Isaías 66:2 - Li Santil hu

² ¿Ma ma̱cuaꞌ ta biꞌ la̱in quinyi̱ban re chixjunil li cꞌaꞌru cuan? ¿Ma ma̱cuaꞌ ta biꞌ la̱in quinyoꞌobtesin reheb? La̱in nacuil xtokꞌoba̱l ruheb li nebaꞌ ut li tu̱laneb, li nequeꞌxqꞌue xlokꞌal li cua̱tin.

Q'eqchi Bible

² Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Isaías 66:2 ပူးပေါင်းရင်းမြစ်များ

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Salmos 34:18

Li Ka̱cuaꞌ junelic cuan chixtenkꞌanquileb li nequeꞌchꞌinan xchꞌo̱leb ut naxqꞌue xcacuileb xchꞌo̱l li nequeꞌchꞌinan xchꞌo̱leb. Ut naxqꞌue xcacuileb xchꞌo̱l li nequeꞌrecꞌa nak incꞌaꞌ chic nequeꞌxcuy xnumsinquil li raylal.

Salmos 51:17

Li mayej nacacuaj la̱at, aꞌan nak ta̱yotꞌekꞌ inchꞌo̱l chi tzꞌakal ut tinjal incꞌaꞌux. At inDios, la̱at incꞌaꞌ nacatzꞌekta̱na li ani naxcubsi rib cha̱cuu.

Filipenses 2:12

Ex inherma̱n, raro̱quex inban, junelic xexpa̱ban chicuu nak cuanquin chak e̱riqꞌuin. Joꞌcan ajcuiꞌ te̱ba̱nu anakcuan nak ma̱ anihin e̱riqꞌuin. Junelic chexcꞌoxlak chirix le̱ colbal. Cheqꞌuehak taxak e̱chꞌo̱l chixba̱nunquil li cꞌaꞌru naraj li Ka̱cuaꞌ re nak ta̱tzꞌaklok ru le̱ colbal.

Proverbios 28:14

Us xak reheb li ani nequeꞌxxucua ru li Ka̱cuaꞌ. Abanan eb li cauheb xchꞌo̱l ut li incꞌaꞌ nequeꞌxtau xya̱lal, ra teꞌxcꞌul.

Salmos 138:6

Usta kꞌaxal nim la̱ cuanquil, abanan junelic nacacuil xtokꞌoba̱l ruheb li ma̱cꞌaꞌeb xcuanquil ut nacaqꞌue retal li cꞌaꞌru nequeꞌxba̱nu li nequeꞌxnimobresi ribeb.

Salmos 119:120

Cꞌajoꞌ nak ninxucuac nak nincꞌoxla chanru nak tatrakok a̱tin saꞌ xbe̱neb li incꞌaꞌ useb xnaꞌleb.

Isaías 66:5

Abihomak li cꞌaꞌru naxye li Ka̱cuaꞌ e̱re la̱ex li nequexxucuac nak nequerabi li ra̱tin li Dios. —Nequextzꞌekta̱na le̱ ras e̱ri̱tzꞌin, li xicꞌ nequeꞌiloc e̱re, inban la̱in ut nequexhob nak nequeꞌxye, “Lokꞌoninbilak taxak li Ka̱cuaꞌ. Chisahokꞌ taxak e̱chꞌo̱l riqꞌuin”. Xuta̱nal teꞌe̱lk eb li nequeꞌyehoc re chi joꞌcaꞌin.

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Esdras 10:3

Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

Habacuc 3:16

Nak quicuil li cꞌaꞌru talajcꞌulma̱nk, cꞌajoꞌ nak quiyotꞌeꞌ inchꞌo̱l. Incꞌaꞌ chic quiru quina̱tinac. Nequeꞌsicsot li cuok xban inxiu ut ma̱cꞌaꞌ chic inmetzꞌe̱u quincana. Abanan tincuoybeni li cutan nak ta̱cꞌulma̱nk li raylal aꞌan. Ma̱cꞌaꞌ incꞌaꞌux xban nak ninnau nak li Ka̱cuaꞌ tixsach ruheb li xicꞌ nequeꞌiloc ke.

Salmos 119:161

Usta eb li cuanqueb xcuanquil yo̱queb xba̱nunquil raylal cue chi ma̱cꞌaꞌ inma̱c, abanan la̱in incꞌaꞌ xincanab xqꞌuebal xlokꞌal la̱ cua̱tin.

