Isaías 66:19 - Li Santil hu

¹⁹ La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Q'eqchi Bible

¹⁹ Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 66:19 ပူးပေါင်းရင်းမြစ်များ

Isaías 52:15

Abanan nabaleb li tenamit teꞌsach xchꞌo̱leb xban ut li nequeꞌtaklan saꞌ ruchichꞌochꞌ mem teꞌcana̱k nak teꞌril li ma̱ jun sut rilomeb ut nak teꞌxtau ru lix ya̱lal li ma̱ jun sut rabiomeb, chan li Dios.

Romanos 15:21

Joꞌcaꞌin tzꞌi̱banbil saꞌ li Santil Hu: Li ma̱ jun sut yebil resilal li Cristo reheb, teꞌrabi. Ut nak teꞌrabi resil, teꞌxtau xya̱lal. (Isa. 52:15)

Ezequiel 27:10

Eb li cui̱nk re Persia, Lud ut Fut queꞌcꞌanjelac saꞌ xya̱nkeb le̱ soldado. Queꞌxtꞌuyub chiru li tzꞌac lix puniteb ut lix chꞌi̱chꞌeb re xcolbal re xchꞌo̱leb. Ut xbaneb aꞌan quiqꞌueheꞌ e̱lokꞌal.

Isaías 55:5

Chaqꞌuehak retal. Ta̱bokeb li tenamit li incꞌaꞌ xanauheb chak ru. Ut eb li tenamit, li incꞌaꞌ xeꞌxnau a̱cuu teꞌxic a̱cuiqꞌuin saꞌ a̱nil saꞌ incꞌabaꞌ la̱in, li Dios Santo, lix Dioseb laj Israel li ninqꞌuehoc a̱lokꞌal.—

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 62:10

Numenkex saꞌ li oqueba̱l re li tenamit. Yi̱bomak li be. Ti̱cobresihomak ru le̱ be chiruheb lin tenamit. Isihomak li pec saꞌ li be. Ut taksihomak li bandera re nak eb li tenamit teꞌril.

1 Crónicas 16:24

Bichahomak xlokꞌal li Ka̱cuaꞌ chiruheb li tenamit ut te̱ye resil li sachba chꞌo̱lej li nalajxba̱nu.

San Lucas 2:34

Ut laj Simeón quixtzꞌa̱ma rusilal li Dios saꞌ xbe̱neb ut quixye re lix María li naꞌbej: —Chacuabi li oc cue xyebal a̱cue. Saꞌ xcꞌabaꞌ li cꞌulaꞌal aꞌin, nabaleb laj Israel teꞌcolekꞌ ut saꞌ xcꞌabaꞌ ajcuiꞌ aꞌan nabaleb li teꞌsachk. Ut nabaleb li teꞌtzꞌekta̱na̱nk re.

San Marcos 16:15

Ut li Jesús quixye reheb: —Texxic saꞌ chixjunil li ruchichꞌochꞌ ut te̱chꞌolob xya̱lal li colba-ib chiruheb chixjunileb li tenamit jun sut rubel choxa.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

Ezequiel 30:5

Chixjunileb li tenamit li teꞌoque̱nk chi pletic chirixeb laj Egipto teꞌcamsi̱k. Teꞌcamsi̱k chixjunileb laj Etiopía, eb laj Fut, eb laj Lud, ut eb laj Arabia joꞌ eb ajcuiꞌ laj Libia.

Ezequiel 27:13

Eb laj Javán, eb laj Tubal ut eb laj Mesec queꞌyacoc e̱riqꞌuin. Queꞌxjal li cꞌaꞌru e̱re riqꞌuineb li lokꞌbil mo̱s ut li secꞌ yi̱banbil riqꞌuin bronce.

