Isaías 64:5 - Li Santil hu

⁵ La̱at nacattenkꞌan reheb li nequeꞌxba̱nu li us chi anchaleb xchꞌo̱l ut junelic cuan saꞌ xchꞌo̱leb li cꞌaꞌru nacacuaj la̱at. Abanan xban nak junelic yo̱co chi ma̱cobc cha̱cuu, joꞌcan nak xatjoskꞌoꞌ kiqꞌuin. ¿Ma naru ta biꞌ nak tocolekꞌ xban li ma̱c xkaba̱nu?

Q'eqchi Bible

⁵ Nakat-elk chi xk'ulb'al chi sa laach'ool li nab'aanunk li tiikilal chi anchal li raanm jo'wi' najultiko'k re li xtaaqenkil laab'e. Yaal ajwi' naq xatjosq'o'k, ab'an a'an xk'ulmank xb'aan naq xoomaakob'k chawu; chalen chaq junxil jwal aj q'etol aatino.

Isaías 64:5 ပူးပေါင်းရင်းမြစ်များ

Hebreos 4:16

Chotijok chi anchal kachꞌo̱l chiru li nimajcual Dios. Aꞌan ta̱ril xtokꞌoba̱l ku ut riqꞌuin xnimal rusilal toxtenkꞌa nak cua̱nko saꞌ junak raylal.

Hechos 10:35

Li ani naxxucua ru li Dios ut naxba̱nu li ti̱quilal aꞌ yal bar xtenamit, li jun aꞌan naraheꞌ xban li Dios.

Malaquías 3:6

—La̱in li Ka̱cuaꞌ. Incꞌaꞌ ninjala. Joꞌcan nak toj ma̱jiꞌ ninsach e̱ru, la̱ex li ralal xcꞌajol laj Jacob.

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Isaías 63:10

Usta quirosobtesiheb, abanan eb laj Israel queꞌxtzꞌekta̱na toj retal nak quirahoꞌ xchꞌo̱l lix Santil Musikꞌ. Joꞌcan nak li Ka̱cuaꞌ quijoskꞌoꞌ ut xicꞌ chic queꞌileꞌ xban. Ut quixqꞌueheb chi rahobtesi̱c.

Salmos 112:1

Lokꞌoninbil taxak li Ka̱cuaꞌ. Us xak reheb li ani nequeꞌxucuan ru li Ka̱cuaꞌ. Us xak reheb li nequeꞌsahoꞌ saꞌ xchꞌo̱leb xba̱nunquil li cꞌaꞌru naxye lix chakꞌrab li Dios.

Salmos 103:17

Abanan lix rahom ut lix ti̱quilal li Ka̱cuaꞌ junelic cuan saꞌ xbe̱neb li nequeꞌxucuan ru li Ka̱cuaꞌ joꞌ ajcuiꞌ saꞌ xbe̱neb li ralal xcꞌajol li teꞌcua̱nk mokon.

Salmos 37:4

Chisahokꞌ taxak e̱chꞌo̱l riqꞌuin li Ka̱cuaꞌ ut aꞌan tixqꞌue e̱re cꞌaꞌru te̱raj.

Salmos 25:10

Riqꞌuin cha̱bilal ut riqꞌuin rahoc li Ka̱cuaꞌ naxberesiheb li nequeꞌxba̱nu li cꞌaꞌru naxye saꞌ li contrato ut saꞌ lix chakꞌrab.

Éxodo 30:6

Saꞌ li xbe̱n tasal li tabernáculo saꞌ li Santil Naꞌajej te̱qꞌue li artal chiru li tas yi̱banbil riqꞌuin tꞌicr, li naramoc re li Lokꞌlaj Ca̱x li xocbil cuiꞌ li chakꞌrab. Saꞌ li naꞌajej aꞌan tincua̱nk e̱riqꞌuin.

Éxodo 25:22

Ut aran saꞌ xbe̱n li Lokꞌlaj Ca̱x saꞌ xyi li cuib chi querubines li cuanqueb saꞌ xbe̱n lix tzꞌapbal re, la̱in tincua̱nk saꞌ musikꞌej. Aran tina̱tinak a̱cuiqꞌuin ut tinqꞌue a̱cue li chakꞌrab li ta̱qꞌue reheb li ralal xcꞌajol laj Israel.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Oseas 6:3

Chikanauhak biꞌ ru li Ka̱cuaꞌ. Chikaqꞌuehak kachꞌo̱l chixnaubal ru chi tzꞌakal. Chꞌolchꞌo nak ta̱cꞌulu̱nk li Ka̱cuaꞌ. Ta̱cꞌulu̱nk joꞌ nak nachal li cutan rajlal. Ta̱cꞌulu̱nk joꞌ nak nachal li hab re xtꞌakresinquil li chꞌochꞌ saꞌ xkꞌehil li a̱uc ut nachal ajcuiꞌ mokon re xtꞌakresinquil li acui̱mk.—

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Isaías 26:13

At Ka̱cuaꞌ, at kaDios, ya̱l nak cuanqueb li xeꞌtaklan chi cau saꞌ kabe̱n. Abanan junes la̱at nakaqꞌue a̱lokꞌal.

Isaías 63:7

La̱in tinye resil li rusilal li Dios li nacuan chi junelic. Tinbicha lix lokꞌal xban li cꞌaꞌru naxba̱nu. Quirosobtesiheb laj Israel xban nak junelic na-uxta̱nan u ut junelic narahoc.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Isaías 1:30

Chanchanakex chic li ni̱nki ji li yo̱ chi tꞌanecꞌ lix xak. Chanchanakex lix naꞌaj li utzꞌuꞌuj li incꞌaꞌ tꞌakresinbil.

Isaías 27:8

Li Ka̱cuaꞌ quixqꞌueheb laj Israel chixtojbal lix ma̱queb nak quixcanabeb saꞌ rukꞌeb li jalaneb xtenamit. Queꞌchapeꞌ ut queꞌcꞌameꞌ chi pre̱xil saꞌ jalan tenamit. Chanchan nak queꞌcꞌameꞌ xban li cacuil ikꞌ li nachal saꞌ releb sakꞌe.

Zacarías 3:3

Laj Josué tzꞌaj ru li rakꞌ li cuan chirix nak xakxo chiru lix ángel li Ka̱cuaꞌ.