Isaías 66:4 - Li Santil hu

⁴ Joꞌcan nak la̱in tinsicꞌ ru li raylal li tinqꞌue saꞌ xbe̱neb. Tinqꞌue li raylal saꞌ xbe̱neb li cꞌajoꞌ nequeꞌxxucua, xban nak xebinbok ut incꞌaꞌ xineꞌxchakꞌbe. Nak xeꞌcua̱tina, incꞌaꞌ xineꞌrabi. Queꞌxba̱nu ban li incꞌaꞌ us chicuu. Queꞌxba̱nu li incꞌaꞌ nacuulac chicuu, chan li Dios.

Q'eqchi Bible

⁴ Laa'in ajwi' taasaho'q linch'ool chi xrahob'tesinkileb' ut tintaqla chaq sa' xb'eeneb' li rahilal q'axal neke'xxiwa ru. Xb'aan naq xinb'oqok ut ink'a' xine'xsume, xin'aatinak ut maajun x'ab'ink we; xe'xb'aanu b'an li ink'a' nawulak chiwu, a' chik li nayoob'ank injosq'il xe'xb'aanu”.

Isaías 66:4 ပူးပေါင်းရင်းမြစ်များ

Isaías 65:12

Joꞌcan nak la̱in xinteneb ca̱mc saꞌ e̱be̱n. Texinqꞌue chi camsi̱c chi chꞌi̱chꞌ xban nak quexinbok ut incꞌaꞌ quine̱chakꞌbe. Nak quexcua̱tina incꞌaꞌ quine̱rabi. Queba̱nu ban li incꞌaꞌ us chicuu. Queba̱nu li incꞌaꞌ nacuulac chicuu.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Proverbios 10:24

Li cꞌaꞌru nequeꞌxxucua li incꞌaꞌ useb xnaꞌleb, aꞌan ajcuiꞌ li nachal saꞌ xbe̱neb. Abanan eb li ti̱queb xchꞌo̱l nequeꞌxcꞌul li cꞌaꞌru nequeꞌraj.

Proverbios 1:24

La̱in xexinbok ut xinye e̱re nak texcha̱lk cuiqꞌuin. Abanan la̱ex incꞌaꞌ queꞌraj rabinquil li cꞌaꞌru quinye e̱re.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

2 Reyes 21:2

Laj Manasés quima̱cob chiru li Dios xban nak quixba̱nu li ma̱usilal li queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak queꞌoc laj Israel.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

Isaías 65:3

Junelic nequeꞌxchikꞌ injoskꞌil. Nequeꞌmayejac saꞌ eb li naꞌajej li nequeꞌxlokꞌoni cuiꞌ li jalanil dios ut nequeꞌxcꞌat li pom saꞌ xbe̱neb li artal yi̱banbil riqꞌuin xan.

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

1 Samuel 8:19

Abanan eb li tenamit incꞌaꞌ queꞌraj rabinquil li cꞌaꞌru quixye laj Samuel. Queꞌxye: —Incꞌaꞌ ta̱cꞌulma̱nk chi joꞌcan. La̱o takaj junak karey re ta̱takla̱nk saꞌ kabe̱n.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Isaías 65:7

La̱in tinqꞌueheb chixtojbal rix li ma̱usilal li queꞌxba̱nu eb aꞌan joꞌ ajcuiꞌ li ma̱c li queꞌxba̱nu lix xeꞌto̱nil yucuaꞌeb nak queꞌxcꞌat li pom saꞌ eb li tzu̱l chiru lix artaleb ut quineꞌxtzꞌekta̱na. La̱in tinqꞌueheb lix kꞌajca̱munquil, chan li Dios.

Jeremías 7:30

Eb li ralal xcꞌajol laj Judá queꞌxba̱nu li ma̱usilal. Queꞌxmux ru lin templo li niquineꞌxlokꞌoni cuiꞌ nak queꞌxqꞌue aran li jalanil dios li xicꞌ nacuileb.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Ezequiel 11:8

La̱ex incꞌaꞌ nequeraj pletic xban nak nequexxucuac. Abanan la̱in tinqꞌue li ple̱t saꞌ e̱be̱n.

Ezequiel 14:4

Tat-a̱tinak riqꞌuineb ut ta̱ye reheb joꞌcaꞌin naxye li nimajcual Dios: Cui junak aj Israel naxqꞌue xchꞌo̱l chixlokꞌoninquil li yi̱banbil dios ut naxba̱nu li ma̱usilal, ut chirix aꞌan naxic chixsicꞌbal xnaꞌleb riqꞌuin junak profeta, la̱in tinsume li jun aꞌan joꞌ xcꞌulub xcꞌulbal xban nak naxlokꞌoniheb li jalanil dios.

Ezequiel 20:25

Joꞌcan nak la̱in quincanabeb chixba̱nunquil li chakꞌrab li moco us ta, li incꞌaꞌ naqꞌuehoc yuꞌam.

Isaías 59:15

Ma̱cꞌaꞌ chic ti̱quilal. Li ani naraj cua̱nc saꞌ ti̱quilal, nequeꞌxba̱nu raylal re. Li Ka̱cuaꞌ incꞌaꞌ quicuulac chiru li cꞌaꞌru queꞌxba̱nu xban nak incꞌaꞌ chic nequeꞌcuan saꞌ ti̱quilal.

Isaías 65:2

La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.