Isaías 61:8 - Li Santil hu

⁸ La̱in li Ka̱cuaꞌ Dios. Nacuulac chicuu li ti̱quilal ut xicꞌ nacuil li elkꞌac ut li ma̱c. Xban xti̱quilal inchꞌo̱l la̱in tinqꞌue xra̱baleb lin tenamit. Tinba̱nu jun contrato riqꞌuineb ut xakabanbilak xcuanquil chi junelic.

Q'eqchi Bible

⁸ Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

Isaías 61:8 ပူးပေါင်းရင်းမြစ်များ

Salmos 11:7

Li Ka̱cuaꞌ Dios ti̱c xchꞌo̱l ut naxra li ti̱quilal. Ut eb li ti̱queb xchꞌo̱l teꞌcua̱nk riqꞌuin li Dios saꞌ choxa.

Jeremías 9:24

Li ani tixnimobresi rib, chixnimobresihak rib riqꞌuin nak naxnau nak la̱in li Ka̱cuaꞌ ut naxtau ru chanru lin naꞌleb. Nin-uxta̱nan u ut ninrakoc a̱tin saꞌ ti̱quilal saꞌ ruchichꞌochꞌ. Aꞌan li nacuulac chicuu, chan li Ka̱cuaꞌ.

Jeremías 32:40

La̱in tinba̱nu jun li contrato riqꞌuineb ut xakxo̱k xcuanquil chi junelic. Incꞌaꞌ tincanab xba̱nunquil li usilal reheb ut tinqꞌue saꞌ xchꞌo̱leb nak teꞌxxucua cuu re nak incꞌaꞌ chic tineꞌxtzꞌekta̱na.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Salmos 37:28

Li Ka̱cuaꞌ nacuulac chiru li ti̱quilal. Incꞌaꞌ naxtzꞌekta̱naheb li ralal xcꞌajol. Naxcoleb ban chi junelic. Abanan li ralal xcꞌajoleb li incꞌaꞌ useb xnaꞌleb, aꞌan teꞌsachekꞌ.

Génesis 17:7

Junelic ta̱cua̱nk xcuanquil li contrato li xinba̱nu a̱cuiqꞌuin joꞌ ajcuiꞌ riqꞌuineb la̱ cualal a̱cꞌajol. La̱in la̱ Dios la̱at, ut la̱in ajcuiꞌ xDioseb la̱ cualal a̱cꞌajol.

Proverbios 8:20

Li cha̱bil naꞌleb li ninqꞌue, aꞌan naxcꞌut chanru nak texcua̱nk saꞌ xya̱lal ut saꞌ ti̱quilal.

Salmos 99:4

Kꞌaxal nim xcuanquil li karey. Naxra li ti̱quilal. Quixxakab xcuanquil li ti̱quilal ut li cha̱bilal saꞌ xya̱nkeb li ralal xcꞌajol laj Jacob.

Proverbios 3:6

Junelic julticak e̱re li Dios riqꞌuin chixjunil li cꞌaꞌru te̱ba̱nu ut aꞌan ta̱beresi̱nk e̱re.

Salmos 45:7

La̱at nacara li ti̱quilal ut xicꞌ nacacuil li ma̱usilal. Joꞌcan nak quisiqꞌueꞌ a̱cuu xban li Ka̱cuaꞌ la̱ Dios. Ut kꞌaxal cuiꞌchic nabal li sahil chꞌo̱lej li quixqꞌue a̱cue la̱at chiruheb li quilajeꞌcuan chokꞌ rey.

Salmos 33:5

Li Ka̱cuaꞌ nacuulac chiru li ti̱quilal ut naxraheb li ti̱queb xchꞌo̱l. Ut li rusilal nacuan saꞌ chixjunil li ruchichꞌochꞌ.

2 Samuel 23:5

Usta ma̱cuaꞌ joꞌcaneb li cualal incꞌajol riqꞌuin li Dios, abanan li Dios quixba̱nu li contrato cuiqꞌuin ut xakxo̱k xcuanquil chi junelic. Aꞌan xyehoc re chixjunil li cꞌaꞌak re ru aꞌin, ut tento ta̱uxma̱nk usta toj ma̱jiꞌ nacꞌulman. Ninnau nak laj Colol cue tixba̱nu li cꞌaꞌru nacuaj.

