Isaías 7:20 - Li Santil hu

²⁰ Ut saꞌ eb li cutan aꞌan li Ka̱cuaꞌ tixtakla lix reyeb laj Asiria, li cuan jun pacꞌal li nimaꞌ Éufrates. Li cui̱nk aꞌan chanchan jun aj besonel xban nak tixtakla xbesbal le̱ jolom joꞌ ajcuiꞌ le̱ mach ut le̱ tzelec.

Q'eqchi Bible

²⁰ Naq taawulaq li kutan a'an, toj junpak'al li nima' Éwfrates, li Qaawa' tixtaqla chaq sa' eeb'een li awab'ej re Asiria li taak'ehoq eere sa' xutaan: tixjo leejolom, leetzelek ut leemach jo' naxb'aanu junaq aj b'esonel.

Isaías 7:20 ပူးပေါင်းရင်းမြစ်များ

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.

Ezequiel 29:18

—At ralal cui̱nk, laj Nabucodonosor lix reyeb laj Babilonia quicꞌamoc be chiruheb lix soldado nak queꞌpletic riqꞌuineb laj Tiro. Xban li cacuil trabaj li queꞌxba̱nu quitꞌaneꞌ li rismaleb xjolom ut queꞌmichꞌeꞌ li xbe̱neb xtel. Abanan chi moco li rey, chi moco eb lix soldado queꞌxcꞌul xkꞌajca̱munquil li pletic queꞌxba̱nu riqꞌuineb laj Tiro.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Ezequiel 29:20

La̱in tinkꞌaxtesi li tenamit Egipto saꞌ rukꞌ laj Nabucodonosor chokꞌ xkꞌajca̱munquil xban nak aꞌan quicꞌanjelac chicuu nak quipletic riqꞌuineb laj Tiro.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 1:5

¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Jeremías 2:18

¿Cꞌaꞌut nak te̱raj xic chixpatzꞌbal e̱tenkꞌanquil aran Egipto? ¿Ma textenkꞌa ta biꞌ li nimaꞌ Nilo? Ut, ¿cꞌaꞌut nak te̱raj xic xpatzꞌbal e̱tenkꞌanquil aran Asiria? ¿Ma naru ta biꞌ texcol li nimaꞌ Éufrates?

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Isaías 36:1

Ca̱laju chihab roquic laj Ezequías chokꞌ xreyeb laj Judá nak laj Senaquerib lix reyeb laj Asiria co̱ chi pletic riqꞌuineb laj Judá saꞌ eb li tenamit li ac cauresinbileb chi pletic ut quire̱chaniheb.