Isaías 59:8 - Li Santil hu

⁸ Incꞌaꞌ nequenau chanru li cua̱nc saꞌ tuktu̱quil usilal chi moco nequeba̱nu li ti̱quilal. Junelic nequeba̱nu li incꞌaꞌ us ut eb li nequeꞌta̱ken e̱re incꞌaꞌ teꞌcua̱nk saꞌ tuktu̱quil usilal.

Q'eqchi Bible

⁸ Ink'a' neke'xnaw li xb'ehil li tuqtuukilal, chi moko neke'xb'aanu li tiikilal; neke'xjal ru li k'ulub'ej: maajun sa' xyanqeb' li neke'taaqenk re li xb'eheb', toxtaw li tuqtuukil usilal.

Isaías 59:8 ပူးပေါင်းရင်းမြစ်များ

Romanos 3:17

Ut incꞌaꞌ nequeꞌcuan saꞌ usilal. Junes pletic nequeꞌxba̱nu. (Isa. 59:7-8)

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

San Mateo 23:23

Ra cha̱lel saꞌ e̱be̱n la̱ex aj tzꞌi̱b ut ex aj fariseo, ex aj caꞌ pacꞌal u. Nequemayeja lix laje̱tkil li isquiꞌij, li eneldo ut li comino. Ut nequetzꞌekta̱na li kꞌaxal cuan xcuanquil saꞌ li chakꞌrab. Incꞌaꞌ nequeba̱nu li ti̱quilal. Incꞌaꞌ nequex-uxta̱nan u ut incꞌaꞌ nequexpa̱ban. Us nak nequemayeja lix laje̱tkil abanan incꞌaꞌ raj nequecanab xba̱nunquil li kꞌaxal cuan xcuanquil.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Isaías 48:22

—Abanan ma̱cꞌaꞌ li tuktu̱quil usilal chokꞌ reheb li nequeꞌxba̱nu ma̱usilal, chan li Ka̱cuaꞌ.

Proverbios 28:18

Li ani nacuan saꞌ ti̱quilal ta̱colekꞌ. Ut li ani incꞌaꞌ nacuan saꞌ ti̱quilal ta̱sachekꞌ ru.

Proverbios 3:17

Cui cuan e̱naꞌleb, sahak saꞌ e̱chꞌo̱l junelic. Ut naru ajcuiꞌ nequexcuan saꞌ tuktu̱quil usilal.

Proverbios 2:15

Eb aꞌan incꞌaꞌ us lix naꞌlebeb xban nak nequeꞌxkꞌaxtesi rib chixba̱nunquil li incꞌaꞌ us.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Isaías 59:9

Xban li ma̱usilal li nequeba̱nu la̱ex, la̱o incꞌaꞌ chic naru nococuan saꞌ ti̱quilal, chi moco naru nococuan saꞌ xya̱lal. Nakaj raj chic cua̱nc saꞌ xya̱lal, abanan junes raylal chic nakacꞌul. Chanchan li yo̱co chi be̱c saꞌ kꞌojyi̱n.

Isaías 59:11

Nakajap ke. Chanchano li joskꞌ aj xul oso. Ut nocoya̱bac joꞌ li mucuy. Nakaj raj cua̱nc saꞌ ti̱quilal, abanan incꞌaꞌ naru. Nakaj raj nak li Dios toxcol, abanan aꞌan incꞌaꞌ nocoxtenkꞌa.

Proverbios 2:13

Eb li cui̱nk aꞌan nequeꞌxcanab xba̱nunquil li us xban nak nequeꞌcuulac chiru cua̱nc saꞌ xkꞌojyi̱nal ru li ma̱c.

Proverbios 21:8

Li incꞌaꞌ useb xnaꞌleb junes ma̱usilal nequeꞌxba̱nu. Abanan li cha̱bileb xnaꞌleb nequeꞌxba̱nu li ti̱quilal.

Isaías 65:2

La̱in junelic xinqꞌue inchꞌo̱l re xtenkꞌanquileb lin tenamit. Abanan eb aꞌan xeꞌxkꞌetkꞌeti ribeb chicuu. Ut nequeꞌxba̱nu li incꞌaꞌ us li nequeꞌraj eb aꞌan.