Isaías 61:3 - Li Santil hu

³ Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Q'eqchi Bible

³ Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Isaías 61:3 ပူးပေါင်းရင်းမြစ်များ

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

San Juan 16:20

Relic chi ya̱l ninye e̱re nak eb li incꞌaꞌ nequeꞌpa̱ban cue ta̱sahokꞌ saꞌ xchꞌo̱leb nak tincꞌul li raylal. La̱ex ta̱yotꞌekꞌ e̱chꞌo̱l ut texya̱bak nak tincꞌul chi joꞌcan. Ta̱rahokꞌ saꞌ e̱chꞌo̱l, abanan mokon ta̱sahokꞌ cuiꞌchic saꞌ e̱chꞌo̱l nak te̱ril cuiꞌchic cuu.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Eclesiastés 9:8

Ta̱qꞌue saki akꞌ cha̱bil cha̱cuix ut ta̱qꞌue rajlal li sununquil ban saꞌ a̱jolom.

Salmos 45:7

La̱at nacara li ti̱quilal ut xicꞌ nacacuil li ma̱usilal. Joꞌcan nak quisiqꞌueꞌ a̱cuu xban li Ka̱cuaꞌ la̱ Dios. Ut kꞌaxal cuiꞌchic nabal li sahil chꞌo̱lej li quixqꞌue a̱cue la̱at chiruheb li quilajeꞌcuan chokꞌ rey.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Salmos 23:5

Niquina̱qꞌue chi cuaꞌac chiruheb li xicꞌ nequeꞌiloc cue. Nacaqꞌue li sununquil ban saꞌ lin jolom. Kꞌaxal numtajenak xsahil inchꞌo̱l nacaqꞌue. Chanchan nak yo̱ chi hoyecꞌ lin secꞌ xban xnujenakil.

1 Corintios 6:20

Lokꞌbilex chic chi terto e̱tzꞌak. Joꞌcan nak ti̱cak le̱ yuꞌam ut chelokꞌoni li Dios xban nak rehex chic.

Zacarías 3:5

Ut quixye reheb: —Bacꞌomak junak tꞌicr sak ru saꞌ xjolom, chan. Ut queꞌxqꞌue jun li tꞌicr sak ru saꞌ xjolom ut queꞌxqꞌue li cha̱bil tꞌicr chirix. Ut lix ángel li Ka̱cuaꞌ xakxo aran.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

1 Pedro 4:14

Us xak e̱re cui texhobekꞌ xban nak nequepa̱b li Cristo. Aꞌan retalil nak lix Musikꞌ li Dios cuan e̱riqꞌuin ut aꞌan li kꞌaxal lokꞌ. Relic chi ya̱l nak tzꞌekta̱nanbil li Dios xbaneb li nequeꞌhoboc e̱re, abanan che̱ru la̱ex, kꞌaxal lokꞌ ut nim xcuanquil.

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

Ester 9:22

Teꞌxninkꞌei ru li cutan aꞌan xban nak aꞌan li cutan queꞌcoleꞌ cuiꞌ chiruheb li xicꞌ queꞌiloc reheb. Ut saꞌ li po aꞌan quisukꞌi chokꞌ sahil chꞌo̱lej li rahil chꞌo̱lej li cuanqueb cuiꞌ. Teꞌxninkꞌei ruheb li cutan aꞌan ut teꞌxqꞌue xma̱taneb chi ribileb rib ut teꞌxqꞌue xma̱taneb li nebaꞌ.

2 Ts 1:10

Chixjunil aꞌin ta̱cꞌulma̱nk saꞌ li cutan nak tol-e̱lk cuiꞌchic li Ka̱cuaꞌ Jesucristo. Saꞌ li cutan aꞌan li Jesucristo ta̱lokꞌoni̱k xbaneb chixjunileb li nequeꞌpa̱ban re. La̱ex cuanquex saꞌ xya̱nkeb aꞌan. Rehex chic li Cristo xban nak ac xepa̱b lix ya̱lal li xkachꞌolob che̱ru.

San Juan 15:8

Nequeqꞌue xlokꞌal lin Yucuaꞌ riqꞌuin li cha̱bilal nequeba̱nu. Cui yo̱kex chixba̱nunquil li cꞌaꞌru naraj li Dios, la̱exak tzꞌakal intzolom.

Salmos 104:15

Nacaqꞌue lix tzacae̱mk re nak ta̱cua̱nk xmetzꞌe̱u li cui̱nk. Nacaqꞌue li vino ut nacaqꞌue li aceite re nak ta̱sahokꞌ saꞌ xchꞌo̱l.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

San Mateo 15:13

Quichakꞌoc li Jesús ut quixye reheb: —Chixjunil li acui̱mk incꞌaꞌ aubil xban lin Yucuaꞌ cuan saꞌ choxa, aꞌan ta̱michꞌma̱nk.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

Hebreos 1:9

Li ti̱quilal nacuulac cha̱cuu ut li ma̱usilal xicꞌ nacacuil. Joꞌcan nak sicꞌbil a̱cuu inban la̱in li nimajcual Dios. La̱in la̱ Dios. Kꞌaxal numtajenak li sahil chꞌo̱lej xinqꞌue a̱cue la̱at chiru li xinqꞌue reheb chixjunileb la̱ cuech aj cꞌanjelil. (Sal. 45:6-7)

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Isaías 26:2

Tehomak li oqueba̱l re li tenamit re teꞌoc li tenamit li ti̱queb xchꞌo̱l. Teꞌoc li tenamit li nequeꞌxba̱nu li us.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Jeremías 31:13

Eb li tukꞌ ixk teꞌxajok xban xsahil xchꞌo̱leb. Sahakeb saꞌ xchꞌo̱l li chꞌajom ut eb li che̱quel cristian. La̱in tincꞌojob xchꞌo̱leb ut tinsukꞌisi lix rahil xchꞌo̱leb chokꞌ sahil chꞌo̱lejil.

Ezequiel 34:29

La̱in tinqꞌue li cha̱bil chꞌochꞌ reheb re nak ta̱e̱lk li racui̱mkeb chi cha̱bil. Ut incꞌaꞌ chic ta̱cua̱nk li cueꞌej saꞌ lix tenamiteb. Ut incꞌaꞌ chic ta̱cꞌutekꞌ xxuta̱neb xbaneb li jalan xtenamiteb.

Ezequiel 47:7

Nak cuanquin aran, quicuil nak cuanqueb nabaleb li ni̱nki cheꞌ chire li nimaꞌ saꞌ xcaꞌ pacꞌalil.

Salmos 30:12

Joꞌcan nak tinbicha̱nk re a̱lokꞌoninquil, at Ka̱cuaꞌ Dios. Incꞌaꞌ naru nincana chi incꞌaꞌ tinqꞌue a̱lokꞌal. At Ka̱cuaꞌ Dios, tinqꞌue a̱lokꞌal chi junelic.