Isaías 64:7 - Li Santil hu

⁷ Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Q'eqchi Bible

⁷ Maajun junaq napatz'ok laak'ab'a', chi moko naxyal xq'e chi xsik'b'al laatenq'aal, xb'aan naq xamuq aawib' chiqu ut xoohaakanab' rub'el xwankilal li qamaa'usilal.

Isaías 64:7 ပူးပေါင်းရင်းမြစ်များ

Ezequiel 22:30

La̱in xinsicꞌ jun saꞌ xya̱nkeb re nak tixcoleb chicuu. Xinsicꞌ jun naru tixchꞌolob lix ya̱lal chiruheb re nak incꞌaꞌ tinsacheb lin tenamit. Abanan ma̱ jun cha̱bil xintau.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Oseas 7:7

Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Isaías 59:2

Li Dios incꞌaꞌ chic narabi le̱ tij xban le̱ ma̱usilal. Xban le̱ ma̱c incꞌaꞌ chic nequexcuan chi sum a̱tin riqꞌuin li Dios nak nequeraj tijoc.

Isaías 54:8

Nak yo̱ injoskꞌil xinmuk cuib che̱ru junpa̱t. Abanan xban nak junelic nin-uxta̱nan u, la̱in tincuil cuiꞌchic xtokꞌoba̱l e̱ru, chan li Ka̱cuaꞌ laj Colol e̱re.

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Isaías 27:5

Cui eb li xicꞌ nequeꞌiloc re lin tenamit teꞌraj nak tincoleb, teꞌcha̱lk raj cuiqꞌuin. Teꞌxcꞌam raj ribeb saꞌ usilal cuiqꞌuin, chan li Dios.

Oseas 5:15

Tintzꞌekta̱naheb ut tincanabeb xjuneseb toj teꞌxqꞌue retal lix ma̱queb ut teꞌoc chinsicꞌbal. Toj cuanqueb saꞌ raylal, tojoꞌnak teꞌxqꞌue retal lix ma̱usilaleb ut teꞌsukꞌi̱k cuiqꞌuin, chan li Ka̱cuaꞌ.

Ezequiel 24:11

Chirix aꞌan tinchunub li ucꞌal li ma̱cꞌaꞌ chic xsaꞌ saꞌ xbe̱n li ru xam toj retal ta̱cakokꞌ xban xtikcual re nak lix tzꞌajnil ta̱cꞌatekꞌ ut ta̱e̱lk lix moꞌil.

Jeremías 9:7

Joꞌcan nak li Ka̱cuaꞌ naxye chi joꞌcaꞌin: —Chanchan nak numsinbil saꞌ xam nak tinqꞌue li raylal saꞌ xbe̱neb re nak teꞌxtau xnaꞌlebeb. Cui incꞌaꞌ tinba̱nu chi joꞌcan, ¿cꞌaꞌ chic ru ta̱ru̱k tinba̱nu reheb re teꞌusa̱k?

Isaías 59:4

Ma̱ ani na-ajoc rakoc a̱tin saꞌ ti̱quilal. Incꞌaꞌ nequeye li ya̱l saꞌ li rakleb a̱tin. Nequecꞌojob e̱chꞌo̱l riqꞌuin li ticꞌtiꞌ. Junes raylal ut ma̱usilal nequeba̱nu.

Isaías 57:17

Xban li ma̱usilal li nequeꞌxba̱nu ut xban nak chixjunil nequeꞌxrahi ru, la̱in xinjoskꞌoꞌ riqꞌuineb. La̱in xinqꞌueheb chixtojbal lix ma̱queb ut xincanabeb xjuneseb. Abanan xeꞌxcacuubresi xchꞌo̱leb ut junelic xeꞌxba̱nu li incꞌaꞌ us.

