Isaías 7:18 - Li Santil hu

¹⁸ Saꞌ eb li cutan aꞌan li Ka̱cuaꞌ tixbokeb laj Egipto ut eb laj Asiria. Eb laj Egipto chanchanakeb li raxya̱t xban xqꞌuialeb nak teꞌcha̱lk chi najt bar cuanqueb cuiꞌ li nimaꞌ. Ut eb laj Asiria chanchanakeb li sak cꞌau nak teꞌcha̱lk.

Q'eqchi Bible

¹⁸ Sa'eb' li kutan a'an li Qaawa' tixb'oqeb' chaq laj Ejiipt li jo'keb' xk'ihaleb' li suq, ut eb' laj Asiria li te'chalq chaq jo'keb' li kas.

Isaías 7:18 ပူးပေါင်းရင်းမြစ်များ

Isaías 5:26

Li Ka̱cuaꞌ Dios chanchan nak tixtaksi lix bandera re xbokbaleb li jalan tenamit li cuanqueb chi najt. Chanchan nak xuxbanbil tixba̱nu reheb nak tixbokeb li tenamit li kꞌaxal najt cuanqueb chak. Ut eb li tenamit aꞌan saꞌ junpa̱t teꞌcha̱lk.

Isaías 31:1

Raylal ta̱cha̱lk saꞌ xbe̱neb li nequeꞌxic Egipto chixsicꞌbal xtenkꞌanquileb ut nequeꞌxcꞌojob lix chꞌo̱leb saꞌ xbe̱neb li cacua̱y. Nequeꞌxcacuubresi lix chꞌo̱leb xban nak nabaleb lix carruaje ut kꞌaxal cauheb rib li nequeꞌxic chirix cacua̱y. Abanan incꞌaꞌ nequeꞌxsicꞌ li Dios Santo, lix Dioseb laj Israel, chi moco nequeꞌxtzꞌa̱ma xtenkꞌanquil riqꞌuin.

Josué 24:12

Nak yo̱quex chi xic, la̱in quinsach lix naꞌlebeb re nak ta̱ru̱k te̱risiheb li cuib chi rey li nequeꞌtaklan saꞌ xbe̱neb laj amorreo. Ma̱cuaꞌ la̱ex li quexba̱nun re riqꞌuin le̱ tzimaj, chi moco riqꞌuin le̱ chꞌi̱chꞌ. La̱in ban quin-isin reheb.

Deuteronomio 7:20

Ut tixseꞌbesiheb xbaneb li chꞌub li tixtakla re xtiubaleb toj retal nak teꞌosokꞌ chixjunileb, usta yo̱keb chixmukbal ribeb che̱ru.

Deuteronomio 1:44

Eb laj amorreo li cuanqueb saꞌ li naꞌajej li tzu̱l ru queꞌel che̱cꞌulbal. Chanchaneb jun tu̱b li chꞌub nak queꞌchal saꞌ e̱be̱n. Ut quexra̱lina toj Horma. Queꞌnumta saꞌ e̱be̱n saꞌ li naꞌajej Seir.

Isaías 13:5

Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Isaías 7:17

Raylal tixqꞌue saꞌ e̱be̱n li Ka̱cuaꞌ ut saꞌ xbe̱neb le̱ ralal e̱cꞌajol. Cꞌajoꞌ li raylal teꞌxcꞌul chixjunileb li ralal xcꞌajoleb li rey. Ma̱ jun sut quicꞌulman chi joꞌcan chalen nak eb laj Efraín queꞌxjach ribeb riqꞌuineb laj Judá. Li Ka̱cuaꞌ tixtakla chak lix reyeb laj Asiria che̱rahobtesinquil.

Salmos 118:12

Xineꞌxsut joꞌ nak nequeꞌxtububi ribeb li chꞌub. Abanan saꞌ junpa̱t queꞌosoꞌ joꞌ nak nacꞌateꞌ li pim. Riqꞌuin xcuanquil li Ka̱cuaꞌ, la̱in xinsach ruheb.

Éxodo 8:24

Ut joꞌcan quixba̱nu li Ka̱cuaꞌ Dios. Quilajeꞌtam li raxya̱t saꞌ rochoch laj faraón joꞌ ajcuiꞌ li rochocheb lix mo̱s. Xban xqꞌuialeb li raxya̱t quiyiboꞌ ru chixjunil li cꞌaꞌru cuan saꞌ li tenamit Egipto.

Éxodo 8:21

Cui incꞌaꞌ nacacanabeb chi xic lin tenamit, la̱in tintakla li qꞌuila okꞌob chi raxya̱t saꞌ e̱ya̱nk ut saꞌ xya̱nkeb la̱ mo̱s, ut saꞌ xya̱nkeb chixjunileb li tenamit joꞌ eb ajcuiꞌ saꞌ le̱ rochoch. Telajeꞌqꞌuia̱nk saꞌ le̱ rochoch ut telajeꞌqꞌuia̱nk ajcuiꞌ saꞌ li chꞌochꞌ bar cuiꞌ telajexcua̱nk.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.

Salmos 105:31

Yal riqꞌuin li ra̱tin, li Dios quixtakla nabal li ni̱nki raxya̱t ut li suk ut quinujac li tenamit xbaneb li xul.