Isaías 66:1 - Li Santil hu

¹ Aꞌan aꞌin li naxye li Ka̱cuaꞌ li nimajcual Dios: —Li choxa, aꞌan lin cꞌojariba̱l ut li ruchichꞌochꞌ, aꞌan xnaꞌaj li cuok. ¿Ma naru ta biꞌ te̱yi̱b jun li ochoch re tincua̱nk cuiꞌ? ¿Ma naru ta biꞌ te̱yi̱b innaꞌaj re tinhila̱nk cuiꞌ?

Q'eqchi Bible

¹ Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Isaías 66:1 ပူးပေါင်းရင်းမြစ်များ

Hechos 17:24

Ut aꞌan ajcuiꞌ li Dios, li quiyi̱ban re li ruchichꞌochꞌ ut chixjunil li cꞌaꞌak re ru cuan. Aꞌan laj e̱chal re li choxa ut li ruchichꞌochꞌ. Aꞌan incꞌaꞌ nacuan saꞌ junak cab yi̱banbil xban cui̱nk.

1 Reyes 8:27

¿Ma naru ta biꞌ nacatcuan saꞌ ruchichꞌochꞌ? Li choxa kꞌaxal nim, abanan aꞌan incꞌaꞌ tzꞌakal chokꞌ a̱naꞌaj, at Ka̱cuaꞌ. ¿Ma tojaꞌ ta chic li cab li xinyi̱b ta̱tzꞌaklok chokꞌ a̱naꞌaj?

Salmos 132:7

Yoꞌkeb saꞌ lix tabernáculo li Ka̱cuaꞌ. Takacuikꞌib kib chiru ut takalokꞌoni.

Salmos 11:4

Abanan la̱in ninye a̱cue: Li Ka̱cuaꞌ Dios cuan chak saꞌ li Santil Naꞌajej ut kꞌaxal nim xcuanquil. Li Ka̱cuaꞌ Dios naril chixjunileb. Aꞌan naxnau cꞌaꞌru nequeꞌxba̱nu.

2 Crónicas 6:18

At Ka̱cuaꞌ, at kaDios, ¿ma naru ta biꞌ nacatcuan saꞌ kaya̱nk la̱o arin saꞌ ruchichꞌochꞌ? Xban nak kꞌaxal nim a̱cuanquil li choxa incꞌaꞌ natzꞌakloc chokꞌ a̱naꞌaj. Cui li choxa incꞌaꞌ tzꞌakal chokꞌ a̱naꞌaj, ¿ma tojaꞌ ta chic li templo aꞌin li xinyi̱b ta̱tzꞌaklok chokꞌ a̱naꞌaj?

1 Crónicas 28:2

Li rey David quixakli chiruheb ut quixye reheb: —Ex cuas cui̱tzꞌin, la̱ex lin tenamit, cherabihak li tinye e̱re. X-ala saꞌ inchꞌo̱l nak tinyi̱b lix templo li Ka̱cuaꞌ bar takaqꞌue cuiꞌ li Lokꞌlaj Ca̱x li ta̱hila̱nk cuiꞌ li Dios, bar xocxo cuiꞌ li contrato li quixyi̱b. Ac xincauresi chixjunil li ta̱cꞌanjelak re xyi̱banquil.

Salmos 99:9

Chelokꞌonihak li Ka̱cuaꞌ li kaDios. Cheqꞌuehak xlokꞌal saꞌ li tzu̱l Sión lix santil naꞌaj xban nak li Ka̱cuaꞌ li kaDios, aꞌan santo.

San Mateo 24:2

Quichakꞌoc li Jesús ut quixye reheb: —Us ajcuiꞌ nak te̱ril chi us chixjunil aꞌin xban nak ta̱cuulak xkꞌehil nak ma̱ jun chic reheb li pec aꞌan ta̱cana̱k saꞌ xnaꞌaj chi incꞌaꞌ ta ta̱juqꞌuekꞌ, chan.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

San Mateo 12:6

La̱in tinye e̱re nak cuanquin arin la̱in, ut kꞌaxal nim incuanquil chiru li rochoch li Dios.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

2 Crónicas 2:5

Li templo oc cue chixyi̱banquil, aꞌan kꞌaxal nim xban nak li kaDios, aꞌan li kꞌaxal nim xcuanquil saꞌ xbe̱neb chixjunileb li yi̱banbil dios.

Isaías 60:13

Li ni̱nki cheꞌ li cuanqueb Líbano, li cꞌajoꞌ xchakꞌal ruheb, e̱rehak chic. Li chaj, li ciprés, ut li chacalteꞌ ta̱cꞌanjelak che̱ru re xqꞌuebal xsahob ru lin templo. Ut la̱in tinqꞌue xlokꞌal li templo li nincuan cuiꞌ.