Isaías 61:4 - Li Santil hu

⁴ Teꞌxyi̱b cuiꞌchic li tenamit li ac jucꞌbil junxil. Teꞌxcuaclesiheb li cab li queꞌpoꞌi najter. Ut teꞌxcuaclesi cuiꞌchic li tenamit li quilajeꞌtꞌaneꞌ najter.

Q'eqchi Bible

⁴ Toja' naq te'xyiib' wi' chik li najteril po'lem, te'xkab'la ajwi' eb' li mayeril ochoch; te'xwaklesi wi' chik eb' li juk'b'il tenamit jo'wi' eb' li ochoch li ke'juk'mank junxil.

Isaías 61:4 ပူးပေါင်းရင်းမြစ်များ

Isaías 58:12

Eb le̱ ralal e̱cꞌajol teꞌxyi̱b cuiꞌchic li tenamit ut teꞌxcuaclesi cuiꞌchic li cimiento li juqꞌuinbil junxil. Ut naꞌno̱k chic e̱ru xban nak xeyi̱b cuiꞌchic li tzꞌac ut li tenamit li queꞌtꞌaneꞌ junxil.

Salmos 46:8

Abihomak ut qꞌuehomak retal cꞌaꞌru quixba̱nu li Dios riqꞌuineb li xicꞌ queꞌiloc reheb lix tenamit.

Salmos 74:3

Cha̱lkat chi junpa̱t chirilbal la̱ santil naꞌaj. Qꞌue retal chanru nak queꞌxjuqꞌui li templo li xicꞌ nequeꞌiloc a̱cue. Quilajeꞌxpoꞌ chixjunil li cuan aran.

Isaías 52:9

Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Zacarías 1:17

Ut quixye ajcuiꞌ cue li ángel: —Ta̱ye ajcuiꞌ resil aꞌin: Joꞌcaꞌin xye li nimajcual Dios. Tinqꞌue cuiꞌchic chi nabal li cꞌaꞌru reheb lin tenamit Jerusalén ut tebincuosobtesi. Chanchan nak toj xinsiqꞌueb ru chokꞌ cualal incꞌajol, chan li Dios.

Esdras 9:9

La̱o cuanco rubel xtakl lix reyeb laj Persia, abanan incꞌaꞌ xoa̱canab kajunes. Chiruheb li rey xacꞌut chiku lix nimal la̱ cuusilal ut xaqꞌue li kayuꞌam re nak ta̱ru̱k takayi̱b cuiꞌchic la̱ templo li quijuqꞌueꞌ. Ut la̱at xat-iloc ke arin Judá ut Jerusalén.

Miqueas 7:11

Ta̱cuulak xkꞌehil nak ta̱yi̱ba̱k cuiꞌchic li tzꞌac li sutsu cuiꞌ le̱ tenamit ut ta̱nima̱nk le̱ naꞌaj la̱ex li cuanquex Jerusalén.