Isaías 66:5 - Li Santil hu

⁵ Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Q'eqchi Bible

⁵ Ab'ihomaq li naxye li Qaawa', laa'ex li nekexsiksotk ut nekexpaab'ank chiru: “Wankeb' eerech tenamitul xik' nekexrileb' ut nekextz'eqtaanaheb' xb'aan link'ab'a', ut neke'xye: «Xk'utaq xloq'al li Qaawa'; naqaj naq sahaq sa' leech'ool», chankeb'. A'ut eb' a'an xutaanal te'kanaaq.

Isaías 66:5 ပူးပေါင်းရင်းမြစ်များ

Isaías 66:2

¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.

Salmos 38:20

La̱in ninba̱nu usilal reheb. Abanan eb aꞌan ma̱usilal nequeꞌxba̱nu cue. Xicꞌ niquineꞌril xban nak ninba̱nu li us.

San Juan 9:34

Eb aꞌan queꞌchakꞌoc ut queꞌxye re: —La̱at aj ma̱c chalen chak saꞌ a̱yoꞌlajic. ¿Ma nacacꞌoxla nak naru ta̱qꞌue kanaꞌleb la̱o? chanqueb. Ut queꞌrisi li cui̱nk saꞌ xya̱nkeb ut incꞌaꞌ chic queꞌxcꞌul.

Jeremías 36:16

Nak queꞌrabi li cꞌaꞌru naxye saꞌ li hu, cꞌajoꞌ nak queꞌxucuac. Queꞌxcaꞌya ribeb ut queꞌxye re laj Baruc: —Tento takaye re li rey chixjunil aꞌin, chanqueb.

Isaías 5:19

La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

Cantares 1:6

Me̱qꞌue retal lin kꞌekal. Li sakꞌe quicꞌatoc cue. Joꞌcan nak kꞌek nincꞌutun. Queꞌjoskꞌoꞌ cuiqꞌuin li cuas ut quineꞌxqꞌue chi trabajic saꞌ xnaꞌaj lix uvas. Joꞌcan nak incꞌaꞌ xcuil cuib chi us.

1 Juan 3:13

Joꞌcan ut ex inherma̱n, misach e̱chꞌo̱l xbaneb li xicꞌ nequeꞌiloc e̱re saꞌ ruchichꞌochꞌ.

San Lucas 13:17

Ut riqꞌuin li cꞌaꞌru quixye li Jesús, quixcꞌut xxuta̱neb chixjunileb li yo̱queb chixcuechꞌinquil rix. Abanan li qꞌuila tenamit queꞌsahoꞌ xchꞌo̱l xbaneb li milagro li yo̱ chixba̱nunquil li Jesús.

Proverbios 13:13

Li ani naxtzꞌekta̱na li chakꞌrab ta̱sachk. Abanan li ani naxqꞌue xcuanquil li chakꞌrab, aꞌan tixcꞌul xkꞌajca̱munquil.

Hebreos 9:28

Joꞌcan nak li Jesucristo jun sut ajcuiꞌ quixmayeja rib re risinquil lix ma̱queb li qꞌuila tenamit. Mokon tol-e̱lk cuiꞌchic, aban ma̱cuaꞌ chic re cuyuc ma̱c ta̱cha̱lk. Tol-e̱lk ban li Jesucristo re xtzꞌakobresinquil li kacolbal chikajunil li yo̱co chi yoꞌoni̱nc re.

Tito 2:13

Joꞌcan taxak yo̱ko nak yo̱ko chiroybeninquil li lokꞌlaj cutan nak tol-e̱lk cuiꞌchic li Jesucristo li nakayoꞌoni. Saꞌ li cutan aꞌan ta̱cꞌutbesi̱k chiku lix lokꞌal li kanimajcual Dios, li Jesucristo laj Colol ke.

San Juan 16:2

Tex-isi̱k saꞌ li cab li nequeꞌxchꞌutub cuiꞌ ribeb laj judío. Ta̱cuulak xkꞌehil nak eb li teꞌcamsi̱nk e̱re teꞌxcꞌoxla nak yo̱queb chi cꞌanjelac chiru li Dios nak teꞌxba̱nu chi joꞌcan.

Isaías 60:15

Usta tzꞌekta̱nanbilex nak quexcuan ut usta xicꞌ quex-ileꞌ ut ma̱ ani quinumeꞌ saꞌ le̱ tenamit, abanan la̱in tinqꞌue e̱lokꞌal ut chixjunileb teꞌsahokꞌ saꞌ xchꞌo̱leb e̱riqꞌuin chi junelic.

2 Ts 1:12

Nocotijoc che̱rix re nak la̱ex junelic te̱nima xlokꞌal li Ka̱cuaꞌ Jesucristo. Ut la̱ex tex-oxlokꞌi̱k ajcuiꞌ xban nak rehex chic li Cristo. Aꞌ taxak li Dios ut li Ka̱cuaꞌ Jesucristo riqꞌuin xnimal rusilal chitenkꞌa̱nk e̱re re nak joꞌcan taxak chi-uxma̱nk.

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.

1 Reyes 21:29

—¿Ma xaqꞌue retal nak laj Acab xcubsi rib chicuu? Xban nak xcubsi rib, la̱in incꞌaꞌ tintakla li raylal saꞌ xbe̱neb li ralal xcꞌajol nak toj yoꞌyo̱k. Abanan tinqꞌue li raylal saꞌ xbe̱neb li ralal xcꞌajol nak ac cuan chic li ralal chokꞌ rey, chan.

2 Reyes 22:10

Ut laj Safán quixye ajcuiꞌ re li rey: —Laj Hilcías laj tij quixqꞌue cue li hu aꞌin, chan ut laj Safán quiril xsaꞌ li hu chiru li rey.

2 Crónicas 34:27

xyotꞌeꞌ a̱chꞌo̱l ut xacubsi a̱cuib chiru li Ka̱cuaꞌ. Xapej la̱ cuakꞌ ut xatya̱bac nak xacuabi li raylal li tixcꞌul li tenamit aꞌin ut eb li cristian li cuanqueb arin. Xban nak xaba̱nu chi joꞌcan, la̱in li Ka̱cuaꞌ xcuabi li cꞌaꞌru xaye.

Esdras 9:4

Ut queꞌxchꞌutub ribeb cuiqꞌuin chixjunileb li queꞌoc xxiu nak lix Dioseb laj Israel tixqꞌue raylal saꞌ xbe̱neb xban lix ma̱queb li rech tenamitil. Ut la̱in cꞌajoꞌ xrahil inchꞌo̱l ut quincana aran toj quicuulac x-o̱ril li mayejac re li ecuu.

Salmos 119:120

Cꞌajoꞌ nak ninxucuac nak nincꞌoxla chanru nak tatrakok a̱tin saꞌ xbe̱neb li incꞌaꞌ useb xnaꞌleb.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.