Esdras 9:4

Ut queꞌxchꞌutub ribeb cuiqꞌuin chixjunileb li queꞌoc xxiu nak lix Dioseb laj Israel tixqꞌue raylal saꞌ xbe̱neb xban lix ma̱queb li rech tenamitil. Ut la̱in cꞌajoꞌ xrahil inchꞌo̱l ut quincana aran toj quicuulac x-o̱ril li mayejac re li ecuu.

Isaías 40:26

Taksihomak le̱ riloba̱l saꞌ choxa ut te̱qꞌue retal. ¿Ani li quiyoꞌobtesin re li choxa ut lix sahob ru? Aꞌan li Ka̱cuaꞌ li kꞌaxal nim xcuanquil. Aꞌan naxqꞌue li junju̱nk saꞌ xnaꞌaj ut naxqꞌue xcꞌabaꞌ li junju̱nk. Ma̱ jun ta̱paltok.

Colosenses 1:17

Li Cristo ac cuan ajcuiꞌ chak nak toj ma̱jiꞌ nequeꞌyoꞌobtesi̱c li cꞌaꞌak re ru. Ut chixjunil li cꞌaꞌak re ru quiyoꞌobtesi̱c qꞌuebil saꞌ xnaꞌaj ut aran quicana xban nak li Cristo aꞌan yal re saꞌ xbe̱n.

Hechos 9:6

Nasicsot xban xxiu laj Saulo nak quixye: —Ka̱cuaꞌ, ¿cꞌaꞌru ta̱cuaj tinba̱nu? chan. Ut li Ka̱cuaꞌ quixye: —Cuaclin ut ayu saꞌ li tenamit, ut aran ta̱yehekꞌ a̱cue cꞌaꞌru us ta̱ba̱nu, chan.

San Mateo 12:6

La̱in tinye e̱re nak cuanquin arin la̱in, ut kꞌaxal nim incuanquil chiru li rochoch li Dios.

Hechos 7:50

¿Ma ma̱cuaꞌ ta biꞌ la̱in xinyi̱ban re chixjunil li cꞌaꞌru cuan? chan li Ka̱cuaꞌ. (Isa. 66:1-2)

Proverbios 29:23

Li ani naxnimobresi rib nacubsi̱c xcuanquil xban xkꞌetkꞌetil. Abanan li naxcubsi rib naqꞌueheꞌ xlokꞌal.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.

Miqueas 6:8

Li Ka̱cuaꞌ incꞌaꞌ naraj aꞌan. Ac chꞌolchꞌo chiku li cꞌaꞌru us. Ac yebil ke cꞌaꞌru naraj li Ka̱cuaꞌ. Li Ka̱cuaꞌ naraj nak tocua̱nk saꞌ ti̱quilal ut takaqꞌue kachꞌo̱l chi uxta̱na̱nc u, ut chikacubsi kib re nak tocua̱nk chi sum a̱tin riqꞌuin li Dios.

1 Reyes 21:29

—¿Ma xaqꞌue retal nak laj Acab xcubsi rib chicuu? Xban nak xcubsi rib, la̱in incꞌaꞌ tintakla li raylal saꞌ xbe̱neb li ralal xcꞌajol nak toj yoꞌyo̱k. Abanan tinqꞌue li raylal saꞌ xbe̱neb li ralal xcꞌajol nak ac cuan chic li ralal chokꞌ rey, chan.

2 Reyes 22:10

Ut laj Safán quixye ajcuiꞌ re li rey: —Laj Hilcías laj tij quixqꞌue cue li hu aꞌin, chan ut laj Safán quiril xsaꞌ li hu chiru li rey.

2 Reyes 22:11

Nak li rey Josías quirabi li chakꞌrab li tzꞌi̱banbil saꞌ li hu aꞌan, quixpej li rakꞌ.

Salmos 51:19

Ut la̱at ta̱cꞌul cuiꞌchic li mayej li teꞌxqꞌue chi anchal xchꞌo̱leb. Ta̱cꞌul cuiꞌchic li cꞌatbil mayej ut li mayej xul li nacꞌatman. Ut teꞌxmayeja ajcuiꞌ li cocꞌ ral cuacax saꞌ la̱ artal.

Isaías 41:20

Tinba̱nu chixjunil aꞌin re nak eb li tenamit teꞌxqꞌue retal nak la̱in li Ka̱cuaꞌ xinba̱nun re aꞌan. Teꞌxnau nak li Ka̱cuaꞌ lix Dioseb laj Israel quiba̱nun re chixjunil.