Isaías 65:1

Li Ka̱cuaꞌ quixye: —Eb li tenamit li incꞌaꞌ nequeꞌxcꞌoxla insicꞌbal xineꞌxtau. Eb li tenamit li incꞌaꞌ queꞌtzꞌa̱man chicuu xineꞌxtau. Ut la̱in quinye “cueꞌquin” reheb li tenamit li ma̱ jun sut queꞌxya̱ba lin cꞌabaꞌ.

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Génesis 10:2

Aꞌaneb aꞌin lix cꞌabaꞌeb li ralal laj Jafet: laj Gomer, laj Magog, laj Madai, laj Javán, laj Tubal, laj Mesec, ut laj Tiras.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Ezequiel 39:1

At ralal cui̱nk, ta̱ye resil li raylal li ta̱cha̱lk saꞌ xbe̱n laj Gog. Ye re nak la̱in li nimajcual Dios ninye chi joꞌcaꞌin. La̱in yo̱ injoskꞌil saꞌ a̱be̱n, at Gog. La̱at li kꞌaxal nim a̱cuanquil saꞌ xbe̱neb laj Mesec ut saꞌ xbe̱neb laj Tubal.

Isaías 51:5

Chi se̱b tinba̱nu li cꞌaꞌru xinye. Chi se̱b tincoleb lin tenamit. La̱in tinrakok a̱tin saꞌ xbe̱neb li tenamit. Eb li xni̱nkal ru tenamit yo̱queb chicuoybeninquil. Teꞌxqꞌue retal lin cuanquil ut cuiqꞌuin teꞌyoꞌoni̱nk.

Isaías 49:22

Aꞌan aꞌin li naxye li nimajcual Dios: —La̱in tinye reheb li xni̱nkal ru tenamit nak teꞌxqꞌueheb chi sukꞌi̱c cuiꞌchic le̱ tenamit. Tinye reheb nak teꞌxtaklaheb le̱ ralal e̱cꞌajol. Chanchan pakonbil teꞌxba̱nu reheb nak teꞌxtakla cuiꞌchic saꞌ lix tenamiteb.

Isaías 49:12

Cuan li teꞌcha̱lk chak saꞌ najtil tenamit. Teꞌcha̱lk saꞌ li norte ut saꞌ li oeste ut teꞌcha̱lk ajcuiꞌ saꞌ li naꞌajej Sinim.

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Isaías 43:6

La̱in tinye reheb li cuanqueb saꞌ li norte nak teꞌxcanabeb chi xic li cualal incꞌajol. Ut tinye reheb li cuanqueb saꞌ li sur nak teꞌxcanabeb chi sukꞌi̱c saꞌ xnaꞌajeb li cualal incꞌajol li cuanqueb chak saꞌ chixjunil li ruchichꞌochꞌ.

Isaías 29:24

Ut eb li incꞌaꞌ nequeꞌxtau xya̱lal teꞌxtau chic ru ut eb li junes cuechꞌi̱nc nequeꞌxba̱nu teꞌxcꞌul lix kꞌusbaleb.

Isaías 18:7

Ta̱cuulak xkꞌehil nak li nimajcual Dios ta̱qꞌuehekꞌ xma̱tan xbaneb li tenamit li ni̱nkeb rok ut chꞌinaꞌuseb li cuanqueb saꞌ li naꞌajej li sutsu xbaneb li nimaꞌ. Eb li tenamit li cauheb rib, li nequeꞌxucua̱c ruheb yalak bar teꞌxcꞌam xma̱tan saꞌ li tzu̱l Sión bar nalokꞌoni̱c cuiꞌ li Ka̱cuaꞌ li nimajcual Dios.

Isaías 2:16

Ta̱risiheb xcuanquil li nequeꞌrecꞌa nak cauheb rib joꞌ eb li ni̱nki jucub re Tarsis ut ta̱risiheb ajcuiꞌ xcuanquil li nequeꞌrecꞌa nak kꞌaxal lokꞌeb joꞌ li cꞌaꞌak re ru terto xtzꞌak.

