Isaías 6:2 - Li Santil hu

² Ut saꞌ xbe̱n cuanqueb li serafines, chanchaneb li ángel. Cuakitk xxiqꞌueb li junju̱nk; cuib lix xiqꞌueb nequeꞌxtzꞌap cuiꞌ li ruheb, cuib nequeꞌxtzꞌap cuiꞌ li rokeb ut cuib nequeꞌxicꞌan cuiꞌ.

Q'eqchi Bible

² Ut sa' xb'een A'an xaqxookeb' wiib' chi ánjel sutsuukeb' xb'aan li xam; li junjunq wank waqitq xxik': junq sumal li xxik' neke'xtz'ap wi' li xnaq' ruheb', junq sumal tz'aptz'ookeb' wi' li roqeb' ut li junq sumal chik a'an neke'rupupik wi'.

Isaías 6:2 ပူးပေါင်းရင်းမြစ်များ

Apocalipsis 4:8

Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal: Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.

Ezequiel 1:11

Ut helho ruheb lix xiqꞌueb saꞌ xbe̱neb chi xju̱nkaleb. Cuib lix xiqꞌueb nequeꞌxcꞌul ribeb ut riqꞌuin li cuib chic nequeꞌxtzꞌap rib.

Salmos 104:4

Cayi̱b li ikꞌ chokꞌ a̱takl. Ut cayi̱b li rakꞌ ca̱k re ta̱cꞌanjelak cha̱cuu.

Salmos 103:20

Chelokꞌoni li Ka̱cuaꞌ la̱ex ángeles, li cau e̱rib. La̱ex li nequeqꞌue xlokꞌal li ra̱tin li Ka̱cuaꞌ ut nequeba̱nu li cꞌaꞌru naxye.

Isaías 6:6

Ut quicuil nak quixicꞌan chak jun reheb li serafines. Coxchap chak li ru xam lochlo xxamlel saꞌ li artal riqꞌuin jun li chapleb chꞌi̱chꞌ ut quixcꞌam chak cuanquin cuiꞌ.

Salmos 18:10

Chirix jun li querubín quicube chak saꞌ ruchichꞌochꞌ li Ka̱cuaꞌ. Quichal chi junpa̱t chintenkꞌanquil. Chanchan li ikꞌ quicubsin chak re.

1 Reyes 6:24

Juntakꞌe̱t xni̱nkal lix xiqꞌueb. Cuib metro riqꞌuin o̱b xcaꞌcꞌa̱l centímetro xni̱nkal li junju̱nk. Ca̱hib metro riqꞌuin media xnimal ru chi xcabichal li xicꞌ.

Apocalipsis 14:6

Ut quicuil jun chic li ángel yo̱ chi rupupic chiru choxa. Yo̱ chixyebal jun esilal li ma̱cꞌaꞌ rosoꞌjic reheb chixjunileb li cuanqueb saꞌ ruchichꞌochꞌ aꞌ yal ani xte̱paleb lix xeꞌto̱nil yucuaꞌeb, ut aꞌ yal bar xtenamiteb ut aꞌ yal chanru li ra̱tinoba̱leb.

Apocalipsis 8:13

Ut quicuil jun chanchan nimla cꞌuch yo̱ chi rupupic chiru choxa, ut yo̱ chixjapbal re chixyebal: —Cꞌajoꞌ li raylal, cꞌajoꞌ li raylal. Cꞌajoꞌ li raylal li ta̱cha̱lk saꞌ xbe̱neb li cuanqueb saꞌ ruchichꞌochꞌ nak teꞌya̱basi̱k li oxib chic chi trompeta xbaneb li oxib chi ángel, chan.

Apocalipsis 7:11

Ut chixjunileb li ángel li cuanqueb chi xjun sutam li lokꞌlaj cꞌojariba̱l ut li ca̱hib li chanchaneb ángel, joꞌqueb ajcuiꞌ li ca̱hib xcaꞌcꞌa̱l li cꞌojcꞌo̱queb aran, queꞌxcuikꞌib ribeb chiru li lokꞌlaj cꞌojariba̱l ut queꞌxlokꞌoni li Dios.

Daniel 7:10

Ut li xam chanchan jun li nimaꞌ yo̱ chi cꞌatc. Ut li qꞌuila okꞌob chi tenamit yo̱queb chi cꞌanjelac chiru ut cuan chic li qꞌuila okꞌob chi tenamit xakxo̱queb chiru. Ut laj rakol a̱tin quicꞌojla ut eb li hu queꞌteli.

Ezequiel 10:21

Chixju̱nkaleb cuanqueb ca̱hib li riloba̱leb ut ca̱hib lix xiqꞌueb. Ut rubeleb lix xicꞌ cuan rukꞌeb chanchan rukꞌ cui̱nk.

Ezequiel 1:24

Ut quicuabi lix ya̱b lix xiqꞌueb nak yo̱queb chi be̱c chanchan nak na-ecꞌan xya̱b rok li haꞌ, malaj ut chanchan xya̱b xcux li nimajcual Dios, malaj ut chanchan xya̱beb li qꞌuila tenamit, malaj ut chanchan xya̱b li jun tu̱b chi soldados. Ut nak nequeꞌxakli, nequeꞌxcubsi lix xiqꞌueb.

Ezequiel 1:9

Nequeꞌxcꞌul ribeb lix xiqꞌueb chi ribileb rib. Ut nak nequeꞌbe̱c incꞌaꞌ nequeꞌxic chirix. Ti̱c ban chiru nequeꞌxic.

Ezequiel 1:6

Chixju̱nkaleb cuanqueb ca̱hib li riloba̱l ut ca̱hib lix xiqꞌueb.

