Isaías 6:10 - Li Santil hu

¹⁰ Ut quixye cuiꞌchic cue li Ka̱cuaꞌ: —A̱lobresi lix chꞌo̱leb li tenamit aꞌin re nak incꞌaꞌ teꞌxtau xya̱lal. Incꞌaꞌ saken cheꞌabi̱nk ut incꞌaꞌ saken cheꞌilok re nak incꞌaꞌ cheꞌilok riqꞌuin li ruheb ut incꞌaꞌ saken cheꞌabi̱nk riqꞌuin lix xiqꞌueb, chi moco lix chꞌo̱leb chixtau xya̱lal, chi moco teꞌsukꞌi̱k cuiqꞌuin re tebinqꞌuirtesi, chan.

Q'eqchi Bible

¹⁰ Kawub'resi li xch'ooleb' li tenamit a'in, chajipob'resi li xxikeb' ut chamutz' li ruheb'. Mare anchal te'iloq rik'ineb' li ru, te'ab'inq rik'ineb' li xxik, te'xtaw xyaalal sa' xch'ooleb' ut te'xjal xk'a'uxeb', ut laa'in teb'ink'irtasi”, chan.

Isaías 6:10 ပူးပေါင်းရင်းမြစ်များ

San Mateo 13:15

Li tenamit aꞌin xeꞌa̱loꞌ lix chꞌo̱leb ut chanchan tzꞌaptzꞌo lix xiqueb ut chanchaneb li mutzꞌ. Joꞌcan nak incꞌaꞌ nequeꞌxnau lix ya̱lal. Cui ta ma̱cuaꞌ joꞌcan, teꞌilok raj ut teꞌxqꞌue raj retal li teꞌril ut teꞌabi̱nk raj ut teꞌxtau raj ru li nequeꞌrabi ut teꞌyotꞌekꞌ raj xchꞌo̱l ut teꞌxjal raj xcꞌaꞌuxeb ut la̱in tebinqꞌuirtesi raj. (Isa. 6:9-10)

Hechos 28:27

Xban nak cacuubresinbil lix chꞌo̱leb li tenamit aꞌin, joꞌcan nak incꞌaꞌ teꞌxtau xya̱lal. Incꞌaꞌ saken teꞌabi̱nk ut incꞌaꞌ saken teꞌilok re nak incꞌaꞌ teꞌxtau xya̱lal li cꞌaꞌru teꞌril ut incꞌaꞌ teꞌxtau xya̱lal li teꞌrabi. Incꞌaꞌ teꞌxtau xya̱lal, chi moco teꞌxjal xcꞌaꞌux, chi moco tebinqꞌuirtesi, chan li Dios. (Isa. 6:9-10)

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Jeremías 6:10

La̱in quinye re li Ka̱cuaꞌ: —¿Aniheb li tincua̱tinaheb? ¿Aniheb li tinqꞌueheb xnaꞌleb? ¿Ma teꞌraj ta biꞌ rabinquil li cꞌaꞌru tinye reheb? Eb aꞌan chanchan tzꞌaptzꞌo̱queb xxic. Incꞌaꞌ nequeꞌraj rabinquil la̱ cua̱tin. Xuta̱nal chokꞌ reheb nak nequeꞌrabi.

Zacarías 7:11

Le̱ xeꞌto̱nil yucuaꞌ incꞌaꞌ queꞌraj xba̱nunquil li cꞌaꞌru quinye reheb. Queꞌxkꞌetkꞌeti ban ribeb. Incꞌaꞌ queꞌraj rabinquil li cua̱tin.—

Isaías 63:17

At Ka̱cuaꞌ, ¿cꞌaꞌut nak nocoa̱canab chixba̱nunquil li incꞌaꞌ us? ¿Cꞌaꞌut nak xacacuubresi kachꞌo̱l re nak incꞌaꞌ chic takaqꞌue a̱lokꞌal? Tatsukꞌi̱k ta cuiꞌchic kiqꞌuin, at Ka̱cuaꞌ, xban nak nacaraheb li nequeꞌcꞌanjelac cha̱cuu. Tatsukꞌi̱k taxak kiqꞌuin saꞌ xcꞌabaꞌeb lix te̱paleb laj Israel.

Isaías 29:10

Li Ka̱cuaꞌ xsach le̱ naꞌleb. Chanchan yo̱quex chi cua̱rc. Eb li profeta, aꞌaneb raj li nequeꞌqꞌuehoc xnaꞌlebeb li tenamit. Abanan li Dios quixsach lix naꞌlebeb. Chanchan nak quixtzꞌap li ruheb riqꞌuin tꞌicr.

Deuteronomio 2:30

Abanan laj Sehón lix reyeb laj Hesbón incꞌaꞌ coxcanab chi numecꞌ xban nak li Ka̱cuaꞌ le̱ Dios quixcacuubresi xchꞌo̱l re nak tixkꞌaxtesi saꞌ kukꞌ li naꞌajej toj chalen anakcuan.

Salmos 17:10

Eb aꞌan incꞌaꞌ nequeꞌtokꞌoban u. Kꞌetkꞌeteb ut nequeꞌxnimobresi rib riqꞌuin li cꞌaꞌru nequeꞌxye.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Salmos 119:70

Eb li cui̱nk aꞌin cauheb xchꞌo̱l. Joꞌcan nak incꞌaꞌ nequeꞌxtau xya̱lal. Abanan la̱in nasahoꞌ saꞌ inchꞌo̱l riqꞌuin la̱ chakꞌrab.