2 Ts 3:5

Aꞌ taxak li Ka̱cuaꞌ Jesucristo chitenkꞌa̱nk e̱re chixnaubal nak raro̱quex xban li Dios ut chicua̱nk taxak e̱riqꞌuin li cuyuc li naxqꞌue li Cristo.

Isaías 5:16

Caꞌaj chic li nimajcual Dios ta̱qꞌuehekꞌ xlokꞌal xban nak narakoc a̱tin saꞌ ti̱quilal. Li Ka̱cuaꞌ Dios tixcꞌutbesi lix santilal xban lix ti̱quilal xchꞌo̱l.

Salmos 50:5

Li Dios tixye: —Chꞌutubomakeb ruheb li ti̱queb xchꞌo̱l chicuu. Aꞌan eb li queꞌxba̱nu li contrato cuiqꞌuin ut queꞌxxakab xcuanquil riqꞌuin li cꞌatbil mayej, chaꞌak reheb.

Salmos 32:8

Li Ka̱cuaꞌ quixye: —La̱in tin-ilok a̱cue. La̱in tincꞌutuk cha̱cuu cꞌaꞌru ta̱ba̱nu ut tinqꞌue a̱naꞌleb re nak ta̱tau xya̱lal. La̱in tinberesi̱nk a̱cue.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Salmos 105:10

Li Ka̱cuaꞌ quixba̱nu ajcuiꞌ li contrato aꞌan riqꞌuin laj Jacob. Ut quixxakab xcuanquil li contrato chokꞌ reheb laj Israel chi junelic.

Isaías 28:17

Li ti̱quilal ta̱cꞌanjelak cue joꞌ li bisleb nak tinrakok a̱tin saꞌ e̱be̱n. Ut li cha̱bilal ta̱cꞌanjelak joꞌ li plomo.— Chanchan li sakbach nak tixsach ru chixjunil li ticꞌtiꞌ li nequecꞌojob cuiꞌ e̱chꞌo̱l ut chanchan li butꞌ nak tixsach ru li nequecol cuiꞌ e̱rib.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Isaías 54:10

Usta na-ecꞌasi̱c li tzu̱l saꞌ xnaꞌajeb ut usta nequeꞌtꞌaneꞌ li tzu̱l, abanan lin rahom saꞌ e̱be̱n ma̱ jokꞌe ta̱jala̱k. Junelic ban texinra. Tinba̱nu li xinye saꞌ li contrato li xinba̱nu e̱riqꞌuin re nak junelic cua̱nko saꞌ usilal, chan li Ka̱cuaꞌ li na-uxta̱nan e̱ru.

Isaías 56:1

Aꞌan aꞌin li naxye li Ka̱cuaꞌ: —Junelic chexcua̱nk saꞌ ti̱quilal ut te̱ba̱nu li us xban nak cuulac re xkꞌehil nak texincol ut cuulac ajcuiꞌ re xkꞌehil nak tincꞌutbesi lin ti̱quilal.

Isaías 66:22

Joꞌ nak ta̱cua̱nk chi junelic li acꞌ choxa ut li acꞌ ruchichꞌochꞌ li tinyi̱b, joꞌcan ajcuiꞌ nak ta̱cua̱nk chi junelic le̱ ralal e̱cꞌajol. Ut incꞌaꞌ ta̱sachk le̱ cꞌabaꞌ. Cua̱nk ban chi junelic.

Malaquías 1:13

La̱ex nequeye, “Xotitzꞌ chi mayejac chiru li Ka̱cuaꞌ.” La̱ex niquine̱tzꞌekta̱na. Nequecꞌam chak li xul li elkꞌanbil malaj ut li ye̱k rok, malaj ut li xul yaj ut nequemayeja saꞌ lin artal. ¿Ma tincꞌul ta biꞌ chi sa saꞌ inchꞌo̱l li mayej aꞌan?

Ezequiel 16:60

Abanan toj cuan saꞌ inchꞌo̱l cꞌaꞌru quinye saꞌ li contrato li quinba̱nu a̱cuiqꞌuin saꞌ a̱sa̱jilal. La̱in tinxakab xcuanquil li contrato chi junelic.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.