Isaías 66:8 - Li Santil hu

⁸ ¿Ma cuan ta biꞌ junak ani qui-abin re nak quicꞌulman ta jun sutak chi joꞌcan? ¿Ma cuan ta biꞌ junak qui-iloc re nak junak nimla tenamit queꞌtam chi junpa̱t? ¿Ma cuan ta biꞌ junak tenamit quiniman chiru jun cutan? Abanan eb li tenamit Sión saꞌ junpa̱t teꞌta̱mk. Chanchan jun li ixk xyoꞌla xcꞌulaꞌal saꞌ junpa̱t.

Q'eqchi Bible

⁸ Ani x'ab'ink naq xk'ulmank junaq na'leb' jo' a'an? Ani x'ilok re junsutaq naq xyo'laak junaq tenamit yal chiru jun kutan malaj yal sa' junpaat xwakliik jun tenamit? Ab'anan Sión, naq xtaw xkutankil li alank, sa' junpaat xtenamito'k.

Isaías 66:8 ပူးပေါင်းရင်းမြစ်များ

Isaías 64:4

Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

1 Corintios 2:9

Joꞌcaꞌin tzꞌi̱banbil saꞌ li Santil Hu chirix li kalokꞌal: Li incꞌaꞌ na-ilman ru chi moco na-abi̱c chi moco nacꞌoxla̱c xbaneb li cui̱nk, aꞌan li quixcꞌu̱b li Dios chokꞌ reheb li nequeꞌrahoc re. (Isa. 64:4; 65:17)

Hechos 21:20

Nak queꞌrabi aꞌin queꞌxbantioxi chiru li Dios. Ut queꞌxye re laj Pablo: —La̱at nacacuil, at herma̱n, jarub mil eb laj judío ac xeꞌpa̱ban. Ut chixjunileb aꞌan nequeꞌxqꞌue xchꞌo̱l chixba̱nunquil li naxye li chakꞌrab.

Hechos 2:41

Ut chixjunileb li queꞌpa̱ban re li ra̱tin queꞌcubsi̱c xhaꞌ. Oxib mil tana li queꞌpa̱ban saꞌ li cutan aꞌan ut queꞌoc chokꞌ xcomoneb.

Hechos 4:4

Abanan nabaleb li queꞌpa̱ban re li a̱tin li yo̱queb chixyebal laj Pedro ut laj Juan. Cuanqueb na o̱bak mil li cui̱nk li queꞌpa̱ban.

Jeremías 18:13

Joꞌcan nak li Ka̱cuaꞌ naxye: —Patzꞌomak saꞌ eb li xni̱nkal ru tenamit ma quicꞌulman na jun sutak chi joꞌcaꞌin. Abanan eb laj Israel queꞌxba̱nu chi joꞌcan. Kꞌaxal yibru queꞌxba̱nu.