Isaías 64:4 - Li Santil hu

⁴ Ma̱ jun sut qui-abi̱c chi moco qui-ileꞌ junak chic Dios li natenkꞌan reheb li nequeꞌxcꞌojob xchꞌo̱l riqꞌuin. Caꞌaj cuiꞌ la̱at li tzꞌakal Dios.

Q'eqchi Bible

⁴ Maajun wa x'ab'imank chi moko x'ilmank jun sutaq naq junaq chik yos xb'aanu li xab'aanu laa'at cho'q reheb' li neke'paab'ank chiru.

Isaías 64:4 ပူးပေါင်းရင်းမြစ်များ

Salmos 31:19

At Ka̱cuaꞌ, kꞌaxal nim la̱ cuusilal saꞌ xbe̱neb li nequeꞌlokꞌonin a̱cue. Nacꞌutun chiruheb chixjunileb nak cha̱bilat riqꞌuineb li nequeꞌqꞌuehoc a̱lokꞌal.

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

Isaías 25:9

Saꞌ li cutan aꞌan eb li tenamit teꞌxye: —Relic chi ya̱l li Ka̱cuaꞌ, aꞌan li kaDios. Xkacꞌojob kachꞌo̱l riqꞌuin ut aꞌan xcoloc ke. Aꞌan li Ka̱cuaꞌ li kaDios. Xkapa̱b li Dios ut anakcuan aꞌan xcoloc ke. Joꞌcan nak sa saꞌ kachꞌo̱l, chaꞌakeb.

Salmos 130:5

Chi anchal inchꞌo̱l nacuoybeni nak li Ka̱cuaꞌ ta̱tenkꞌa̱nk cue ut li ra̱tin naxqꞌue xcacuil inchꞌo̱l.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

San Juan 14:3

Nak ac xya̱loꞌ le̱ naꞌaj, tincha̱lk cuiꞌchic ut texincꞌam cuiqꞌuin re nak bar cua̱nkin la̱in, aran ajcuiꞌ cua̱nkex la̱ex.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Romanos 8:19

Chixjunil li cꞌaꞌ re ru yi̱banbil xban li Dios yo̱queb chi xyoꞌoninquil nak ta̱cuulak xkꞌehil nak li Dios tixqꞌue xlokꞌaleb li ralal xcꞌajol.

Salmos 62:1

Caꞌaj cuiꞌ riqꞌuin li Dios cꞌojcꞌo inchꞌo̱l ut riqꞌuin aꞌan nintau li tuktu̱quilal.

1 Juan 4:10

Li tzꞌakal rahoc, aꞌan aꞌin: ma̱cuaꞌo la̱o xorahoc re li Dios. Aꞌan ban quirahoc ke la̱o xban nak quixtakla chak li Ralal chi ca̱mc re xtojbal rix li kama̱c.

1 Corintios 1:7

Ac xema̱tani li usilal li naxqꞌue li Santil Musikꞌej ut ma̱cꞌaꞌ chic nequeroybeni. Caꞌaj chic lix cꞌulunic li Ka̱cuaꞌ Jesucristo nequeroybeni.

San Lucas 2:25

Aran Jerusalén cuan jun li cui̱nk aj Simeón xcꞌabaꞌ. Li cui̱nk aꞌan ti̱c xchꞌo̱l ut naxqꞌue xlokꞌal li Dios. Yo̱ chiroybeninquil nak li Dios ta̱risiheb saꞌ raylal laj Israel. Ut cuan li Santil Musikꞌej riqꞌuin.

1 Ts 1:10

Ut yo̱queb ajcuiꞌ xserakꞌinquil chanru nak yo̱quex chiroybeninquil nak ta̱cha̱lk chak toj saꞌ choxa li Jesucristo li Ralal li Dios, li quicuaclesi̱c cuiꞌchic chi yoꞌyo saꞌ xya̱nkeb li camenak xban li Dios ut aꞌan li ta̱colok ke chiru li rakba a̱tin li ta̱cha̱lk saꞌ kabe̱n.

Isaías 40:31

Aꞌut eb li nequeꞌyoꞌonin riqꞌuin li Ka̱cuaꞌ teꞌqꞌuehekꞌ lix metzꞌe̱u. Cua̱nkeb xmetzꞌe̱u joꞌ xmetzꞌe̱u li tꞌiu li naxicꞌan chi najt ut incꞌaꞌ nalub. Teꞌa̱linak ut incꞌaꞌ teꞌlubk; teꞌbe̱k ut incꞌaꞌ teꞌtacua̱k. Incꞌaꞌ teꞌchꞌina̱nk xchꞌo̱l xban nak li Ka̱cuaꞌ cua̱nk riqꞌuineb.

Isaías 66:8

¿Ma cuan ta biꞌ junak ani qui-abin re nak quicꞌulman ta jun sutak chi joꞌcan? ¿Ma cuan ta biꞌ junak qui-iloc re nak junak nimla tenamit queꞌtam chi junpa̱t? ¿Ma cuan ta biꞌ junak tenamit quiniman chiru jun cutan? Abanan eb li tenamit Sión saꞌ junpa̱t teꞌta̱mk. Chanchan jun li ixk xyoꞌla xcꞌulaꞌal saꞌ junpa̱t.

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Salmos 103:18

Junelic ta̱rosobtesiheb li nequeꞌxba̱nu li cꞌaꞌru queꞌxye saꞌ li contrato. Ta̱rosobtesiheb li nequeꞌxba̱nu li cꞌaꞌru naxye saꞌ lix chakꞌrab.

Isaías 59:12

Incꞌaꞌ nocoxtenkꞌa xban nak kꞌaxal xnumta li kama̱usilal chiru li Ka̱cuaꞌ. Li ma̱usilal xkaba̱nu naxcꞌut nak cuan kama̱c. Incꞌaꞌ us xkaba̱nu. Nakanau nak cuan kama̱c.

Daniel 9:5

La̱o xoma̱cob cha̱cuu ut xkaba̱nu li ma̱usilal. Incꞌaꞌ us li kayehom kaba̱nuhom ut xkakꞌetkꞌeti kib cha̱cuu. Xkacanab xba̱nunquil li chakꞌrab li qꞌuebil ke a̱ban la̱at.

Daniel 9:8

At Ka̱cuaꞌ, kꞌaxal xuta̱nal nakacꞌul la̱o joꞌqueb ajcuiꞌ li karey ut eb li nequeꞌtaklan saꞌ kabe̱n, joꞌqueb ajcuiꞌ li kanaꞌ kayucuaꞌ xban nak xoma̱cob cha̱cuu.

Daniel 9:15

At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.

Oseas 7:7

Xban nak numtajenak lix ma̱usilaleb, quilajeꞌxcamsiheb li nequeꞌtaklan saꞌ xbe̱neb. Ut ma̱ jun li rey quicuan saꞌ xya̱lal xbaneb. Quilajeꞌisi̱c saꞌ xcuanquileb. Ut ma̱ jun saꞌ xya̱nkeb quitzꞌa̱man chicuu nak tintenkꞌaheb, chan li Ka̱cuaꞌ.

Zacarías 10:9

Usta ac xinjeqꞌuiheb ru saꞌ eb li tenamit, ut usta cuanqueb chak saꞌ li najtil tenamit, toj aran tineꞌxcꞌoxla chak. Teꞌsukꞌi̱k chak ut teꞌcua̱nk cuiꞌchic saꞌ lix naꞌajeb rochbeneb li ralal xcꞌajol.