Éxodo 14:17

La̱in tincacuubresi xchꞌo̱leb laj Egipto re nak teꞌxic che̱rix. Ut riqꞌuin li tinba̱nu riqꞌuineb laj faraón joꞌ eb ajcuiꞌ chixjunileb lix soldado, joꞌ ajcuiꞌ eb lix carruaje, kꞌaxal cuiꞌchic teꞌxqꞌue inlokꞌal eb laj Israel.

Éxodo 11:10

Laj Moisés rochben laj Aarón sachba chꞌo̱lej li quilajeꞌxba̱nu chiru laj faraón. Aban li Ka̱cuaꞌ Dios quixcacuubresi xchꞌo̱l laj faraón ut incꞌaꞌ quixcanabeb chi e̱lc laj Israel saꞌ li tenamit Egipto.

Éxodo 10:27

Ut li Dios quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic.

2 Corintios 2:16

Chiruheb li nequeꞌsach chanchan xchuhil li camenak li nacamsin. Abanan chiruheb li nequeꞌcoleꞌ chanchan jun sununquil ban li naqꞌuehoc yuꞌam. ¿Ani tzꞌakal cuan xnaꞌleb chixchꞌolobanquil lix ya̱lal li colba-ib?

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

Isaías 19:22

Li Ka̱cuaꞌ tixqꞌueheb laj Egipto chixtojbal rix lix ma̱queb. Abanan li Ka̱cuaꞌ tixcuyeb xma̱c ut tixtenkꞌaheb cuiꞌchic ut ta̱rosobtesiheb. Eb laj Egipto teꞌxsicꞌ li Ka̱cuaꞌ ut li Ka̱cuaꞌ ta̱ril xtokꞌoba̱leb ru ut ta̱rosobtesiheb.

Éxodo 7:3

La̱in tincacuubresi xchꞌo̱l laj faraón. Nabal incuanquilal tincꞌutbesi saꞌ li tenamit Egipto.

San Juan 12:40

Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

Deuteronomio 29:4

Ut toj chalen anakcuan li Dios incꞌaꞌ xexqꞌue chixtaubal ru li cꞌaꞌru xeril ut li cꞌaꞌru xerabi.

Deuteronomio 31:20

La̱in tincꞌameb saꞌ li naꞌajej li kꞌaxal cha̱bil li na-el cuiꞌ chi us li acui̱mk joꞌ quinyechiꞌi reheb lix xeꞌto̱nil yucuaꞌeb. Ta̱cua̱nk chixjunil li tzacae̱mk li teꞌraj ut teꞌcua̱nk aran chi saheb saꞌ xchꞌo̱l. Abanan eb aꞌan teꞌxjal xnaꞌlebeb ut teꞌxlokꞌoniheb li jalanil dios. Tineꞌxtzꞌekta̱na ut teꞌrisi xcuanquil lin contrato.

Salmos 69:23

Cheꞌmutzꞌokꞌ taxak li xnakꞌ ruheb re nak incꞌaꞌ chic teꞌilok. Sicsotkeb ta li rokeb re nak incꞌaꞌ chic sa teꞌbe̱k.

Isaías 29:14

Joꞌcan nak la̱in tinba̱nu jun li sachba chꞌo̱lej xiu xiu rilbal riqꞌuineb li tenamit aꞌin. Eb li cuanqueb xnaꞌleb ma̱cꞌaꞌak chic xnaꞌlebeb ut eb li se̱beb xchꞌo̱l incꞌaꞌ chic se̱bak xchꞌo̱leb, chan li Dios.

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

Lamentaciones 3:65

Chacacuubresi lix chꞌo̱leb re nak incꞌaꞌ teꞌxtau xya̱lal ut chamajecuaheb.

Zacarías 11:15

Li Ka̱cuaꞌ quixye cue: —Tat-oc cuiꞌchic chokꞌ aj ilol reheb li carner. Abanan, anakcuan incꞌaꞌ us ta̱ba̱nu.

Deuteronomio 29:3

La̱ex queril chixjunil li raylal, li milagro ut li sachba chꞌo̱lej li quixba̱nu li Ka̱cuaꞌ.

Proverbios 16:30

Eb li incꞌaꞌ useb xnaꞌleb nequeꞌxmutzꞌ li ru nak nequeꞌoc chixcꞌoxlanquil chanru nak teꞌxba̱nu li ma̱usilal. Ut nequeꞌxcꞌux li reheb nak nequeꞌxba̱nu li ma̱usilal.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.

Isaías 28:13

Joꞌcan nak li ra̱tin li Ka̱cuaꞌ ta̱cꞌutekꞌ chiruheb joꞌ nak nacꞌuteꞌ chiruheb li cocꞌal. Joꞌcan nak junes takla̱c teꞌxcꞌul ut nabal li chakꞌrab ta̱qꞌuehekꞌ saꞌ xbe̱neb xba̱nunquil. Kꞌaxal ra teꞌxcꞌul nak teꞌchapekꞌ ut teꞌcꞌamekꞌ saꞌ jalan tenamit.

Isaías 29:9

La̱ex aj Jerusalén, cana̱kex saꞌ le̱ to̱ntil naꞌleb. Chanchanakex li mutzꞌ ut chanchanakex li calajenak usta incꞌaꞌ tex-ucꞌak vino. Taclo̱kex usta incꞌaꞌ yo̱kex chi cala̱c.