌan naxye re li rey chixjunil li nacacꞌu̱b ru, usta nayeman chi mukmu saꞌ la̱ cuariba̱l, chan.

Salmos 21:12

Nak yo̱ chixcutbaleb riqꞌuin lix tzimaj, teꞌxyal raj e̱lelic chiru li rey, abanan incꞌaꞌ chic teꞌru̱k.

Salmos 46:8

Abihomak ut qꞌuehomak retal cꞌaꞌru quixba̱nu li Dios riqꞌuineb li xicꞌ queꞌiloc reheb lix tenamit.

Isaías 14:27

Li Ka̱cuaꞌ li nimajcual Dios xteneban chak re aꞌin. ¿Ani ta biꞌ ta̱ru̱k ta̱poꞌok re li quixye? Cui li Ka̱cuaꞌ quixye nak tixba̱nu chi joꞌcan, ¿ani ta biꞌ ta̱ru̱k ta̱jalok re lix cꞌaꞌux?

Hageo 1:13

Ut laj Hageo, lix profeta li Dios, quia̱tinac riqꞌuineb li tenamit saꞌ xcꞌabaꞌ li Ka̱cuaꞌ Dios. Quixye reheb: —Joꞌcaꞌin xye e̱re li Dios: La̱in cua̱nkin e̱riqꞌuin, chan.