Isaías 60:5 - Li Santil hu

⁵ Cꞌajoꞌak xsahil saꞌ e̱chꞌo̱l nak te̱ril nak yo̱keb chi cha̱lc nabal chi tenamit li cuanqueb chak jun pacꞌal li palau. Ut teꞌxcꞌam chak lix biomaleb li xni̱nkal ru tenamit nak teꞌcha̱lk e̱riqꞌuin.

Q'eqchi Bible

⁵ Naq taawileb' ru, k'ajo' naq taasaho'q laach'ool, kaw tentotq ut k'ojk'ooq laawaanm, xb'aan naq te'xk'am chaq li xb'ihomaleb' li tenamit wankeb' chaq chire li palaw, ut te'xq'axtesi aawe li xsahil eechej eb' li poyanam.

Isaías 60:5 ပူးပေါင်းရင်းမြစ်များ

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Isaías 23:18

Abanan li tumin li teꞌxcꞌul ta̱kꞌaxtesi̱k re li Ka̱cuaꞌ. Incꞌaꞌ chic teꞌxxoc chokꞌ reheb laj Tiro. Ta̱cꞌanjelak ban chiruheb li nequeꞌlokꞌonin re li Ka̱cuaꞌ re nak ta̱cua̱nk xcua rucꞌaheb ut ta̱cua̱nk ajcuiꞌ li rakꞌeb.

Hechos 11:17

Joꞌcan ut nak cui li Dios quixqꞌue li Santil Musikꞌej reheb aꞌan joꞌ nak quixqꞌue ke la̱o li xopa̱ban re li Jesucristo, ¿anihin ta biꞌ la̱in nak tinram chiru li Dios li cꞌaꞌru ta̱raj xba̱nunquil? chan laj Pedro.

Hechos 10:45

Eb laj pa̱banel aj judío, li queꞌchal chirix laj Pedro, queꞌsach xchꞌo̱l chirilbal nak li Dios quixqꞌue li Santil Musikꞌej reheb li ma̱cuaꞌeb aj judío. Gentiles nayeman ajcuiꞌ reheb.

1 Samuel 2:1

Lix Ana quitijoc chiru li Dios ut quixye chi joꞌcaꞌin: —At Ka̱cuaꞌ, la̱in nasahoꞌ saꞌ inchꞌo̱l a̱cuiqꞌuin xban nak la̱at nacaqꞌue incacuilal re nak naru ninsumeheb li xicꞌ nequeꞌiloc cue. Cꞌajoꞌ xsahil inchꞌo̱l xban nak la̱at xattenkꞌan cue, chan lix Ana saꞌ lix tij.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

Romanos 11:25

Ex herma̱n, nacuaj nak te̱nau jun li naꞌleb mukmu nak quicuan, li quicꞌutbesi̱c chak xya̱lal chicuu. Cui te̱nau aꞌin incꞌaꞌ te̱nimobresi e̱rib riqꞌuin xcꞌoxlanquil nak cuan e̱naꞌleb. Eb laj judío li incꞌaꞌ queꞌpa̱ban queꞌcacuubresi̱c lix chꞌo̱leb. Abanan eb aꞌan teꞌpa̱ba̱nk ajcuiꞌ nak talajeꞌpa̱ba̱nk lix qꞌuialeb li ma̱cuaꞌeb aj judío.

Hechos 24:17

Qꞌuila chihab ma̱ anihin saꞌ lin tenamit Jerusalén. Joꞌcan nak xinsukꞌi chi mayejac chiru li Dios ut re xqꞌuebal caꞌchꞌinak lix tenkꞌanquileb li nebaꞌ li cuanqueb aran.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Isaías 60:11

Incꞌaꞌ chic ta̱tzꞌapma̱nk li oqueba̱l re le̱ tenamit. Junelic teto̱k chi kꞌek chi cutan, re nak eb li tenamit teꞌxcꞌam chak chokꞌ e̱re lix biomaleb. Eb lix reyeb li jalan xtenamiteb teꞌcꞌamekꞌ chak e̱riqꞌuin.

Isaías 54:2

Chenimobresiheb le̱ muheba̱l li nequexcuan cuiꞌ. Nimak rok le̱ cꞌa̱m li nachapoc re li muheba̱l ut qꞌuehomakeb xcacuub li cheꞌ li nequeꞌchapoc re li cꞌa̱m saꞌ chꞌochꞌ.

Salmos 34:5

Li queꞌxtzꞌa̱ma xtenkꞌanquil riqꞌuin li Ka̱cuaꞌ, queꞌsahoꞌ saꞌ xchꞌo̱leb xban nak quiqꞌueheꞌ reheb li cꞌaꞌru queꞌxtzꞌa̱ma.

Apocalipsis 21:26

Eb li queꞌcuan xlokꞌal saꞌ ruchichꞌochꞌ teꞌxqꞌue xlokꞌal li tenamit.

2 Corintios 10:15

Incꞌaꞌ ninnimobresi cuib riqꞌuin li cꞌanjel li nequeꞌxba̱nu li jun chꞌol chic. La̱in nacuaj raj nak texqꞌui̱k saꞌ le̱ pa̱ba̱l re nak tine̱tenkꞌa chixyebal resil li colba-ib yalak bar. Abanan incꞌaꞌ tinxic bar moco qꞌuebil ta cue re tinxic.

Apocalipsis 21:24

Eb li xni̱nkal ru tenamit li teꞌcolekꞌ, teꞌcua̱nk saꞌ cutan saken. Ut eb li queꞌcuan xlokꞌal saꞌ ruchichꞌochꞌ, eb aꞌan teꞌxqꞌue xlokꞌal li tenamit.

Deuteronomio 33:19

Teꞌxbokeb li tenamit saꞌ eb li tzu̱l ut aran teꞌmayejak saꞌ ti̱quilal. Teꞌxtau lix biomaleb saꞌ eb li palau ut saꞌ li samaib li cuan chire li palau.

Salmos 119:32

Tinqꞌue inchꞌo̱l chixba̱nunquil li cꞌaꞌru naxye la̱ chakꞌrab xban nak la̱at nacacꞌut chicuu lix ya̱lal.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

San Mateo 25:16

Ut li mo̱s li quicꞌuluc re li o̱b mil pe̱s, qui-oc chi yacoc chiru ut quire̱chani o̱b mil pe̱s chic saꞌ xbe̱n li quixcꞌul.