Isaías 66:18 - Li Santil hu

¹⁸ La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Q'eqchi Bible

¹⁸ “Laa'in tinchalq chi xch'utub'ankil chixjunileb' li tenamit -chan li Qaawa'- jo'wi' eb' li jalan jalanq chi aatinob'aal: junchalikaqeb' naq tole'ril linloq'al.

Isaías 66:18 ပူးပေါင်းရင်းမြစ်များ

Salmos 86:9

Chixjunileb li tenamit li quilaja̱yi̱b teꞌcha̱lk ut tateꞌxlokꞌoni. Teꞌxqꞌue xlokꞌal la̱ cꞌabaꞌ.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Apocalipsis 2:13

La̱in ninnau chanru nak cuanquex. La̱in ninnau nak cuan xcuanquil laj tza saꞌ li tenamit li cuanquex cuiꞌ. Abanan la̱ex toj yo̱quex chinlokꞌoninquil. Incꞌaꞌ xecanab inpa̱banquil usta quicamsi̱c laj Antipas xban nak quixye cuesilal aran saꞌ le̱ tenamit li cuan rubel xcuanquil laj tza.

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

1 Corintios 3:20

Ut tzꞌi̱banbil ajcuiꞌ saꞌ li Santil Hu li naxye: Li Dios naxnau nak ma̱cꞌaꞌ na-oc cuiꞌ lix cꞌaꞌuxeb li nequeꞌxye nak cuanqueb xnaꞌleb xjuneseb rib. (Sal. 94:11)

Romanos 16:26

Anakcuan xcutanoꞌ xya̱lal chiku xban li Santil Hu li tzꞌi̱banbil chak junxil xbaneb li profeta. Queꞌxtzꞌi̱ba chak li a̱tin joꞌ quiyeheꞌ reheb xban li Dios, li ma̱cꞌaꞌ rosoꞌjic. Ut aꞌin yo̱ xchꞌolobanquil xya̱lal yalak bar saꞌ chixjunil li ruchichꞌochꞌ re nak chixjunileb li tenamit teꞌrabi ut teꞌpa̱ba̱nk.

San Juan 17:24

At inYucuaꞌ, nintzꞌa̱ma cha̱cuu nak chixjunileb li xakꞌaxtesiheb cue teꞌcua̱nk cuiqꞌuin saꞌ li naꞌajej li tincua̱nk cuiꞌ la̱in. Nacuaj nak teꞌril lin lokꞌal li caqꞌue chak cue nak toj ma̱jiꞌ quiyi̱ba̱c li ruchichꞌochꞌ xban nak niquina̱ra.

San Juan 5:42

xban nak ninnau chanru le̱ naꞌleb. Ninnau nak incꞌaꞌ nequera li Dios chi anchal e̱chꞌo̱l.

San Lucas 5:22

Quixnau li Jesús cꞌaꞌru yo̱queb chixcꞌoxlanquil. Quichakꞌoc ut quixye reheb: —¿Cꞌaꞌut nak yo̱quex chixcꞌoxlanquil chi joꞌcan?

San Mateo 12:25

Li Jesús quixnau li cꞌaꞌru yo̱queb chixcꞌoxlanquil ut quixye reheb: —Cui cuan jun te̱pak chi tenamit xicꞌ teꞌril rib chi ribileb rib, li jun te̱p chi tenamit aꞌan tixsach xcuanquil xjunes rib. Ut cui cuan ta jun cabalak xicꞌ teꞌril rib chi ribileb rib, li jun cabal aꞌan teꞌxsach xcuanquil lix jun cablal.

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

Amós 5:12

La̱in ninnau nak nequekꞌetkꞌeti e̱rib. Ninnau nak numtajenak le̱ ma̱usilal. Nequerahobtesi li ti̱queb xchꞌo̱l. Nacuulac che̱ru nak natumina̱c e̱ru ut incꞌaꞌ nequexrakoc a̱tin chi tzꞌakal saꞌ xbe̱neb li nebaꞌ.

Joel 3:2

Tinchꞌutubeb saꞌ li ru takꞌa re Josafat chixjunileb li tenamit li xeꞌba̱nun raylal reheb laj Israel. Ut aran tinrakok a̱tin saꞌ xbe̱neb xban li ma̱usilal queꞌxba̱nu reheb lin tenamit Israel nak queꞌxtaklaheb yalak bar saꞌ ruchichꞌochꞌ, ut queꞌxjeqꞌui chi ribileb rib li naꞌajej li quinqꞌue reheb lin tenamit.

