Isaías 64:3 - Li Santil hu

³ Nak ma̱cꞌaꞌ saꞌ kachꞌo̱l la̱at caba̱nu li sachba chꞌo̱lej. Catcube chak saꞌ choxa ut eb li tzu̱l queꞌecꞌan saꞌ xnaꞌajeb cha̱cuu.

Q'eqchi Bible

³ jo' naq xab'aanu eb' li xiwajel b'aanuhom li maajun wa qoyb'enihom, naq xatkub'e chaq ut xe'ha'ho' eb' li tzuul chi rilb'al aawu.

Isaías 64:3 ပူးပေါင်းရင်းမြစ်များ

Habacuc 3:3

—Aꞌan aꞌin li quicuil saꞌ li visión, chan laj Habacuc. Quicuil nak li Dios yo̱ chak chi cha̱lc saꞌ li naꞌajej Temán. Li Dios santo xchal saꞌ li tzu̱l Parán. Lix lokꞌal nacꞌutun saꞌ choxa, joꞌ ajcuiꞌ saꞌ chixjunil li ruchichꞌochꞌ.

Salmos 106:22

Nabal li milagros quilajxba̱nu aran Egipto saꞌ lix tenamit laj Cam. Sachba chꞌo̱lej quixba̱nu saꞌ li Caki Palau.

Salmos 66:5

Cherabihak ut cheqꞌuehak retal li cꞌaꞌru quixba̱nu li Dios. Cheqꞌuehak retal li sachba chꞌo̱lej li quixba̱nu riqꞌuineb lix tenamit.

Salmos 66:3

Joꞌcaꞌin te̱ye re li Dios: —Sachba chꞌo̱lej rilbal li cꞌaꞌru nacaba̱nu. Xban xnimal la̱ cuanquilal, eb li xicꞌ nequeꞌiloc a̱cue teꞌxcuikꞌib ribeb cha̱cuu.

Deuteronomio 10:21

Li Ka̱cuaꞌ aꞌan li te̱lokꞌoni xban nak aꞌan le̱ Dios. La̱ex queril li sachba chꞌo̱lej li quixba̱nu riqꞌuin lix nimal xcuanquilal.

Habacuc 3:6

Quixakli li Ka̱cuaꞌ ut quirakoc a̱tin saꞌ xbe̱neb li cuanqueb saꞌ ruchichꞌochꞌ. Yal quirileb li tenamit ut nequeꞌsicsot queꞌcana. Eb li tzu̱l li cuanqueb chak chalen saꞌ xticlajic li ruchichꞌochꞌ quilajeꞌecꞌan. Quilajeꞌtꞌaneꞌ li najter tzu̱l. Aban li cꞌaꞌru naxba̱nu li Ka̱cuaꞌ incꞌaꞌ najala. Cuan ban chi junelic.

Isaías 64:1

Us raj cui ta̱te li choxa ut tatcubek chak cuanco cuiꞌ. Us raj cui eb li tzu̱l teꞌecꞌa̱nk saꞌ xnaꞌajeb cha̱cuu.

Salmos 76:12

Qꞌuehomak xlokꞌal xban nak aꞌan li na-isin re xyuꞌameb li cuanqueb saꞌ xcuanquil. Eb li rey li cuanqueb saꞌ ruchichꞌochꞌ nequeꞌxucuac chiru xban nak kꞌaxal nim xcuanquil.

Salmos 68:8

Ut qui-ecꞌan li chꞌochꞌ xban la̱ cuanquil. Ut quixqꞌue li hab. Ut li tzu̱l Sinaí qui-ecꞌan xban xnimal la̱ cuanquilal, la̱at lix Dioseb laj Israel.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

Éxodo 34:10

Ut li Dios quixye: —La̱in tinba̱nu lin contrato e̱riqꞌuin. Chiruheb chixjunileb li cristian tincꞌut lin cuanquilal. Ma̱ jun cua e̱rilom saꞌ ruchichꞌochꞌ li tinba̱nu la̱in. Ut chixjunileb laj Israel teꞌril li tinba̱nu ut teꞌxnau nak aꞌan xba̱nuhom li Dios xban nak nimla sachba chꞌo̱lej li tinba̱nu e̱riqꞌuin.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.