Isaías 65:2 - Li Santil hu

² La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.

Q'eqchi Bible

² Maak'a' rajb'al naq junelik xink'e inch'ool chi xk'ulb'al jun q'etq'et aj tenamit li junes maa'usilal naxik wi' xch'ool;

Isaías 65:2 ပူးပေါင်းရင်းမြစ်များ

Romanos 10:21

Ut chirixeb laj judío li Dios quixye: Junelic yo̱quin chixbokbaleb laj Israel re nak teꞌcha̱lk cuiqꞌuin. Abanan eb aꞌan incꞌaꞌ nequeꞌabin chicuu. Nequeꞌxkꞌet ban li cua̱tin. (Isa. 65:2)

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Proverbios 1:24

La̱in xexinbok ut xinye e̱re nak texcha̱lk cuiqꞌuin. Abanan la̱ex incꞌaꞌ queꞌraj rabinquil li cꞌaꞌru quinye e̱re.

Isaías 1:2

Cherabihak la̱ex li cuanquex saꞌ choxa joꞌ ajcuiꞌ la̱ex li cuanquex saꞌ ruchichꞌochꞌ xban nak li Ka̱cuaꞌ oc re chixyebal chi joꞌcaꞌin: —Quebinqꞌuiresi li cualal incꞌajol toj retal queꞌni̱nkan. Abanan eb aꞌan xeꞌxkꞌetkꞌeti ribeb chicuu.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

San Mateo 15:19

Saꞌ lix chꞌo̱l junak nachal chak li ma̱us aj naꞌleb, li camsi̱nc ras ri̱tzꞌin, li muxuc caxa̱r, li coꞌbe̱tac yumbe̱tac, li elkꞌac, li kꞌaba̱nc ut li majecua̱nc.

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.

Jeremías 5:23

Abanan eb li tenamit aꞌin cauheb xchꞌo̱l ut kꞌetkꞌeteb. Xineꞌxtzꞌekta̱na ut nequeꞌxba̱nu li cꞌaꞌru nequeꞌraj.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Isaías 66:18

La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Salmos 36:4

Nak yo̱queb chi hila̱nc yo̱queb ajcuiꞌ xcꞌoxlanquil cꞌaꞌru chi ma̱usilalil teꞌxba̱nu. Ma̱cꞌaꞌ usilal riqꞌuineb. Ti̱c incꞌaꞌ nequeꞌxcanab xba̱nunquil li ma̱usilal.

Deuteronomio 29:19

Cui cuan junak saꞌ kaya̱nk ta̱rabi chixjunil li tenebanbil saꞌ kabe̱n ut incꞌaꞌ tixqꞌue xcuanquil ut tixcꞌoxla “us tine̱lk usta tinba̱nu li cꞌaꞌru nacuaj injunes” chaꞌak, xban li jun aꞌan ta̱sachekꞌ e̱ru che̱junilex, li cha̱bil xnaꞌleb joꞌ ajcuiꞌ li incꞌaꞌ us xnaꞌleb.

Génesis 6:5

Li Ka̱cuaꞌ Dios quiril nak yo̱ chi numta̱c lix ma̱queb li cristian saꞌ ruchichꞌochꞌ. Caꞌaj cuiꞌ li ma̱usilal nequeꞌxcꞌoxla.

San Lucas 13:34

Ex aj Jerusalén, la̱ex nequecamsiheb li profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

San Mateo 23:37

Ex aj Jerusalén, ex aj Jerusalén, nequecamsiheb li tzꞌakal profeta ut nequecuti chi pec eb li nequeꞌtakla̱c e̱riqꞌuin xban li Dios. Nabal sut raj xcuaj e̱colbal joꞌ nak naxchꞌutubeb li ral li caxlan rubel lix xicꞌ. Abanan la̱ex incꞌaꞌ xeraj.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

Proverbios 16:29

Li ani najoskꞌoꞌ saꞌ junpa̱t naxbalakꞌiheb li ras ri̱tzꞌin, ut naxcꞌameb chixba̱nunquil li incꞌaꞌ us.

Deuteronomio 31:27

La̱in ninnau nak aj kꞌetoleb a̱tin li tenamit aꞌin ut kꞌaxal cauheb xchꞌo̱l. Xeꞌxkꞌetkꞌeti ribeb chiru li Ka̱cuaꞌ nak cuanquin riqꞌuineb. Ut kꞌaxal cuiꞌchic teꞌxba̱nu nak ac xincam nak ma̱ anihakin chic riqꞌuineb.

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Números 15:39

Nak te̱ril lix sahob ru le̱ rakꞌ ta̱julticokꞌ e̱re chixjunil li chakꞌrab li quinqꞌue e̱re re te̱ba̱nu. Ut incꞌaꞌ te̱mux e̱rib riqꞌuin xba̱nunquil li nequeraj e̱junes joꞌ nequeꞌxba̱nu eb li ixk li nequeꞌxcꞌayi ribeb.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Isaías 55:8

Li Ka̱cuaꞌ quixye: —Lin cꞌaꞌux la̱in moco juntakꞌe̱t ta riqꞌuin le̱ cꞌaꞌux la̱ex; chi moco le̱ naꞌleb la̱ex juntakꞌe̱t riqꞌuin lin naꞌleb la̱in.

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Salmos 36:5

Abanan la̱at, at Ka̱cuaꞌ, kꞌaxal nim la̱ rahom. Incꞌaꞌ naru xbisbal. Kꞌaxal nim la̱ cuuxta̱n saꞌ xbe̱neb la̱ cualal a̱cꞌajol.

Isaías 66:4

Joꞌcan nak la̱in tinsicꞌ ru li raylal li tinqꞌue saꞌ xbe̱neb. Tinqꞌue li raylal saꞌ xbe̱neb li cꞌajoꞌ nequeꞌxxucua, xban nak xebinbok ut incꞌaꞌ xineꞌxchakꞌbe. Nak xeꞌcua̱tina, incꞌaꞌ xineꞌrabi. Queꞌxba̱nu ban li incꞌaꞌ us chicuu. Queꞌxba̱nu li incꞌaꞌ nacuulac chicuu, chan li Dios.

Jeremías 18:12

Abanan eb aꞌan teꞌxye, “Ma̱cꞌaꞌ na-oc cuiꞌ li cꞌaꞌru yo̱cat chixyebal. Takaba̱nu cꞌaꞌru nakaj la̱o. Takaba̱nu li ma̱usilal li nakacꞌoxla xba̱nunquil,” chaꞌakeb.