Isaías 60:6 - Li Santil hu

⁶ Nabaleb li camello li teꞌcua̱nk saꞌ le̱ naꞌaj. Toj Madián ut Efa teꞌcha̱lk chak. Ut teꞌcha̱lk ajcuiꞌ li cuanqueb Sabá. Teꞌxcꞌam chak li oro ut li incienso ut teꞌxqꞌue xlokꞌal li Ka̱cuaꞌ.

Q'eqchi Bible

⁶ K'iila kameey te'chalje'q chaq sa'eb' li tenamit Madián ut Efá; chixjunileb' te'chalq chaq sa' xteepal Sabá ut te'xk'am chaq naab'al li oor ut k'ajpom, yooqeb' chi xpuktesinkil resil li xwankilal li Qaawa'.

Isaías 60:6 ပူးပေါင်းရင်းမြစ်များ

San Mateo 2:11

Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

Salmos 72:10

Eb li jalan chic rey teꞌxqꞌue xma̱tan lix reyeb laj Israel. Teꞌxcꞌam chak xma̱taneb lix reyeb laj Tarsis ut li tenamit li cuanqueb chire li palau. Ut joꞌcan ajcuiꞌ teꞌxba̱nu eb lix reyeb laj Sabá ut eb laj Seba.

Salmos 72:15

Chicua̱nk taxak xyuꞌam chi junelic li rey ut chiqꞌuehekꞌ ta lix oro xbaneb li cuanqueb saꞌ li tenamit Sabá. Chixjunileb ta li tenamit cheꞌqꞌuehok xlokꞌal ut cheꞌxtzꞌa̱ma ta chiru li Dios nak aꞌan ta̱tenkꞌa̱nk re rajlal cutan.

Jueces 6:5

Nak nequeꞌxic eb laj Madián chixsachbal chixjunil li cꞌaꞌru cuan reheb laj Israel, queꞌxcꞌam chirixeb lix queto̱mk ut eb lix muheba̱l. Chanchaneb laj sa̱cꞌ nak queꞌchal xban nak kꞌaxal cuiꞌchic nabaleb. Incꞌaꞌ naru rajlanquileb chi moco naru rajlanquileb lix camello.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Filipenses 2:17

Cui tincamsi̱k xban nak xexintenkꞌa saꞌ le̱ pa̱ba̱l, ma̱cꞌaꞌ naxye. Ta̱sahokꞌ saꞌ inchꞌo̱l nak textzꞌako̱nk la̱ex riqꞌuin li sahil chꞌo̱lejil li tincꞌul la̱in.

Génesis 10:7

Ut aꞌaneb aꞌin lix cꞌabaꞌeb li ralal laj Cus: laj Seba, laj Havila, laj Sabta, laj Raama ut laj Sabteca. Aꞌaneb aꞌin lix cꞌabaꞌeb li ralal laj Raama: laj Seba ut laj Dedán.

Romanos 15:9

Quicꞌulun ajcuiꞌ chixtenkꞌanquileb li ma̱cuaꞌeb aj judío re nak teꞌxlokꞌoni li Dios xban nak kꞌaxal nim li ruxta̱n. Tzꞌi̱banbil chi joꞌcaꞌin saꞌ li Santil Hu: Joꞌcan nak la̱in tatinlokꞌoni saꞌ xya̱nkeb li ma̱cuaꞌeb aj judío. Ut tinbicha̱nk ajcuiꞌ re a̱lokꞌoninquil. (Sal. 18:49)

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 30:6

Aꞌan aꞌin li esilal chirixeb li xul li cuanqueb Neguev. Li Neguev, aꞌan jun li naꞌajej xiu xiu numecꞌ cuiꞌ xban nak aran cuanqueb li cakcoj ut li cꞌantiꞌ li kꞌaxal se̱b chi a̱linac ut li cꞌantiꞌ li napiscꞌoc chi junpa̱t. Eb laj Israel yo̱queb chi numecꞌ aran re teꞌxic Egipto chixpatzꞌbal lix tenkꞌanquil. Yo̱queb chixcꞌambal chirix bu̱r ut camello lix biomaleb re teꞌxqꞌue reheb laj Egipto. Abanan eb laj Egipto moco teꞌxtenkꞌaheb ta.

1 Reyes 10:2

Joꞌcan nak co̱ Jerusalén riqꞌuin laj Salomón rochbeneb nabal aj cꞌanjel chiru. Ut nabaleb li camellos li yo̱queb chi i̱ka̱nc re li cꞌaꞌru quixcꞌam. Nabal li sununquil ban quixcꞌam ut nabal li oro. Ut quixcꞌam ajcuiꞌ li terto̱quil pec. Nak quicuulac riqꞌuin laj Salomón quixye re li joꞌ qꞌuial li cuan saꞌ xchꞌo̱l nak tixye.

