Isaías 6:3 - Li Santil hu

³ Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Q'eqchi Bible

³ Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Isaías 6:3 ပူးပေါင်းရင်းမြစ်များ

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Esdras 3:11

Yo̱queb chi bicha̱nc ut yo̱queb chi lokꞌoni̱nc. Yo̱queb chi bantioxi̱nc chiru li Ka̱cuaꞌ ut yo̱queb chixyebal: —Kꞌaxal cha̱bil li Ka̱cuaꞌ. Junelic naruxta̱na ruheb laj Israel, chanqueb. Ut chixjunileb li tenamit yo̱queb chixjapbal reheb xban xsahil xchꞌo̱leb ut yo̱queb chixlokꞌoninquil li Ka̱cuaꞌ xban nak queꞌxqꞌue li cimiento li ta̱cu̱tu̱nk re li rochoch li Dios.

Números 14:21

Relic chi ya̱l tinye a̱cue nak la̱in yoꞌyo̱quin ut saꞌ xcꞌabaꞌ lin lokꞌal li naqꞌueheꞌ saꞌ ruchichꞌochꞌ,

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Isaías 40:5

Ut tixcꞌutbesi lix lokꞌal li Ka̱cuaꞌ. Ut chixjunileb li cuanqueb saꞌ ruchichꞌochꞌ teꞌril lix lokꞌal. Li Ka̱cuaꞌ, aꞌan li quiyehoc re aꞌin.

Isaías 24:16

Yalak bar saꞌ ruchichꞌochꞌ takabi nak yo̱keb chixbichanquil xlokꞌal li Ka̱cuaꞌ ut teꞌxye: —Lokꞌoninbil taxak li Ka̱cuaꞌ li ti̱c xchꞌo̱l.— Abanan la̱in ma̱cꞌaꞌ naru ninye xban nak li tenamit toj yo̱keb ajcuiꞌ chi balakꞌi̱nc ut numtajenak li ma̱usil nequeꞌxba̱nu.

Salmos 57:11

Nimanbilak taxak a̱cuu saꞌ choxa, at Ka̱cuaꞌ, ut chicꞌutu̱nk taxak la̱ lokꞌal saꞌ chixjunil li ruchichꞌochꞌ.

Efesios 1:18

Nintzꞌa̱ma chiru li Dios nak tixqꞌue e̱naꞌleb re nak te̱tau ru cꞌaꞌru le̱ lokꞌlaj ma̱tan li yo̱quex chiroybeninquil xban nak sicꞌbil e̱ru xban li Dios. Te̱cꞌul le̱ ma̱tan e̱rochbeneb chixjunileb laj pa̱banel.

Habacuc 2:14

Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ.

Salmos 90:16

Ta̱cꞌutbesi taxak la̱ cuanquil chiku la̱o laj cꞌanjel cha̱cuu. Takil taxak la̱ lokꞌal joꞌqueb ajcuiꞌ li kalal kacꞌajol.

Salmos 97:6

Li choxa naxcꞌutbesi lix ti̱quilal li Ka̱cuaꞌ ut chixjunileb li tenamit nequeꞌril lix lokꞌal.

Salmos 99:3

Cheꞌxqꞌue taxak xlokꞌal lix cꞌabaꞌ ut cheꞌxxucua taxak ru xban nak aꞌan santo.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Ezequiel 43:2

Ut quicuil lix lokꞌal li Ka̱cuaꞌ lix Dioseb laj Israel li yo̱ chak chi cha̱lc saꞌ li este. Quicuabi jun li choki̱nc chanchan nak na-ecꞌan li nimaꞌ. Ut li ruchichꞌochꞌ quisakenoꞌ xban lix lokꞌal li Dios.

Ezequiel 44:4

Ut li cui̱nk quinrocsi saꞌ li oqueba̱l li cuan saꞌ li norte ut quinixcꞌam chiru li templo. La̱in quicuil nak li templo quinujac riqꞌuin xlokꞌal li Ka̱cuaꞌ. Ut la̱in quinhupub cuib saꞌ chꞌochꞌ.

Salmos 8:2

Eb li cocꞌal ut eb li cꞌulaꞌal nequeꞌxqꞌue a̱lokꞌal. Nequeꞌxcꞌut la̱ cuanquilal ut xbaneb aꞌan, teꞌcꞌutekꞌ xxuta̱neb li xicꞌ nequeꞌiloc a̱cue ut mem teꞌcana̱k.

Salmos 66:2

Chebicha xlokꞌal lix cꞌabaꞌ ut chenima̱k ru.

Salmos 99:9

Chelokꞌonihak li Ka̱cuaꞌ li kaDios. Cheqꞌuehak xlokꞌal saꞌ li tzu̱l Sión lix santil naꞌaj xban nak li Ka̱cuaꞌ li kaDios, aꞌan santo.