Isaías 66:22 - Li Santil hu

²² Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.

Q'eqchi Bible

²² “Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.

Isaías 66:22 ပူးပေါင်းရင်းမြစ်များ

Isaías 65:17

Qꞌuehomak retal. La̱in tinyi̱b jun acꞌ choxa ut tinyi̱b ajcuiꞌ jun li acꞌ ruchichꞌochꞌ. Incꞌaꞌ chic ta̱julticama̱nk li cꞌaꞌak re ru quilajnumeꞌ ut ma̱ ani chic ta̱cꞌoxlak chirix.

Apocalipsis 21:1

Ut quicuil ajcuiꞌ jun acꞌ choxa ut jun acꞌ ruchichꞌochꞌ xban nak li xbe̱n choxa ut li xbe̱n ruchichꞌochꞌ ma̱cꞌaꞌ chic. Ac xsacheꞌ. Ut ma̱cꞌaꞌ chic li palau.

2 Pedro 3:13

Abanan li Ka̱cuaꞌ Dios quixyechiꞌi ke li acꞌ choxa ut li acꞌ ruchichꞌochꞌ. Aꞌan yo̱co chiroybeninquil. Saꞌ li ruchichꞌochꞌ aꞌan junes ti̱quilal ta̱cua̱nk.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Isaías 48:19

Kꞌaxal nabaleb raj le̱ ralal e̱cꞌajol. Lix qꞌuialeb chanchaneb raj li samaib chire li palau. Incꞌaꞌ naru rajlanquileb. Ut incꞌaꞌ raj xexintzꞌekta̱na chi moco xcꞌabaꞌ le̱ tenamit raj xinsach.

Isaías 51:16

La̱in xinqꞌue a̱cue li cua̱tin, ut xatincol riqꞌuin lin cuanquil. La̱in quinyi̱ban re li choxa joꞌ ajcuiꞌ li ruchichꞌochꞌ ut quinqꞌue saꞌ xnaꞌaj. Ut quinye reheb li cuanqueb Sión “La̱ex intenamit”, chan li Dios.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Isaías 56:5

la̱in tinqꞌue reheb li cꞌaꞌru lokꞌ chiruheb li cocꞌal. Tzꞌi̱banbilak retalil lix cꞌabaꞌeb chiru li tzꞌac saꞌ lin templo. Lix cꞌabaꞌeb ta̱julticama̱nk chi junelic kꞌe cutan. Incꞌaꞌ ta̱sachk.

Isaías 61:8

La̱in li Ka̱cuaꞌ Dios. Nacuulac chicuu li ti̱quilal ut xicꞌ nacuil li elkꞌac ut li ma̱c. Xban xti̱quilal inchꞌo̱l la̱in tinqꞌue xra̱baleb lin tenamit. Tinba̱nu jun contrato riqꞌuineb ut xakabanbilak xcuanquil chi junelic.

Isaías 61:9

Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.

Isaías 65:22

Incꞌaꞌ teꞌxyi̱b li rochocheb re nak jalan teꞌcua̱nk aran, chi moco teꞌa̱uk re nak jalan chic teꞌtzaca̱nk re. Li sicꞌbil ruheb inban teꞌxyal xsahil li cꞌaꞌru reheb li xeꞌxcꞌanjela ru xban nak najtak rok lix yuꞌameb joꞌ eb li ni̱nki cheꞌ.

Isaías 65:23

Incꞌaꞌ teꞌcꞌanjelak chi ma̱cꞌaꞌ rajbal, chi moco eb li ralal xcꞌajol teꞌca̱mk chi toj ma̱jiꞌ nacuulac xkꞌehil. Li tenamit aꞌan osobtesinbilakeb xban li Ka̱cuaꞌ joꞌ ajcuiꞌ li ralal xcꞌajoleb.

Sofonías 3:20

Saꞌ eb li cutan aꞌan, la̱in texinchꞌutub ut texincꞌam cuiꞌchic saꞌ le̱ naꞌaj ut tinqꞌue cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ. Ut tinqꞌue cuiꞌchic li cꞌaꞌru e̱re ut sa chic texcua̱nk, chan li Ka̱cuaꞌ.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

Jeremías 33:20

—Incꞌaꞌ naru risinquil xcuanquil li contrato quinba̱nu nak quinxakab saꞌ xnaꞌaj li cutan ut li kꞌojyi̱n. Ac chꞌolchꞌo jokꞌe ta̱cutanokꞌ ut jokꞌe ta̱kꞌojyi̱nokꞌ.

Jeremías 33:21

Joꞌcan ajcuiꞌ moco naru ta risinquil xcuanquil li contrato quinba̱nu riqꞌuin laj David laj cꞌanjel chicuu. La̱in quinye nak junelic cua̱nk jun reheb li ralal xcꞌajol ta̱oc chokꞌ xreyeb laj Israel. Ut quinba̱nu ajcuiꞌ li contrato riqꞌuineb li ralal xcꞌajol laj Leví ut quinye nak junelic teꞌcꞌanjelak chicuu chokꞌ aj tij.