Isaías 61:11 - Li Santil hu

¹¹ Joꞌ nak li Ka̱cuaꞌ naxqꞌue chi mokc ut chi qꞌui̱c li iyaj, joꞌcan ajcuiꞌ nak tixxakab xcuanquil li ti̱quilal ut li lokꞌoni̱c saꞌ chixjunil li ruchichꞌochꞌ.

Q'eqchi Bible

¹¹ Jo' naq li ch'och' naxk'e chi yo'laak chixjunil li che'k'aam ut namoqk li loq'laj iyaj sa' li xna'aj li awimq, jo'kan ajwi' naq li Qaawa' tixk'e chi moqk li tiikilal, ut chixjunileb' li tenamit te'b'ichanq re.

Isaías 61:11 ပူးပေါင်းရင်းမြစ်များ

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Isaías 62:7

Meꞌhilan chixtzꞌa̱manquil chiru li Dios toj retal nak tixyi̱b cuiꞌchic li tenamit Jerusalén re nak chixjunileb li cuanqueb saꞌ ruchichꞌochꞌ teꞌxqꞌue xlokꞌal.

Isaías 62:1

Xban nak ninra li tenamit Sión, joꞌcan nak la̱in tinchꞌolob lix ya̱lal. Xban nak ninra li tenamit Jerusalén incꞌaꞌ tincanab xchꞌolobanquil lix ya̱lal chiruheb toj retal ta̱cꞌutu̱nk lix ti̱quilaleb. Ut ta̱cꞌutu̱nk nak colbileb chic. Chanchanak jun li xam lochlo̱k.

Isaías 45:8

Ta̱cua̱nk li ti̱quilal yalak bar. Chanchan nak nachal li hab saꞌ choxa. Ut ta̱cua̱nk li colba-ib. Chanchan nak na-el li acui̱mk saꞌ chꞌochꞌ. Ta̱cua̱nk li ti̱quilal xban nak la̱in li Ka̱cuaꞌ quinyehoc re.—

Cantares 4:16

Chicha̱lk ta li ikꞌ saꞌ li norte. Chicha̱lk ta li ikꞌ saꞌ li sur. Ut chinumekꞌ ta saꞌ lix naꞌaj li acui̱mk re nak ta̱e̱lk xbo̱c li sununquil ban saꞌ li naꞌajej. Chicha̱lk ta saꞌ li naꞌajej aꞌin li cui̱nk li ninra. Chixtzaca ta li cha̱bil ru li cheꞌ li kꞌaxal quiꞌ ut sa xloubal.

Salmos 85:11

Eb li cuanqueb saꞌ ruchichꞌochꞌ teꞌcua̱nk saꞌ xya̱lal. Ut li Ka̱cuaꞌ saꞌ choxa tixqꞌue chak li ti̱quilal ke.

San Mateo 13:23

Ut li iyaj li quinak saꞌ li cha̱bil chꞌochꞌ, aꞌaneb li nequeꞌrabi ut nequeꞌxpa̱b ut nequeꞌxtau ru chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60), ut li naxqꞌue oꞌtakcꞌa̱l ru (100) li junju̱nk.—

San Mateo 13:3

Ut nabal cꞌaꞌak re ru quixtzoleb cuiꞌ riqꞌuin jaljo̱quil ru a̱tin, ut quixye reheb: —Abihomak li tinye e̱re. Jun aj acuinel co̱ chi a̱uc.

Isaías 60:18

Incꞌaꞌ chic ta̱cua̱nk li raylal saꞌ le̱ naꞌaj, chi moco teꞌxpoꞌ le̱ tenamit chi moco teꞌxsach ru. Ut li tzꞌac li sutsu cuiꞌ le̱ tenamit ta̱colok e̱re. Ut saꞌ li oqueba̱l ta̱cua̱nk lokꞌoni̱nc.

Salmos 72:16

Chie̱lk taxak chi nabal li trigo saꞌ li naꞌajej. Numtajenakak ta li acui̱mk saꞌ eb li tzu̱l. Incꞌaꞌ ta chic ta̱cꞌutu̱nk li chꞌochꞌ xban xqꞌuialil. Chiu̱chi̱nk ta chi nabal li acui̱mk joꞌ xqꞌuial li cheꞌ li cuan Líbano. Ut cheꞌqꞌuia̱nk ta li tenamit joꞌ xqꞌuial li pim saꞌ cꞌaleba̱l.

Salmos 72:3

Li cha̱bil chꞌochꞌ li cuan saꞌ eb li tzu̱l tixqꞌue xsahil xchꞌo̱leb li tenamit xban nak ta̱e̱lk chi cha̱bil li acui̱mk chiru. Ut teꞌcua̱nk saꞌ ti̱quilal li tenamit.

San Mateo 13:8

Ut cuan cuiꞌchic li iyaj quinak saꞌ li cha̱bil chꞌochꞌ. Quimok ut quiu̱chin. Cuan quixqꞌue laje̱tk xcaꞌcꞌa̱l ru (30). Cuan quixqꞌue oxtakcꞌa̱l ru (60), ut cuan cuiꞌchic quixqꞌue oꞌtakcꞌa̱l ru (100) li junju̱nk.

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Isaías 45:23

La̱in xinye li cua̱tin. Saꞌ incꞌabaꞌ la̱in xina̱tinac. Ma̱ ani ta̱jalok re li cꞌaꞌru xinye la̱in saꞌ ti̱quilal. Relic chi ya̱l chixjunileb teꞌxcuikꞌib ribeb chicuu ut teꞌxye nak la̱in li Ka̱cuaꞌ Dios.

Isaías 45:24

Teꞌxye nak relic chi ya̱l caꞌaj cuiꞌ cuiqꞌuin cuan li ti̱quilal ut li cuanquilal. Chixjunileb teꞌcha̱lk cuiqꞌuin ut eb li xicꞌ nequeꞌiloc cue teꞌcꞌutekꞌ xxuta̱n.—

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Isaías 48:18

Xeba̱nu raj li xinye e̱re. Cui ta xeba̱nu, cuanquex raj saꞌ tuktu̱quil usilal. Li tuktu̱quil usilal chanchan raj jun nimaꞌ incꞌaꞌ nachakic. Ut le̱ ti̱quilal chanchan raj lix cau ok li palau li ma̱cꞌaꞌ rosoꞌjic.

Isaías 60:21

Chixjunileb li tenamit ti̱cakeb chic xchꞌo̱leb. Eb aꞌan teꞌre̱chani chi junelic lix naꞌajeb li quinqꞌue reheb. Chanchanakeb jun li cheꞌ aubil aran. Aꞌaneb li cualal incꞌajol li quebinyi̱b chak re nak teꞌxcꞌutbesi lin lokꞌal.

Génesis 1:11

Li Dios quixye: —Chicua̱nk li rax pim saꞌ ruchichꞌochꞌ, chan. Li acui̱mk ta̱u̱chi̱nk ut ta̱cua̱nk riyajil. Ut eb li cheꞌ teꞌu̱chi̱nk ut teꞌcua̱nk riyajil, aꞌ yal cꞌaꞌru li riyajil li junju̱nk. Ut quicꞌulman joꞌ quixye li Dios.

Isaías 62:2

Eb li xni̱nkal ru tenamit teꞌxqꞌue retal lix ti̱quilal xchꞌo̱leb ut eb li rey teꞌxqꞌue retal lix lokꞌaleb. Ut li Ka̱cuaꞌ tixqꞌue jun acꞌ cꞌabaꞌej chokꞌ xcꞌabaꞌeb.