Isaías 60:3 - Li Santil hu

³ Eb li jalan tenamit ut eb li rey teꞌcha̱lk e̱riqꞌuin chixsicꞌbal li cutan saken. Ut teꞌril le̱ lokꞌal.

Q'eqchi Bible

³ Eb' li tenamit te'chalq sa' laasaqenkil ut eb' li awab'ej te'b'eeq sa' xlemtz'unkil laaloq'al.

Isaías 60:3 ပူးပေါင်းရင်းမြစ်များ

Hechos 13:47

Tento takaye xban nak joꞌcan coxtakla cuiꞌ chak li Ka̱cuaꞌ Dios nak quixye: Xatinxakab re ta̱chꞌolob xya̱lal chiruheb li ma̱cuaꞌeb aj judío ut ta̱ye resil li colba-ib jun sut saꞌ ruchichꞌochꞌ.— (Isa. 49:6)

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Apocalipsis 21:24

Eb li xni̱nkal ru tenamit li teꞌcolekꞌ, teꞌcua̱nk saꞌ cutan saken. Ut eb li queꞌcuan xlokꞌal saꞌ ruchichꞌochꞌ, eb aꞌan teꞌxqꞌue xlokꞌal li tenamit.

San Juan 12:32

Ut nak tinqꞌuehekꞌ la̱in chiru cruz, nabaleb teꞌpa̱ba̱nk cue, chan.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Hechos 15:17

re nak tineꞌxpa̱b li ma̱cuaꞌeb aj judío. Tineꞌxpa̱b chixjunileb li sicꞌbileb ru inban chokꞌ cualal incꞌajol, chan li Ka̱cuaꞌ Dios.

Zacarías 2:11

Saꞌ eb li cutan aꞌan nabalakeb li tenamit teꞌpa̱ba̱nk re li Ka̱cuaꞌ. Ut aꞌan tixye: —Aꞌanakeb ajcuiꞌ lin tenamit. Ut la̱in tincua̱nk riqꞌuineb, chaꞌak li Ka̱cuaꞌ. Ut la̱ex te̱nau nak li nimajcual Dios, aꞌan li quitaklan chak cue.

Isaías 49:12

Cuan li teꞌcha̱lk chak saꞌ najtil tenamit. Teꞌcha̱lk saꞌ li norte ut saꞌ li oeste ut teꞌcha̱lk ajcuiꞌ saꞌ li naꞌajej Sinim.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Salmos 138:4

Chixjunileb li rey li cuanqueb saꞌ ruchichꞌochꞌ teꞌxqꞌue a̱lokꞌal xban nak teꞌrabi li cꞌaꞌru xayechiꞌi ke.

Salmos 68:29

Toj saꞌ la̱ templo li ta̱cua̱nk Jerusalén teꞌxic li rey chixqꞌuebal lix mayej cha̱cuu.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

San Mateo 28:19

Joꞌcan utan texxic saꞌ chixjunil li ruchichꞌochꞌ ut te̱chꞌolob lix ya̱lal chiruheb chixjunileb li tenamit re nak teꞌpa̱ba̱nk. Te̱cubsiheb xhaꞌ saꞌ xcꞌabaꞌ li Dios Acuabej, saꞌ xcꞌabaꞌ li Dios Cꞌajolbej ut saꞌ xcꞌabaꞌ li Dios Santil Musikꞌej.

Amós 9:12

Ut eb lin tenamit Israel teꞌnumta̱k cuiꞌchic saꞌ xbe̱neb laj Edom. Ut teꞌre̱chani cuiꞌchic li naꞌajej li ac qꞌuebil reheb junxil inban la̱in, chan li Ka̱cuaꞌ. Ut li Ka̱cuaꞌ li quiyehoc re aꞌin, aꞌan li ta̱ba̱nu̱nk re.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Isaías 60:10

Li Ka̱cuaꞌ quixye reheb li cuanqueb Jerusalén: —Eb li jalaneb xtenamit teꞌxyi̱b cuiꞌchic li tzꞌac li sutsu cuiꞌ le̱ tenamit. Eb lix reyeb teꞌcꞌanjelak che̱ru. Nak yo̱ injoskꞌil la̱in quexinqꞌue chixtojbal e̱ma̱c. Abanan anakcuan xban nak xcuil xtokꞌoba̱l e̱re, xcuuxta̱na cuiꞌchic e̱ru.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Salmos 22:27

Chixjunileb li tenamit jun sut rubel choxa teꞌjulticokꞌ li Dios reheb ut teꞌxcuikꞌib ribeb chiru. Saꞌ chixjunil li ruchichꞌochꞌ aꞌ yal bar xtenamit teꞌxlokꞌoni li Ka̱cuaꞌ.

Salmos 2:10

Anakcuan ut ex rey, checꞌoxla li cꞌaꞌru te̱ba̱nu ut qꞌuehomak retal li naꞌleb aꞌin, la̱ex li cuan e̱cuanquil saꞌ ruchichꞌochꞌ.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Salmos 102:22

Teꞌxchꞌutub ribeb aran Jerusalén eb li jalaneb xtenamit rochbeneb lix rey ut junajakeb xchꞌo̱l nak teꞌxqꞌue xlokꞌal li nimajcual Dios.

Isaías 42:6

La̱in li Ka̱cuaꞌ li nimajcual Dios. La̱in xinsicꞌoc a̱cuu. La̱in xinqꞌuehoc re la̱ cuanquilal re nak ta̱xakab li ti̱quilal saꞌ ruchichꞌochꞌ. Saꞌ a̱cꞌabaꞌ la̱at la̱in tinba̱nu li contrato riqꞌuineb li tenamit. Ut la̱at tatcutanobresi̱nk re lix cꞌaꞌuxeb li tenamit li ma̱cuaꞌeb aj judío.

Isaías 45:22

Cha̱lkex cuiqꞌuin re nak texcolekꞌ che̱junilex li cuanquex saꞌ ruchichꞌochꞌ xban nak la̱in li tzꞌakal Dios ut ma̱cꞌaꞌ chic junak dios. Caꞌaj cuiꞌ la̱in.

Isaías 56:8

Li Ka̱cuaꞌ Dios li nachꞌutuban reheb laj Israel li cuanqueb chak yalak bar saꞌ eb li tenamit ut naxcꞌameb cuiꞌchic saꞌ xtenamiteb naxye chi joꞌcaꞌin: —Toj cuanqueb ajcuiꞌ li tincꞌameb chi cua̱nc saꞌ xya̱nkeb laj Israel.—

Isaías 62:2

Eb li xni̱nkal ru tenamit teꞌxqꞌue retal lix ti̱quilal xchꞌo̱leb ut eb li rey teꞌxqꞌue retal lix lokꞌaleb. Ut li Ka̱cuaꞌ tixqꞌue jun acꞌ cꞌabaꞌej chokꞌ xcꞌabaꞌeb.

Salmos 102:16

Nak li Ka̱cuaꞌ tixyi̱b cuiꞌchic lix tenamit Sión, tixcꞌutbesi lix lokꞌal chiruheb.