Isaías 56:4

Aꞌan aꞌin li naxye li Ka̱cuaꞌ: —Cui eb li eunuco teꞌx-oxlokꞌi li hiloba̱l cutan, ut cui teꞌxba̱nu li cꞌaꞌru nacuaj ut incꞌaꞌ teꞌxkꞌet lin contrato,

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Salmos 14:4

¿Ma incꞌaꞌ nequeꞌxtau xya̱lal? chan li Ka̱cuaꞌ. ¿Ma ma̱cꞌaꞌ xnaꞌleb li nequeꞌxba̱nu li ma̱usilal? Nequeꞌxrahobtesi li cualal incꞌajol ut ma̱cꞌaꞌ nequeꞌraj re chi moco niquineꞌxcꞌoxla la̱in, chan li Ka̱cuaꞌ.

Li xHu LAJ JOB 8:4

Ma̱re eb la̱ cualal a̱cꞌajol xeꞌma̱cob chiru li Dios. Joꞌcan nak xqꞌueheb chixtojbal lix ma̱queb.

Éxodo 32:12

¿Cꞌaꞌut nak ta̱qꞌue a̱cuib chi hobecꞌ xbaneb laj Egipto? Eb aꞌan teꞌxye, “¿Cꞌaꞌut nak li Dios xrisiheb arin ut xcꞌameb saꞌ li chaki chꞌochꞌ yal re tixcamsiheb saꞌ li tzu̱l? Quixsacheb chi junaj cua”, chaꞌkeb. Ma̱qꞌue a̱joskꞌil. Jal la̱ cꞌaꞌux. Ma̱sach ruheb la̱ tenamit.

Li xHu LAJ JOB 10:9

Chijulticokꞌ a̱cue nak riqꞌuin chꞌochꞌ xina̱yi̱b. ¿Cꞌaꞌut nak ta̱cuaj tinsukꞌi̱k cuiꞌchic chꞌochꞌ?

Salmos 100:3

Chenauhak nak li Ka̱cuaꞌ, aꞌan li tzꞌakal Dios. La̱o li ralal xcꞌajol. Aꞌan li quiyoꞌobtesin ke ut aꞌan ajcuiꞌ li na-iloc ke joꞌ jun li pastor narileb lix carner.

Isaías 45:9

Raylal ta̱cha̱lk saꞌ xbe̱n li ani naxcuechꞌ rix li ani quiyi̱ban re. Junak cuc incꞌaꞌ naru naxye re laj pacꞌonel, “¿Cꞌaꞌut nak xina̱yi̱b chi joꞌcaꞌin?” Chi moco naru tixye li seb re laj pacꞌonel, “¿Cꞌaꞌru yo̱cat? La̱at incꞌaꞌ nacanau trabajic.”

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Malaquías 1:6

Joꞌcaꞌin quixye li nimajcual Dios reheb laj tij: —Junak alalbej naxqꞌue xlokꞌal lix yucuaꞌ. Ut junak aj cꞌanjel naxqꞌue xlokꞌal lix patrón. Cui la̱in le̱ Yucuaꞌ, ¿cꞌaꞌut nak incꞌaꞌ nequeqꞌue inlokꞌal? Ut cui la̱in le̱ patrón, ¿cꞌaꞌut nak incꞌaꞌ niquine̱qꞌue saꞌ xnakꞌ e̱ru? La̱ex niquine̱tzꞌekta̱na. Ut nequeye, “¿Cꞌaꞌru xatkatzꞌekta̱na cuiꞌ?” chanquex.

Malaquías 2:10

¿Cꞌaꞌut nak toj nequesicꞌ ru li junju̱nk? ¿Ma incꞌaꞌ ta biꞌ jun ajcuiꞌ li kaYucuaꞌ? ¿Ma incꞌaꞌ ta biꞌ jun ajcuiꞌ li Dios li quiyoꞌobtesin ke? ¿Cꞌaꞌut nak nequeba̱nu chi joꞌcan riqꞌuineb le̱ ras e̱ri̱tzꞌin? ¿Cꞌaꞌut nak incꞌaꞌ nequeba̱nu chi tzꞌakal? ¿Cꞌaꞌut nak nequetzꞌekta̱na li contrato li quixba̱nu li Dios riqꞌuineb li kaxeꞌto̱nil yucuaꞌ?