Li xHu LAJ JOB 15:15

Chi moco riqꞌuineb li ángel li cuanqueb saꞌ choxa naxcꞌojob xchꞌo̱l li Dios xban nak naxnau nak cuanqueb xpaltil.

Li xHu LAJ JOB 1:6

Quicuulac xkꞌehil nak queꞌxchꞌutub rib chiru li Dios eb li ángel. Ut saꞌ xya̱nkeb aꞌan quicuulac laj tza.

1 Reyes 22:19

Li profeta Micaías quixye ajcuiꞌ: —Qꞌuehomak retal li cꞌaꞌru quixcꞌutbesi chicuu li Ka̱cuaꞌ. Xcuil li Ka̱cuaꞌ cꞌojcꞌo saꞌ lix cꞌojariba̱l saꞌ choxa. Ut chixjunileb lix ángel xakxo̱queb chixcꞌatk. Cuanqueb saꞌ lix nim ukꞌ ut cuanqueb saꞌ lix tzꞌe.

1 Reyes 8:7

Eb li cuib chi querubines aꞌin helho̱queb lix xiqꞌueb saꞌ xbe̱n li Lokꞌlaj Ca̱x joꞌ ajcuiꞌ li cheꞌ li nequeꞌxpako cuiꞌ.

1 Reyes 6:27

Laj Salomón quixqꞌueheb li cuib chi querubines saꞌ li Lokꞌlaj Santil Naꞌajej. Lix xicꞌ li jun nocoxtau li tzꞌac jun pacꞌal. Joꞌcan cuiꞌchic li jun nocoxixtau li tzꞌac jun pacꞌal chic. Ut lix xiqꞌueb jun pacꞌal chic nequeꞌxcꞌul rib saꞌ xyi li Lokꞌlaj Santil Naꞌajej.

Éxodo 37:9

Eb li querubines queꞌxcaꞌya ribeb ut yo̱queb chi iloc saꞌ xbe̱n lix tzꞌapbal re li ca̱x. Lix xiqꞌueb queꞌxhel rib ut queꞌxtzꞌap xbe̱n li ca̱x.

Éxodo 25:20

Eb li querubines teꞌxcaꞌya ribeb ut yo̱keb chi iloc saꞌ xbe̱n lix tzꞌapbal re li ca̱x. Lix xiqꞌueb teꞌxhel rib ut teꞌxtzꞌap xbe̱n li ca̱x.

Salmos 89:7

Chixjunileb li santil ángel nequeꞌxqꞌue a̱lokꞌal xban nak kꞌaxal nim la̱ cuanquil. La̱at xucuanbil a̱cuu xbaneb chixjunileb li cuanqueb saꞌ choxa.

Li xHu LAJ JOB 4:18

Incꞌaꞌ, xban nak li Dios incꞌaꞌ naxcꞌojob xchꞌo̱l saꞌ xbe̱neb li ángel li cuanqueb saꞌ choxa, xban nak naxnau nak cuanqueb xpaltil.

1 Reyes 19:13

Laj Elías quixtzꞌap li xnakꞌ ru riqꞌuin li rakꞌ. Qui-el saꞌ li ochoch pec ut quixakli saꞌ li oqueba̱l. Quirabi xya̱b xcux li Dios nak quiyeheꞌ re: —At Elías, ¿cꞌaꞌru yo̱cat arin? chan.

Éxodo 3:6

Ut li Dios quixye ajcuiꞌ: —La̱in lix Dios la̱ xeꞌto̱nil yucuaꞌ. La̱in lix Dios laj Abraham, laj Isaac ut laj Jacob, chan. Laj Moisés quixucuac chirilbal li Dios ut quixmuk li ru.

Génesis 17:3

Laj Abram quicuikꞌla ut quixxulub lix jolom saꞌ chꞌochꞌ.

Hebreos 1:7

Quixye cuiꞌchic li Dios chirixeb li ángel: Xinyi̱beb lin ángel chanchaneb li ikꞌ ut chanchaneb ajcuiꞌ li rakꞌ xam nak nequeꞌcꞌanjelac chicuu. (Sal. 104:4)

San Lucas 1:10

Nak yo̱ chi cꞌatc li incienso chixjunileb li tenamit chꞌutchꞌu̱queb chirix cab ut yo̱queb chi tijoc.

Zacarías 3:4

Ut li ángel quia̱tinac riqꞌuineb li yo̱queb chi tenkꞌa̱nc re ut quixye reheb: —Isihomak li rakꞌ li tzꞌaj ru.— Ut quixye re laj Josué: —Anakcuan xcuisi la̱ cuakꞌ li tzꞌaj ru ut xinqꞌue li cha̱bil tꞌicr cha̱cuix. Aꞌan retalil nak cuybil sachbil chic la̱ ma̱c.—

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.

Ezequiel 10:16

Nak nequeꞌxic li querubines, nequeꞌxic ajcuiꞌ li ruedas. Nak eb li querubines nequeꞌxhel lix xiqꞌueb re nak teꞌcuacli̱k, eb li ruedas nequeꞌcuacli ajcuiꞌ.

Ezequiel 1:4

Quicuil nak yo̱ chak chi cha̱lc saꞌ li norte jun cacuil ikꞌ. Li ikꞌ aꞌan yo̱ chak chixcꞌambal jun li chok sutsu riqꞌuin xam ut nalemtzꞌun. Chanchan yo̱ chi repoc joꞌ nak narepoc li ca̱k. Ut saꞌ li chok nacꞌutun jun li xam ut saꞌ li xam cuan jun li nalemtzꞌun joꞌ li kꞌan chꞌi̱chꞌ bronce.

Nehemías 9:6

Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.