Isaías 6:6 - Li Santil hu

⁶ Ut quicuil nak quixicꞌan chak jun reheb li serafines. Coxchap chak li ru xam lochlo xxamlel saꞌ li artal riqꞌuin jun li chapleb chꞌi̱chꞌ ut quixcꞌam chak cuanquin cuiꞌ.

Q'eqchi Bible

⁶ Toja' naq jun reheb' li ánjel kichalk wankin wi', ut kixk'am chaq li ru xam li kixxok chaq sa' li artal rik'in jun li chapleb' ch'iich'.

Isaías 6:6 ပူးပေါင်းရင်းမြစ်များ

Ezequiel 10:2

Ut li Ka̱cuaꞌ quixye re li cui̱nk li lino rakꞌ: —Tat-oc saꞌ xya̱nkeb li ruedas li cuanqueb rubeleb li querubines. Riqꞌuin la̱ cuukꞌ ta̱chap li ru xam li yo̱ xxamlel. Ut ta̱paji li ru xam saꞌ xbe̱n li tenamit, chan. Ut la̱in yo̱quin chirilbal nak qui-oc li cui̱nk saꞌ xya̱nkeb li ruedas.

Hebreos 13:10

La̱o cuan jun ka-artal. Aꞌan nak quixmayeja rib li Ka̱cuaꞌ Jesucristo chiru li cruz. Eb laj tij incꞌaꞌ naru teꞌxtzaca li mayej aꞌan joꞌ queꞌxba̱nu chak najter saꞌ li tabernáculo nak queꞌxmayeja li xul. (Naraj naxye nak li colba-ib incꞌaꞌ natauman riqꞌuin xba̱nunquil li chakꞌrab. Natauman ban riqꞌuin xpa̱banquil li Cristo.)

Hebreos 1:7

Quixye cuiꞌchic li Dios chirixeb li ángel: Xinyi̱beb lin ángel chanchaneb li ikꞌ ut chanchaneb ajcuiꞌ li rakꞌ xam nak nequeꞌcꞌanjelac chicuu. (Sal. 104:4)

Isaías 6:2

Ut saꞌ xbe̱n cuanqueb li serafines, chanchaneb li ángel. Cuakitk xxiqꞌueb li junju̱nk; cuib lix xiqꞌueb nequeꞌxtzꞌap cuiꞌ li ruheb, cuib nequeꞌxtzꞌap cuiꞌ li rokeb ut cuib nequeꞌxicꞌan cuiꞌ.

Levítico 16:12

Tixchap li ru xam saꞌ lix artal li Ka̱cuaꞌ ut tixqꞌue saꞌ lix sansar. Tixchap cuib mo̱chꞌ li queꞌbil incienso li sunu̱nc ut tixcꞌam saꞌ rukꞌ nak ta̱xic jun pacꞌal li nimla tꞌicr saꞌ li naꞌajej li cuan cuiꞌ li Lokꞌlaj Ca̱x.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

Hechos 2:3

Queꞌril li chanchan rakꞌ xam. Li rakꞌ xam queꞌxjeqꞌui rib ut queꞌhilan saꞌ xbe̱neb chi xjunju̱nkaleb.

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Números 16:46

Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Éxodo 25:38

Te̱yi̱b ajcuiꞌ riqꞌuin tzꞌakal oro li chꞌi̱chꞌ li ta̱cꞌanjelak re xsetbal lix mechil ut joꞌ ajcuiꞌ li plato li naxocman cuiꞌ li te̱set saꞌ lix mechil.

Jeremías 1:9

Ut li Ka̱cuaꞌ Dios quixqꞌue li rukꞌ saꞌ xtzꞌu̱mal cue ut quixye cue: —Anakcuan ac xinqꞌue li cua̱tin saꞌ xtzꞌu̱mal a̱cue.