Isaías 59:4 - Li Santil hu

⁴ Ma̱ ani na-ajoc rakoc a̱tin saꞌ ti̱quilal. Incꞌaꞌ nequeye li ya̱l saꞌ li rakleb a̱tin. Nequecꞌojob e̱chꞌo̱l riqꞌuin li ticꞌtiꞌ. Junes raylal ut ma̱usilal nequeba̱nu.

Q'eqchi Bible

⁴ Maajun napatz'ok li tiikilal sa' li raqleb'aal aatin, chi moko wank li naraqok aatin rik'in sa' xyaalal; kaw b'an xch'ooleb' li poyanam chirix li moko yaal ta ut junelik yo'oon wankeb' chi xyeeb'al li tik'ti'. Maa'usilal nasiyaak sa' xch'ooleb', ut nayo'laak chaq li raaxiik'.

Isaías 59:4 ပူးပေါင်းရင်းမြစ်များ

Li xHu LAJ JOB 15:35

Eb aꞌan junes ma̱usilal nequeꞌxcꞌoxla. Ut moco caꞌaj cuiꞌ ta nequeꞌxcꞌoxla. Nequeꞌxba̱nu ajcuiꞌ li cꞌaꞌru nequeꞌxcꞌoxla. Junes balakꞌi̱nc nequeꞌxba̱nu, chan laj Elifaz.

Santiago 1:15

Riqꞌuin xrahinquil ru li cꞌaꞌru incꞌaꞌ us, naticla li ma̱c. Ut nak ac xnumta li ma̱c nachal li ca̱mc.

Jeremías 7:8

Cheqꞌue retal li yo̱quex chixba̱nunquil. La̱ex nequecꞌojob e̱chꞌo̱l saꞌ xbe̱n li ticꞌtiꞌ, li ma̱cꞌaꞌ na-oc cuiꞌ.

Jeremías 7:4

Me̱pa̱b li nequeꞌxye laj balakꞌ. Eb aꞌan nequeꞌxye, ‘Ma̱cꞌaꞌ takacꞌul xban nak arin cuan lix templo li Dios,’ chanqueb.

Miqueas 2:1

Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Isaías 30:12

Joꞌcan nak li nimajcual Dios, li Dios santo li nakalokꞌoni la̱o aj Israel, naxye chi joꞌcaꞌin: —La̱ex xetzꞌekta̱na li cua̱tin. Xecꞌojob e̱chꞌo̱l riqꞌuin li pletic ut li ma̱usilal.

Proverbios 4:16

Eb aꞌan incꞌaꞌ saheb xchꞌo̱l cui incꞌaꞌ nequeꞌxba̱nu li ma̱usilal. Ut incꞌaꞌ nequeꞌcuar chixcꞌoxlanquil li incꞌaꞌ us.

Isaías 59:16

Li Ka̱cuaꞌ quisach xchꞌo̱l chirilbal nak ma̱ ani natenkꞌan reheb li rahobtesinbileb. Ma̱ ani na-oquen chirixeb. Joꞌcan nak riqꞌuin xcuanquil quixcoleb ut quixxakab xcuanquil li ti̱quilal.

Isaías 59:3

Xetzꞌajni le̱ rukꞌ riqꞌuin xcamsinquil le̱ ras e̱ri̱tzꞌin ut xemux e̱rib xban li ma̱usilal xeba̱nu. Junes ticꞌtiꞌic nequeba̱nu ut junes yibru aj a̱tin nequeye.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

Jeremías 5:1

Li Ka̱cuaꞌ quixye: —La̱ex aj Jerusalén, sicꞌomak saꞌ eb li be ut saꞌ eb li cꞌayil. Qꞌuehomak retal chanru lix naꞌlebeb li tenamit. Cui cuan junak li ta̱raj cua̱nc saꞌ xya̱lal ut saꞌ ti̱quilal, la̱in tincuy xma̱queb li tenamit aꞌin.

Salmos 62:4

Junes cuisinquil saꞌ lin cuanquil nequecꞌoxla. Junes li ticꞌtiꞌ nacuulac che̱ru la̱ex. Nequeqꞌue raj inlokꞌal nak nequeye e̱rib, abanan moco joꞌcan ta saꞌ e̱chꞌo̱l. Saꞌ e̱chꞌo̱l niquine̱tzꞌekta̱na.

Li xHu LAJ JOB 15:31

Li ani tixcꞌojob xchꞌo̱l riqꞌuin li cꞌaꞌru ma̱cꞌaꞌ na-oc cuiꞌ, ma̱cꞌaꞌ ajcuiꞌ na-oc cuiꞌ lix kꞌajca̱munquil li tixcꞌul.

