Isaías 66:15 - Li Santil hu

¹⁵ Qꞌuehomak retal. Li Ka̱cuaꞌ ta̱cha̱lk riqꞌuin xam. Ut lix carruaje chanchanakeb li ikꞌ li naxsuti rib. Saꞌ junpa̱t ta̱risi xjoskꞌil riqꞌuin xam saꞌ xbe̱neb li incꞌaꞌ useb xnaꞌleb.

Q'eqchi Bible

¹⁵ Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Isaías 66:15 ပူးပေါင်းရင်းမြစ်များ

Isaías 30:33

Ac junxil cauresinbil chak li naꞌajej Tofet li ta̱cꞌatekꞌ cuiꞌ lix reyeb laj Asiria. Li naꞌajej aꞌan nim ru ut cꞌajoꞌ xchamal. Nabal li siꞌ ac tusbil saꞌ li naꞌajej aꞌan. Li Ka̱cuaꞌ nak ta̱musikꞌak tixloch xxamlel ut tixcꞌat riqꞌuin azufre.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

Salmos 97:3

Lix joskꞌil li Ka̱cuaꞌ chanchan xam yo̱ chi xic chi ubej ut naxsacheb ru chixjunileb li xicꞌ nequeꞌiloc re.

Salmos 68:17

Kꞌaxal cuiꞌchic numtajenak xqꞌuialeb lix carruajes li Ka̱cuaꞌ Dios re pletic. Incꞌaꞌ naru rajlanquileb. Riqꞌuin xnimal xcuanquilal, li Ka̱cuaꞌ toj Sinaí quichal chak ut co̱ saꞌ lix templo aran Sión.

Salmos 21:9

La̱at ta̱qꞌueheb saꞌ xam nak tatcha̱lk chi rakoc a̱tin. Riqꞌuin la̱ joskꞌil, ta̱sacheb ru saꞌ xam.

Salmos 11:6

Li Dios tixtakla nabal li raylal saꞌ xbe̱neb li incꞌaꞌ useb xnaꞌleb. Cꞌatbilakeb riqꞌuin xam ut azufre nak teꞌosokꞌ.

Jeremías 4:3

Li Ka̱cuaꞌ quixye reheb laj Judá ut eb laj Jerusalén: —Checanabak chi oc li cua̱tin saꞌ le̱ cꞌaꞌux ut me̱cacuubresi le̱ chꞌo̱l. Chanchan nak nayamtesi̱c li chꞌochꞌ re nak li iyaj incꞌaꞌ ta̱auhekꞌ saꞌ xya̱nk li qꞌuix.

Salmos 50:3

Ta̱cuulak xkꞌehil nak li Ka̱cuaꞌ li kaDios ta̱cha̱lk chi rakoc a̱tin saꞌ xbe̱n chixjunil. Chanchan li xam ut li ca̱k-sut-ikꞌ nak ta̱cha̱lk chi rakoc a̱tin riqꞌuin xnimal xcuanquil.

Amós 7:4

Mokon chic chanchan matqꞌuenbil quinba̱nu nak li Ka̱cuaꞌ quixcꞌutbesi chicuu jun chic li visión: Quixtakla chak li xam saꞌ xbe̱neb re nak teꞌxtoj rix lix ma̱queb li tenamit. Ut xban xtikcual li xam quichakic li nimla palau ut yo̱ chi cꞌatc li chꞌochꞌ nak quicuil.

Daniel 11:40

Nak acak cuulac re rosoꞌjic lix cuanquil li rey li cuan saꞌ li norte, li rey li cuan saꞌ li sur ta̱xic chi pletic riqꞌuin. Chanchan xmetzꞌe̱u li ca̱k-sut-ikꞌ nak eb li soldado li teꞌcha̱lk saꞌ li norte teꞌoc chi pletic. Riqꞌuin xnimal xcuanquileb teꞌpletik riqꞌuin lix cacua̱y ut lix carruaje ut lix jucub. Chanchan li butꞌ nak naxhel rib saꞌ li chꞌochꞌ nak teꞌnumta̱k saꞌ xbe̱neb nabal chi tenamit.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

Deuteronomio 28:20

Li Ka̱cuaꞌ tixtakla li raylal saꞌ e̱be̱n ut textzꞌekta̱na xban chixjunil li cꞌaꞌru te̱ba̱nu. Sachso e̱chꞌo̱l texcana̱k ut texsachekꞌ chi junpa̱t xban li ma̱usilal te̱ba̱nu nak te̱tzꞌekta̱na li Ka̱cuaꞌ.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Isaías 5:28

Lix tzimajeb kꞌesak ruꞌuj ut cauresinbilakeb. Ut li rixiꞌijeb lix cacua̱y cauhakeb joꞌ li pec. Ut lix ruedil lix carruajes nak nequeꞌsuri rib chanchan li ikꞌ li naxsuti rib.

