Isaías 60:12 - Li Santil hu

¹² Teꞌsachekꞌ ruheb li tenamit ut eb lix rey li incꞌaꞌ teꞌcꞌanjelak che̱ru. Teꞌsachekꞌ chi junaj cua.

Q'eqchi Bible

¹² Li tenamit ut li awab'ejihom li ink'a' naraj k'anjelak chawu, te'sache'q ut te'oso'q chi junwaakaj.

Isaías 60:12 ပူးပေါင်းရင်းမြစ်များ

Isaías 54:15

Cui ani ta̱pletik e̱riqꞌuin ma̱cuaꞌ xban nak la̱in xinqꞌue xlese̱ns. Eb aꞌan incꞌaꞌ teꞌnumta̱k saꞌ e̱be̱n. La̱ex ban texnumta̱k saꞌ xbe̱neb.

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Isaías 41:11

Chixjunileb li nequeꞌjoskꞌoꞌ e̱riqꞌuin teꞌcꞌutekꞌ xxuta̱n. Ut eb li nequeꞌxyal e̱tꞌanbal teꞌsachekꞌ xcuanquil ut teꞌsachekꞌ ruheb. Chanchan nak incꞌaꞌ queꞌcuan saꞌ ruchichꞌochꞌ.

Isaías 14:2

Eb li jalaneb xtenamiteb teꞌxtenkꞌaheb laj Israel chi sukꞌi̱c saꞌ lix naꞌajeb. Nak cuanqueb chic aran, eb li jalaneb xtenamiteb teꞌcꞌanjelak chiruheb laj Israel joꞌ mo̱s saꞌ li naꞌajej li quiqꞌueheꞌ reheb xban li Ka̱cuaꞌ. Eb li queꞌnumta saꞌ xbe̱neb laj Israel junxil, aꞌan eb chic li teꞌchapekꞌ ut teꞌcꞌanjelak chiruheb laj Israel. Eb laj Israel chic teꞌtakla̱nk saꞌ xbe̱neb li queꞌrahobtesin reheb junxil.

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

San Mateo 21:44

Li ani ta̱tꞌanekꞌ saꞌ xbe̱n li pec aꞌin tixtochꞌi rib. Ut cui ani saꞌ aj be̱n ta̱tꞌanekꞌ li pec aꞌin, xujinbil ta̱cana̱k, chan li Jesús.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Salmos 108:13

Li Dios ta̱tenkꞌa̱nk ke chi numta̱c saꞌ xbe̱neb li xicꞌ nequeꞌiloc ke ut aꞌan ajcuiꞌ ta̱isi̱nk xcuanquileb.

Jeremías 12:17

Abanan cui incꞌaꞌ teꞌabi̱nk chicuu la̱in tincuisiheb chi junaj cua saꞌ lix naꞌajeb ut tinsach ruheb, chan li Ka̱cuaꞌ.

Daniel 2:34

Nak yo̱cat chirilbal li jalam u̱ch, jun li pec qui-el saꞌ li u̱l chi ma̱ ani quicutuc re. Ut li pec toj chiru li rok li jalam u̱ch coxnak ut quimuchꞌeꞌ li rok xban.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Daniel 7:27

Ut chixjunil li cuanquilal ta̱qꞌuehekꞌ reheb li ralal xcꞌajol li Dios ut aꞌanakeb chic cua̱nkeb xcuanquil chi junelic saꞌ xbe̱neb chixjunileb li cuanqueb xcuanquil jun sut rubel choxa. Ut li cuanqueb xcuanquil saꞌ ruchichꞌochꞌ teꞌcꞌanjelak ut teꞌpa̱ba̱nk chiruheb, chan cue.

Zacarías 9:10

Chixjunil li nacꞌanjelac re pletic tixsach ru. Lix carruaje laj Efraín tixsach ruheb joꞌ ajcuiꞌ lix cacua̱yeb laj Jerusalén. Ut tixtoki ajcuiꞌ lix tzimajeb. Tixqꞌueheb li tenamit chi cua̱nc saꞌ tuktu̱quil usilal. Ut aꞌan chic cua̱nk xcuanquil saꞌ xbe̱neb chixjunileb li naꞌajej li naticla cuan cuiꞌ li palau Mar Muerto ut nacuulac toj cuan cuiꞌ li palau Mediterráneo xcꞌabaꞌ. Ut aꞌan ajcuiꞌ cua̱nk xcuanquil saꞌ chixjunil li ruchichꞌochꞌ.