2 Crónicas 9:1

Li reina li cuan aran Sabá quirabi resil nak kꞌaxal cuan xnaꞌleb laj Salomón. Joꞌcan nak co̱ aran Jerusalén chi patzꞌoc riqꞌuin re rilbal ma tixsume ta na li patzꞌoc li kꞌaxal chꞌaꞌaj xsumenquil. Co̱ Jerusalén riqꞌuin laj Salomón rochbeneb nabaleb aj cꞌanjel chiru. Ut nabaleb li camellos li yo̱queb chi i̱ka̱nc re li cꞌaꞌru quixcꞌam. Nabal li sununquil ban quixcꞌam ut nabal li oro. Ut quixcꞌam ajcuiꞌ nabal li terto̱quil pec. Nak quicuulac riqꞌuin laj Salomón quixye re li joꞌ qꞌuial li cuan saꞌ xchꞌo̱l nak tixye.

2 Reyes 8:9

Laj Hazael co̱ riqꞌuin laj Eliseo. Quixcꞌam chirix caꞌcꞌa̱l chi camello li yo̱queb chiri̱kanquil li cꞌaꞌak re ru cha̱bil li na-el Damasco re tixsi re li profeta. Laj Hazael quicuulac cuan cuiꞌ laj Eliseo ut quixye re: —Li rey Ben-adad li nacatxra joꞌ jun yucuaꞌbej, xinixtakla chixpatzꞌbal a̱cue ma ta̱numekꞌ li yajel li cuan cuiꞌ malaj ut incꞌaꞌ, chan.

Jueces 7:12

Eb laj Madián ut eb laj Amalec ut eb li queꞌchal saꞌ li oriente chanchaneb jun tu̱b chi aj sa̱cꞌ saꞌ li ru takꞌa xban nak kꞌaxal nabaleb. Nabaleb lix camellos. Chanchan xqꞌuial li samaib li cuan chire li palau.

Génesis 25:13

Aꞌaneb aꞌin lix cꞌabaꞌeb li ralal xcꞌajol laj Ismael. Li xbe̱n, aꞌan laj Nebaiot. Chirix chic aꞌan queꞌcuan laj Cedar, laj Adbeel ut laj Mibsam,

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.

Ezequiel 27:22

Eb laj Sabá ut eb laj Raama queꞌyacoc ajcuiꞌ e̱riqꞌuin. Queꞌxjal li cꞌaꞌru e̱re riqꞌuin li sununquil ban, li cha̱bil pec terto xtzꞌak, ut li oro.

Sofonías 3:10

Toj jun pacꞌal li nimaꞌ li cuan Etiopía teꞌcha̱lk chak lin tenamit, li queꞌisi̱c saꞌ lix tenamiteb. Ut teꞌxqꞌue cuiꞌchic inlokꞌal ut teꞌxqꞌue cuiꞌchic xmayej chicuu.

Zacarías 14:16

Ut li joꞌ qꞌuial chic li teꞌcolekꞌ nak teꞌpletik riqꞌuineb laj Jerusalén, rajlal chihab teꞌxic aran Jerusalén chixlokꞌoninquil li tzꞌakal Rey, li nimajcual Dios. Ut aran teꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Ka̱cuaꞌ nak queꞌcoleꞌ.

Deuteronomio 32:43

La̱ex li xni̱nkal ru tenamit, te̱qꞌue xlokꞌal lix tenamit li Ka̱cuaꞌ xban nak li Ka̱cuaꞌ tixsach ruheb li xicꞌ nequeꞌiloc reheb. Li Ka̱cuaꞌ tixqꞌue re̱kaj reheb li queꞌcamsin reheb lix tenamit, abanan tixcuy xma̱queb lix tenamit ut ta̱risi li ma̱usilal saꞌ lix naꞌajeb.

1 Crónicas 1:33

Eb li ralal laj Madián, aꞌaneb aꞌin: laj Efa, laj Efer, laj Hanoc, laj Abida ut laj Elda. Chixjunileb aꞌan li ralal xcꞌajol lix Cetura.

Salmos 67:4

Cheꞌsahokꞌ ta saꞌ xchꞌo̱leb chixjunileb li tenamit, ut cheꞌbicha̱nk ta xban xsahileb saꞌ xchꞌo̱l xban nak saꞌ ti̱quilal nacatrakoc a̱tin saꞌ xbe̱neb ut saꞌ xya̱lal nacaberesiheb chixjunileb li cuanqueb saꞌ ruchichꞌochꞌ.