Salmos 72:10

Eb li jalan chic rey teꞌxqꞌue xma̱tan lix reyeb laj Israel. Teꞌxcꞌam chak xma̱taneb lix reyeb laj Tarsis ut li tenamit li cuanqueb chire li palau. Ut joꞌcan ajcuiꞌ teꞌxba̱nu eb lix reyeb laj Sabá ut eb laj Seba.

1 Crónicas 1:11

Laj Mizraim, aꞌan lix xeꞌto̱nil yucuaꞌeb laj Ludim, eb laj Anamim, eb laj Lehabim, eb laj Naftuhim,

1 Crónicas 1:7

Eb li ralal laj Javán, aꞌaneb aꞌin: laj Elisa, laj Tarsis, laj Quitim ut laj Dodanim.

Génesis 10:13

Aꞌaneb aꞌin lix cꞌabaꞌeb li ralal laj Mizraim: laj Ludim, laj Anamim, laj Lehabim, ut laj Naftuhim.

Génesis 10:4

Ut aꞌaneb aꞌin lix cꞌabaꞌeb li ralal laj Javán: laj Elisa, laj Tarsis, laj Quitim ut laj Dodanim.

Génesis 9:27

Ut quixye ajcuiꞌ: —Li Dios chixnimobresi xcuanquil laj Jafet ut chixqꞌue taxak nabal li ralal xcꞌajol. Ut eb aꞌan cheꞌcua̱nk saꞌ lix muheba̱leb li ralal xcꞌajol laj Sem. Li ralal xcꞌajol laj Canaán cheꞌcana̱k chokꞌ rahobtesinbil mo̱s riqꞌuineb li ralal xcꞌajol laj Sem, chan laj Noé.

Génesis 10:22

Aꞌaneb aꞌin lix cꞌabaꞌeb li ralal laj Sem: laj Elam, laj Asur, laj Arfaxad, laj Lud, ut laj Aram.

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Isaías 42:12

Cheꞌxqꞌuehak taxak xlokꞌal li Ka̱cuaꞌ ut cheꞌxyehak taxak reheb li cuanqueb saꞌ najtil tenamit nak kꞌaxal nim xcuanquil li Ka̱cuaꞌ.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Jeremías 46:9

Taklahomakeb li cacua̱y chi xic. La̱ex li nequeꞌchꞌeꞌoc re li carruajes, texxic chi junpa̱t. Ayukex, ex soldados la̱ex aj etiopia ut la̱ex li cuanquex saꞌ li tenamit Put, li nequecꞌam le̱ chꞌi̱chꞌ re xcolbal re le̱ chꞌo̱l, ut la̱ex li cuanquex saꞌ li tenamit Lud li nequenau chi us cutuc riqꞌuin li tzimaj.

Ezequiel 32:26

Lix reyeb laj Mesec ut lix reyeb laj Tubal cuanqueb arin rochbeneb lix qꞌuila soldados. Chixjunileb aꞌan incꞌaꞌ queꞌxpa̱b li Dios ut queꞌcamsi̱c saꞌ li ple̱t xban nak queꞌxqꞌue xxiuheb li tenamit nak toj yoꞌyo̱queb.

Ezequiel 39:6

La̱in tintakla li xam saꞌ xbe̱neb li cuanqueb Magog ut saꞌ xbe̱neb ajcuiꞌ li cuanqueb chi cꞌojcꞌo xchꞌo̱leb chire li palau. Ut eb aꞌan teꞌxqꞌue retal nak la̱in li Dios.

Daniel 11:18

Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Sofonías 3:10

Toj jun pacꞌal li nimaꞌ li cuan Etiopía teꞌcha̱lk chak lin tenamit, li queꞌisi̱c saꞌ lix tenamiteb. Ut teꞌxqꞌue cuiꞌchic inlokꞌal ut teꞌxqꞌue cuiꞌchic xmayej chicuu.