Isaías 66:11 - Li Santil hu

¹¹ Ta̱sahokꞌ saꞌ e̱chꞌo̱l riqꞌuin li tenamit Jerusalén nak ta̱qꞌuehekꞌ xlokꞌal. Saꞌ le̱ tenamit ta̱e̱lk chi us li cꞌaꞌak ru te̱tzaca. Textzaca̱nk toj retal ta̱cꞌojla̱k e̱chꞌo̱l. Chanchan nak li naꞌbej naxchꞌolani lix cꞌulaꞌal toj retal nacꞌojla xchꞌo̱l.

Q'eqchi Bible

¹¹ Xb'aan naq taak'ojob'aaq leeraanm xb'aan li xnimal xq'unal: jo'eb' li k'uula'al yookeb' chi tu'uk, jo'kan ajwi' naq teetu'un li xtu' Jerusalén rik'in sahil ch'oolej.

Isaías 66:11 ပူးပေါင်းရင်းမြစ်များ

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Joel 3:18

Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

Isaías 60:5

Cꞌajoꞌak xsahil saꞌ e̱chꞌo̱l nak te̱ril nak yo̱keb chi cha̱lc nabal chi tenamit li cuanqueb chak jun pacꞌal li palau. Ut teꞌxcꞌam chak lix biomaleb li xni̱nkal ru tenamit nak teꞌcha̱lk e̱riqꞌuin.

Salmos 36:8

La̱at nacatqꞌuehoc ke chi tzꞌakal li cꞌaꞌru nakaj xban nak la̱at aj e̱chal re chixjunil li cꞌaꞌru cuan. Lix sahilal li kachꞌo̱l li nacaqꞌue la̱at, chanchan jun li nimaꞌ li incꞌaꞌ nachakic.

1 Pedro 2:2

Li cꞌulaꞌal nak toj nayoꞌla naraj ru tuꞌuc. Us raj nak joꞌcano taxak la̱o riqꞌuin ra̱tin li Dios. Takaj taxak ru xtzolbal ra̱tin li Dios xban nak aꞌan li tzꞌakal ya̱l. Tocacuu̱k taxak saꞌ li kapa̱ba̱l ut tzꞌakalako taxak chiru li Dios re nak tocolekꞌ.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Isaías 60:1

La̱ex li cuanquex Jerusalén, cuaclinkex. Chicutanobresi̱k le̱ naꞌleb joꞌ nak nacutanobresin li sakꞌe. Li Ka̱cuaꞌ xqꞌuehoc re le̱ lokꞌal.

Isaías 60:2

Eb li jalan tenamit incꞌaꞌ teꞌcutanobresi̱k lix cꞌaꞌuxeb. Chanchan nak cuanqueb saꞌ kꞌojyi̱n. Abanan la̱ex xcutanobresi̱c le̱ cꞌaꞌux xban li Ka̱cuaꞌ ut e̱riqꞌuin la̱ex ta̱cꞌutu̱nk lix lokꞌal.

Isaías 62:2

Eb li xni̱nkal ru tenamit teꞌxqꞌue retal lix ti̱quilal xchꞌo̱leb ut eb li rey teꞌxqꞌue retal lix lokꞌaleb. Ut li Ka̱cuaꞌ tixqꞌue jun acꞌ cꞌabaꞌej chokꞌ xcꞌabaꞌeb.