Isaías 5:7

Li xya̱lal li bich, aꞌan aꞌin: Li racui̱mk li Ka̱cuaꞌ li nimajcual Dios, aꞌan li tenamit Israel. Li racui̱mk, aꞌan li ralal xcꞌajol laj Judá. Aꞌaneb li sicꞌbileb ru xban li Ka̱cuaꞌ. Aꞌan quiroybeni nak teꞌcua̱nk saꞌ ti̱quilal. Abanan, aꞌ chic li xcamsinquileb ribeb queꞌxba̱nu. Ut quiroybeni nak cha̱bilakeb. Aꞌ ban chic lix ya̱b xcꞌuxeb li nequeꞌxrahobtesi quirabi.

Isaías 5:18

Raylal ta̱cha̱lk saꞌ e̱be̱n la̱ex li nequexcꞌamoc chak ma̱usilal riqꞌuin ticꞌtiꞌ. Chanchan li bacꞌbo che̱rix; joꞌ ajcuiꞌ la̱ex li nequexcꞌamoc chak re li ma̱c li chanchan li yo̱quex chixquelonquil che̱rix.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

Isaías 10:1

Raylal ta̱cha̱lk saꞌ e̱be̱n la̱ex li nequeqꞌue li chakꞌrab li moco ti̱c ta re xrahobtesinquileb li tenamit.

Isaías 26:18

La̱o xkacꞌul li raylal joꞌ li ixk. Abanan ma̱cꞌaꞌ rajbal li raylal li xkacꞌul. La̱o ma̱cꞌaꞌ xkaba̱nu re xcolbal li katenamit.

Isaías 28:15

La̱ex nequeye: —La̱o xkaba̱nu jun li contrato riqꞌuin li ca̱mc ut riqꞌuin lix naꞌajeb li camenak. La̱o incꞌaꞌ takacꞌul li raylal saꞌ eb li cutan nak nachal. Xkacꞌojob kachꞌo̱l riqꞌuin li balakꞌi̱nc ut li ticꞌtiꞌic, chanquex.

Isaías 29:20

Eb li nequeꞌrahobtesin teꞌsachekꞌ ruheb. Ut eb li nequeꞌhoboc teꞌosokꞌ. Chixjunileb li nequeꞌxba̱nu ma̱usilal telajeꞌosokꞌ.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Isaías 33:11

La̱ex nequecꞌu̱b ru li cꞌaꞌru nequeba̱nu. Abanan ma̱cꞌaꞌ rajbal li nequecꞌu̱b ru xba̱nunquil. Yal riqꞌuin lin musikꞌ tinsach ruheb joꞌ nak li qꞌuim ut li mul nacꞌateꞌ xban xam.

Isaías 44:20

Chanchan nak naxcuaꞌ li cha. Naxqꞌue rib chi balakꞌi̱c. Incꞌaꞌ naru tixcol rib chiru li ticꞌtiꞌ. Incꞌaꞌ naru tixye, “moco dios ta li cuan saꞌ lin nim ukꞌ.”

Isaías 47:10

Xecꞌojob e̱chꞌo̱l riqꞌuin li ma̱usilal xeba̱nu ut xeye, “Ma̱ ani na-iloc ke,” chanquex. Xebalakꞌi e̱rib xban nak xecꞌoxla nak cuan e̱naꞌleb ut xeye, “La̱o kꞌaxal cuan kacuanquil. Ma̱ jun chic cuan xcuanquil joꞌ la̱o,” chanquex.

Isaías 59:15

Ma̱cꞌaꞌ chic ti̱quilal. Li ani naraj cua̱nc saꞌ ti̱quilal, nequeꞌxba̱nu raylal re. Li Ka̱cuaꞌ incꞌaꞌ quicuulac chiru li cꞌaꞌru queꞌxba̱nu xban nak incꞌaꞌ chic nequeꞌcuan saꞌ ti̱quilal.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Jeremías 48:7

La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Oseas 4:1

Abihomak ra̱tin li Ka̱cuaꞌ, ex ralal xcꞌajol laj Israel, xban nak yo̱ xjoskꞌil saꞌ e̱be̱n la̱ex li cuanquex saꞌ li naꞌajej aꞌin. Joꞌcaꞌin yo̱ chixyebal li Ka̱cuaꞌ Dios: —Ma̱ ani ti̱c xchꞌo̱l ut ma̱ ani na-uxta̱nan u ut ma̱ ani naqꞌuehoc retal nak La̱in li Ka̱cuaꞌ Dios.

Salmos 7:15

Ut riqꞌuin li balakꞌic nequeꞌxba̱nu, chanchan nak nequeꞌxyi̱b jun li raꞌal chokꞌ re jalan. Abanan aꞌaneb ajcuiꞌ li nequeꞌtꞌaneꞌ chi saꞌ.

Salmos 12:3

At Ka̱cuaꞌ, chakꞌuseb re nak teꞌxcanab ticꞌtiꞌic ut balakꞌi̱nc. Chakꞌuseb re nak teꞌxcanab xnimobresinquil ribeb riqꞌuin li cꞌaꞌru nequeꞌxye.

Hechos 24:9

Ut eb laj judío li queꞌcuulac rochben, queꞌxye nak ya̱l li yo̱ chixyebal laj Tértulo.