Isaías 61:6 - Li Santil hu

⁶ Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Q'eqchi Bible

⁶ Ut laa'ex teek'ab'a'in: “aj tij chiru li Qaawa'”; “aj k'anjeleb' chiru li qaYos” taayeemanq eere. Teetzeka li xsahil eechej eb' laj ab'l tenamit ut teereechani li xb'ihomaleb'.

Isaías 61:6 ပူးပေါင်းရင်းမြစ်များ

Éxodo 19:6

La̱ex taxak jun santil tenamit chicuu. Texcꞌanjelak chicuu joꞌ xbe̱nil aj tij. Aꞌin li cua̱tin ta̱yeheb re laj Israel, chan li Dios re laj Moisés.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Isaías 66:21

Ut cuanqueb saꞌ xya̱nkeb li tinsicꞌ ruheb re teꞌcꞌanjelak chokꞌ aj tij ut chokꞌ aj levita.

Apocalipsis 20:6

Us xak reheb li teꞌtzꞌako̱nk saꞌ li xbe̱n cuaclijiqueb li camenak chi yoꞌyo. Aꞌaneb li ralal xcꞌajol li Dios. Ut lix cab li ca̱mc, ma̱cꞌaꞌak chic xcuanquil saꞌ xbe̱neb. Aꞌanakeb chic li teꞌcꞌanjelak chiru li Dios ut chiru li Cristo chokꞌ aj tij. Ut teꞌcua̱nk xcuanquileb rochben li Cristo chiru jun mil chihab.

Apocalipsis 5:10

Xaqꞌueheb xcuanquil chi cꞌanjelac chiru li kaDios joꞌ aj tij, ut ta̱qꞌueheb ajcuiꞌ chi takla̱nc saꞌ ruchichꞌochꞌ.

2 Corintios 11:23

Tinnimobresi caꞌchꞌinak cuib anakcuan ut tina̱tinak joꞌ nequeꞌxba̱nu li ma̱cꞌaꞌeb xnaꞌleb. Nequeꞌxye nak aj cꞌanjeleb chiru li Cristo. ¿Ma aꞌaneb ta biꞌ li kꞌaxal aj cꞌanjel chiru li Cristo chicuu la̱in? Incꞌaꞌ, xban nak la̱in tzꞌakalin x-apóstol li Jesucristo. Nabal li raylal nincꞌul saꞌ xcꞌabaꞌ li Cristo. Nintacuasi cuib chi cꞌanjelac. Nabal sut xinqꞌueheꞌ saꞌ tzꞌalam. Nabal sut xinsaqꞌueꞌ ut cuanqueb li nequeꞌraj incamsinquil.

1 Corintios 4:1

Joꞌcan nak chenauhak nak la̱o yal aj cꞌanjelo chiru li Cristo ut qꞌuebil saꞌ kabe̱n xchꞌolobanquil lix ya̱lal li colba-ib li quiqꞌueheꞌ ke xban li Dios. Li xya̱lal aꞌin mukmu nak quicuan chak junxil.

2 Corintios 6:4

Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

1 Corintios 3:5

¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.

Romanos 12:1

Ex herma̱n, saꞌ xcꞌabaꞌ xnimal ruxta̱n li Dios nintzꞌa̱ma che̱ru nak chekꞌaxtesi e̱rib rubel rok rukꞌ li Ka̱cuaꞌ joꞌ jun yoꞌyo̱quil mayej santobresinbil xban li Dios, ut chi anchal e̱chꞌo̱l chexcꞌanjelak chiru re nak sahak xchꞌo̱l li Ka̱cuaꞌ e̱riqꞌuin. Ut riqꞌuin xba̱nunquil aꞌan, yo̱kex chixlokꞌoninquil li Dios chi tzꞌakal re ru.

Ezequiel 14:11

Tinba̱nu chi joꞌcan re nak eb laj Israel incꞌaꞌ chic tineꞌxtzꞌekta̱na, chi moco teꞌxmux chic ribeb riqꞌuin xba̱nunquil li ma̱c. Aꞌanakeb lin tenamit ut la̱inak lix Dioseb, chan li Ka̱cuaꞌ li nimajcual Dios.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

Isaías 23:18

Abanan li tumin li teꞌxcꞌul ta̱kꞌaxtesi̱k re li Ka̱cuaꞌ. Incꞌaꞌ chic teꞌxxoc chokꞌ reheb laj Tiro. Ta̱cꞌanjelak ban chiruheb li nequeꞌlokꞌonin re li Ka̱cuaꞌ re nak ta̱cua̱nk xcua rucꞌaheb ut ta̱cua̱nk ajcuiꞌ li rakꞌeb.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

Isaías 56:6

Ut eb li jalan xtenamiteb li tineꞌxpa̱b ut teꞌcꞌanjelak chicuu ut teꞌrahok cue, cui nequeꞌx-oxlokꞌi li hiloba̱l cutan ut incꞌaꞌ nequeꞌxmux ru ut incꞌaꞌ nequeꞌxkꞌet lin contrato,

Deuteronomio 18:2

Ma̱cꞌaꞌ teꞌxcꞌul rochbeneb li ras ri̱tzꞌin xban nak lix ma̱taneb aꞌan, aꞌan li cꞌanjelac chiru li Ka̱cuaꞌ.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Jeremías 33:18

Ut teꞌcua̱nk ajcuiꞌ eb li ralal xcꞌajol laj Leví li teꞌcꞌanjelak chicuu chokꞌ aj tij. Rajlal teꞌmayejak chicuu ut teꞌxqꞌue lix cꞌatbil mayej joꞌ ajcuiꞌ li mayej cꞌaj.