Ezequiel 39:21

La̱in tincꞌutbesi lin lokꞌal chiruheb chixjunileb li xni̱nkal ru tenamit. Ut chixjunileb teꞌril lin cuanquil nak la̱in tinrakok a̱tin saꞌ xbe̱neb saꞌ ti̱quilal ut tinqꞌueheb chixtojbal lix ma̱queb.

Ezequiel 38:10

Joꞌcaꞌin xye li nimajcual Dios a̱cue, at Gog: nak ta̱cuulak xkꞌehil nak tatxic chi pletic, ta̱cꞌoxla ut ta̱cꞌu̱b ru cꞌaꞌru li incꞌaꞌ us ta̱ba̱nu.

Isaías 66:10

Chisahokꞌ taxak le̱ chꞌo̱l riqꞌuin li tenamit Jerusalén. Chisahokꞌ taxak le̱ chꞌo̱l che̱junilex la̱ex li nequexrahoc re. Chinujak taxak le̱ chꞌo̱l riqꞌuin li sahil chꞌo̱lej la̱ex li quexya̱bac saꞌ xcꞌabaꞌ li tenamit Jerusalén.

Isaías 37:28

La̱in ninnau chanru nak cuancat. Ninnau chixjunil li cꞌaꞌru nacaba̱nu. Ut ninnau ajcuiꞌ nak cꞌajoꞌ la̱ joskꞌil cuiqꞌuin.

Salmos 82:8

At Ka̱cuaꞌ Dios, chatrakok a̱tin saꞌ xbe̱neb li cuanqueb saꞌ ruchichꞌochꞌ xban nak la̱at aj e̱chal re chixjunileb li tenamit.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Salmos 67:2

Chixjunileb li cuanqueb saꞌ ruchichꞌochꞌ teꞌxnau taxak nak kꞌaxal nim la̱ cuusilal. Ut cheꞌxnau ta ajcuiꞌ nak la̱at aj Colol reheb.

Li xHu LAJ JOB 42:2

—At Ka̱cuaꞌ, la̱in ninnau nak la̱at chixjunil nacatru xba̱nunquil. Ma̱cꞌaꞌ mukmu cha̱cuu.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Salmos 97:6

Li choxa naxcꞌutbesi lix ti̱quilal li Ka̱cuaꞌ ut chixjunileb li tenamit nequeꞌril lix lokꞌal.

Salmos 139:2

La̱at nacacuil chixjunil li ninba̱nu. Usta najt cuanquin, la̱at nacanau chixjunil li yo̱quin chixcꞌoxlanquil.

Isaías 11:9

Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Isaías 55:8

Li Ka̱cuaꞌ quixye: —Lin cꞌaꞌux la̱in moco juntakꞌe̱t ta riqꞌuin le̱ cꞌaꞌux la̱ex; chi moco le̱ naꞌleb la̱ex juntakꞌe̱t riqꞌuin lin naꞌleb la̱in.

Isaías 56:8

Li Ka̱cuaꞌ Dios li nachꞌutuban reheb laj Israel li cuanqueb chak yalak bar saꞌ eb li tenamit ut naxcꞌameb cuiꞌchic saꞌ xtenamiteb naxye chi joꞌcaꞌin: —Toj cuanqueb ajcuiꞌ li tincꞌameb chi cua̱nc saꞌ xya̱nkeb laj Israel.—

Isaías 57:12

La̱ex nequecꞌoxla nak us li nequeba̱nu. La̱in tincꞌutbesi chanru le̱ naꞌleb. Riqꞌuin aꞌan ta̱cꞌutu̱nk nak ma̱cꞌaꞌ na-oc cuiꞌ li cꞌaꞌru yo̱quex chixba̱nunquil.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Isaías 65:2

La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Zacarías 14:16

Ut li joꞌ qꞌuial chic li teꞌcolekꞌ nak teꞌpletik riqꞌuineb laj Jerusalén, rajlal chihab teꞌxic aran Jerusalén chixlokꞌoninquil li tzꞌakal Rey, li nimajcual Dios. Ut aran teꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Ka̱cuaꞌ nak queꞌcoleꞌ.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Salmos 94:11

Li Dios naxnau cꞌaꞌru nequeꞌxcꞌoxla eb li cristian. Naxnau nak yal ma̱cꞌaꞌ na-oc cuiꞌ li nequeꞌxcꞌoxla li incꞌaꞌ useb xnaꞌleb.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Jeremías 16:17

La̱in nacuil chixjunil li cꞌaꞌru nequeꞌxba̱nu. Ma̱cꞌaꞌ mukmu chicuu. Incꞌaꞌ naru teꞌxmuk lix ma̱usilaleb.