Isaías 6:8 - Li Santil hu

⁸ Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

Q'eqchi Bible

⁸ Ut kiwab'i li Qaawa' yo chaq chi xyeeb'al: “Ani tintaqla? Ani taaxik sa' qak'ab'a' laa'o?”. Laa'in kinye: “Waaye'in arin, at Qaawa'. Taqlahin laa'in”.

Isaías 6:8 ပူးပေါင်းရင်းမြစ်များ

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

Hechos 22:21

Ut li Ka̱cuaꞌ quixye cue, “Ayu xban nak la̱in tatintakla chi najt saꞌ xya̱nkeb li ma̱cuaꞌeb aj judío,” chan cue, chan laj Pablo.

Isaías 65:1

Li Ka̱cuaꞌ quixye: —Eb li tenamit li incꞌaꞌ nequeꞌxcꞌoxla insicꞌbal xineꞌxtau. Eb li tenamit li incꞌaꞌ queꞌtzꞌa̱man chicuu xineꞌxtau. Ut la̱in quinye “cueꞌquin” reheb li tenamit li ma̱ jun sut queꞌxya̱ba lin cꞌabaꞌ.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Génesis 1:26

Ut quixye ajcuiꞌ li Dios: —Kayoꞌobtesihak li cui̱nk joꞌ li kiloba̱l la̱o. Ut aꞌan ta̱cua̱nk xcuanquil saꞌ xbe̱neb chixjunileb li xul li cuanqueb saꞌ ruchichꞌochꞌ, joꞌ li car saꞌ li palau ut li xul li nequeꞌrupupic chiru choxa. Ut ta̱cua̱nk xcuanquil saꞌ xbe̱neb li queto̱mk ut li xul li cuanqueb saꞌ pim, joꞌ ajcuiꞌ saꞌ xbe̱n chixjunileb li xul li nequeꞌxjucuqui rib saꞌ chꞌochꞌ, chan li Dios.

Génesis 11:7

Joꞌcan ut tocubek ut takajal li ra̱tinoba̱leb re nak incꞌaꞌ teꞌxtau ru li cꞌaꞌru teꞌxye chi ribileb rib, chan li Dios.

Ezequiel 1:24

Ut quicuabi lix ya̱b lix xiqꞌueb nak yo̱queb chi be̱c chanchan nak na-ecꞌan xya̱b rok li haꞌ, malaj ut chanchan xya̱b xcux li nimajcual Dios, malaj ut chanchan xya̱beb li qꞌuila tenamit, malaj ut chanchan xya̱b li jun tu̱b chi soldados. Ut nak nequeꞌxakli, nequeꞌxcubsi lix xiqꞌueb.

1 Reyes 22:20

Li Ka̱cuaꞌ quixye, “Cuan ta junak ta̱xic chixbalakꞌinquil laj Acab re nak ta̱xic Ramot xcue̱nt Galaad re ta̱camsi̱k”, chan. Cuanqueb li ángel queꞌxye jun naꞌleb ut cuanqueb li queꞌxye jalan.

Ezequiel 10:5

Lix ya̱b lix xiqꞌueb li querubines qui-abi̱c toj saꞌ li neba̱l li cuan chak toj chirix li templo. Chanchan nak yo̱ chi a̱tinac li nimajcual Dios.

Génesis 3:22

Quixye li Ka̱cuaꞌ Dios: —Anakcuan li cui̱nk juntakꞌe̱t chic kiqꞌuin la̱o. Naxnau chic li us ut li incꞌaꞌ us. Tento takisi saꞌ li naꞌajej Edén re nak incꞌaꞌ tixsicꞌ ut tixlou ru li cheꞌ li naqꞌuehoc junelic yuꞌam, ut ta̱cua̱nk lix yuꞌam chi junelic, chan.

Hechos 9:4

Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

Hechos 26:19

Joꞌcan ut nak incꞌaꞌ xinkꞌetkꞌeti cuib chiru li quixcꞌutbesi rib chicuu li quichal chak saꞌ choxa, at rey Agripa.

1 Samuel 3:4

Li Ka̱cuaꞌ Dios quixye: —At Samuel.— Quichakꞌoc laj Samuel ut quixye: —Cueꞌquin, chan.

Ezequiel 9:1

Chanchan matqꞌuenbil quinba̱nu nak quicuabi li Ka̱cuaꞌ nak quixye chi cau xya̱b xcux: —Xeꞌchal li teꞌqꞌuehok re li tenamit chixtojbal rix lix ma̱queb. Xeꞌchal chi cuan chak lix chꞌi̱chꞌeb re camsi̱nc saꞌ rukꞌeb, chan.

Génesis 22:1

Mokon chic li Dios quixyal rix lix pa̱ba̱l laj Abraham. Li Dios quixye re: —Abraham.— Ut aꞌan quixye: —Cueꞌquin, Ka̱cuaꞌ.—

Génesis 22:11

Tojoꞌnak jun lix ángel li Ka̱cuaꞌ Dios quia̱tinac chak saꞌ choxa ut quixye re laj Abraham: —¡Abraham! ¡Abraham!— Ut laj Abraham quichakꞌoc ut quixye re: —Arin cuanquin, chan.

2 Samuel 1:7

Quixsukꞌisi rib laj Saúl chicuilbal ut quixye cue, “Quim arin.” Ut la̱in co̱in riqꞌuin ut quinye re, “Cueꞌquin. ¿Cꞌaꞌru ta̱cuaj tinba̱nu?” chanquin re.