Isaías 7:6 - Li Santil hu

⁶ —Toxic chi pletic riqꞌuineb laj Judá. Takachap lix naꞌajeb ut takajeqꞌui chi kibil kib. Ut takaxakab li ralal laj Tabeel chokꞌ xreyeb, chanqueb.

Q'eqchi Bible

⁶ Yo'qeb' chi yalok rik'ineb' laj Judá ut qaxib'esiiqeb'; qeechaniiq li xch'och'eb' ut qaxaqab'aq li ralal laj Tabel cho'q x'awab'ejeb', chankeb'.

Isaías 7:6 ပူးပေါင်းရင်းမြစ်များ

Isaías 7:1

Laj Acaz, lix reyeb laj Judá, aꞌan li ralal laj Jotam. Laj Jotam, aꞌan li ralal laj Uzías. Saꞌ eb li cutan nak cuan laj Acaz chokꞌ xreyeb laj Judá, laj Rezín lix reyeb laj Siria ut laj Peka li ralal laj Remalías lix reyeb laj Israel queꞌco̱eb chi pletic riqꞌuineb laj Jerusalén. Abanan incꞌaꞌ quiru queꞌoc saꞌ li tenamit.

Isaías 7:5

Lix reyeb laj Siria ut laj Efraín joꞌ ajcuiꞌ li ralal laj Remalías queꞌxcꞌu̱b ru chanru nak teꞌcha̱lk chi pletic a̱cuiqꞌuin ut queꞌxye:

Isaías 7:7

Abanan li nimajcual Dios quixye: —Ma̱ jokꞌe ta̱cꞌulma̱nk chi joꞌcan. Incꞌaꞌ ta̱uxma̱nk li cꞌaꞌru nequeꞌxye.

1 Reyes 12:16

Eb li tenamit queꞌril nak incꞌaꞌ quirabi li rey li queꞌxtzꞌa̱ma chiru. Eb aꞌan queꞌxye re: —¿Cꞌaꞌru takara la̱o riqꞌuineb li ralal xcꞌajol laj David? La̱o ma̱cꞌaꞌ junak cꞌaꞌak re ru teꞌxqꞌue ke. Joꞌcan nak la̱o takil kib kajunes. Ut la̱at taklan saꞌ xbe̱neb li ralal xcꞌajol laj David, chanqueb. Ut eb aꞌan queꞌsukꞌi saꞌ lix naꞌajeb.

2 Reyes 11:2

Abanan lix Josaba lix rabin li rey Joram quixcol laj Joás li ralal laj Ocozías. Quirisi saꞌ xya̱nkeb li ralal laj Ocozías li oqueb re chi camsi̱c. Quixcꞌam laj Joás rochben li ixk li na-iloc re ut quixmukeb saꞌ jun li cuariba̱l re nak incꞌaꞌ teꞌtaꞌekꞌ xban lix Atalía. Joꞌcaꞌin nak lix Josaba li ranab laj Ocozías quixcol laj Joás re nak incꞌaꞌ ta̱camsi̱k.

2 Crónicas 13:8

Ut anakcuan la̱ex te̱raj pletic riqꞌuineb li ralal xcꞌajol laj David li sicꞌbileb ru xban li Dios re texcua̱nk saꞌ li cuanquilal. La̱ex nabalex ut cuan chak e̱riqꞌuin li cuacax oro li quixyi̱b chokꞌ e̱dios laj Jeroboam.

2 Crónicas 21:7

Abanan li Ka̱cuaꞌ incꞌaꞌ quiraj xsachbal ruheb li ralal xcꞌajol laj David xban li contrato li quixba̱nu riqꞌuin laj David nak quixye re nak junelic cua̱nk junak reheb li ralal xcꞌajol ta̱oc chokꞌ rey.

2 Crónicas 28:5

Joꞌcan nak li Ka̱cuaꞌ Dios quixkꞌaxtesi li rey Acaz saꞌ rukꞌ lix reyeb laj Siria. Eb laj Siria queꞌnumta saꞌ xbe̱neb laj Judá ut queꞌxchap nabaleb ut queꞌxcꞌam chi pre̱xil toj Damasco. Ut quitꞌaneꞌ ajcuiꞌ li rey Acaz saꞌ rukꞌ lix reyeb laj Israel ut nabaleb li queꞌcamsi̱c xban.

Salmos 21:11

Usta eb aꞌan teꞌxcꞌu̱b ru chanru teꞌxba̱nu raylal re li rey, abanan ma̱cꞌaꞌ naru teꞌxba̱nu re.

Salmos 83:3

Li xicꞌ nequeꞌiloc a̱cue saꞌ comonil yo̱queb chixcꞌu̱banquil ru chi mukmu chanru teꞌxba̱nu reheb la̱ tenamit li sicꞌbil ru a̱ban.

Proverbios 19:21

Eb li cristian nabal li cꞌaꞌak re ru nequeꞌxcꞌu̱b ru. Abanan caꞌaj cuiꞌ li Dios yal re ma ta̱uxma̱nk chixjunil li nequeꞌxcꞌu̱b ru.

Isaías 8:6

—Eb li tenamit aꞌin queꞌxtzꞌekta̱na li nimaꞌ Siloé, li tuktu ru ut queꞌxcꞌojob xchꞌo̱leb riqꞌuin laj Rezín ut riqꞌuin laj Peka li ralal laj Remalías.