Isaías 10:17

Li Ka̱cuaꞌ Dios li nacutanobresin re lix cꞌaꞌuxeb laj Israel tixsacheb ru. Li Dios Santo tixsacheb ru li tenamit aꞌan chiru jun cutan joꞌ nak li xam naxcꞌat li qꞌuix ut li pim.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Isaías 31:9

Lix reyeb laj Asiria ta̱e̱lelik xban xxiu joꞌ eb ajcuiꞌ li nequeꞌtaklan saꞌ xbe̱neb li soldados, chan li nimajcual Dios, li cuan xxam ac cauresinbil Jerusalén re xqꞌuebal chixtojbaleb xma̱queb li xicꞌ nequeꞌiloc reheb laj Israel.

Isaías 51:20

Xeꞌsach xnaꞌleb le̱ ralal e̱cꞌajol. Yalak bar tꞌantꞌo̱queb saꞌ be. Chanchaneb li quej li queꞌchapeꞌ saꞌ jun li raꞌal. Li Dios quirisi xjoskꞌil saꞌ xbe̱neb nak quixkꞌuseb.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Jeremías 25:37

Li naꞌajej li cꞌajoꞌ xchꞌinaꞌusal ta̱sachekꞌ ru xban nak yo̱ xjoskꞌil li Ka̱cuaꞌ saꞌ xbe̱neb.

Jeremías 46:15

¿Cꞌaꞌut nak xtꞌaneꞌ le̱ dios li cau cuiꞌ e̱chꞌo̱l? Xtꞌaneꞌ xban nak li Ka̱cuaꞌ quixtꞌan.

Ezequiel 5:15

Texseꞌe̱k ut texhobekꞌ ut eb li xni̱nkal tenamit li cuanqueb che̱jun sutam teꞌxucuak chirilbal li cꞌaꞌru te̱cꞌul nak tinrakok a̱tin saꞌ e̱be̱n riqꞌuin lin joskꞌil. Texinkꞌus chi cau nak yo̱k injoskꞌil saꞌ e̱be̱n. La̱in li Ka̱cuaꞌ yo̱quin chi yehoc re aꞌin.

Ezequiel 38:17

Joꞌcaꞌin xye li nimajcual Dios re laj Gog: ¿Ma ma̱cuaꞌ ta biꞌ la̱at quina̱tinac chak cha̱cuix junxilaj nak quina̱tinac riqꞌuineb li profeta aj Israel li queꞌcꞌanjelac chicuu? Chiru nabal chihab eb aꞌan queꞌxye resil nak la̱in tatintakla chi pletic riqꞌuineb laj Israel.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Nahum 1:6

¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.

Habacuc 3:8

At nimajcual Dios, ¿ma yo̱ ta biꞌ a̱joskꞌil saꞌ xbe̱n li nimaꞌ nak xaxakab li haꞌ? ¿Ma yo̱ ta biꞌ a̱joskꞌil saꞌ xbe̱n li palau nak xajach ru? La̱at xaba̱nu aꞌan re xcolbaleb la̱ tenamit nak queꞌnumeꞌ jun pacꞌal li haꞌ chirixeb lix cacua̱y ut saꞌ eb lix carruaje.

Salmos 18:9

Ut li Ka̱cuaꞌ quixte li choxa ut quicube chak. Ut rubel li rok cuan li kꞌeki chok retalil li raylal xchal saꞌ xbe̱neb.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Daniel 7:10

Ut li xam chanchan jun li nimaꞌ yo̱ chi cꞌatc. Ut li qꞌuila okꞌob chi tenamit yo̱queb chi cꞌanjelac chiru ut cuan chic li qꞌuila okꞌob chi tenamit xakxo̱queb chiru. Ut laj rakol a̱tin quicꞌojla ut eb li hu queꞌteli.

Zacarías 6:1

Quicꞌutbesi̱c jun chic li visión chicuu. Quicuil ca̱hib li carruaje re pletic yo̱queb chak chi e̱lc saꞌ xya̱nk cuib li tzu̱l kꞌan chꞌi̱chꞌ nak quicuil.