Isaías 58:3 - Li Santil hu

³ Abanan eb li cristian nequeꞌxye: —¿Cꞌaꞌru rajbal nak xkaba̱nu li ka-ayu̱n? La̱at incꞌaꞌ xaqꞌue retal. ¿Cꞌaꞌut nak xkacubsi kib? La̱at incꞌaꞌ xaqꞌue retal li xkaba̱nu, chanqueb. Abanan li Dios quixye reheb: —Saꞌ eb li cutan nak nequeba̱nu le̱ ayu̱n, nequeba̱nu li cꞌaꞌru nequeraj ut nequerahobtesiheb li nequeꞌcꞌanjelac che̱ru.

Q'eqchi Bible

³ Ut neke'xye we: «K'a' aj e naq nokoo'ayuunik? Chi moko yookat rilb'al. Maak'a' na'ok wi' naq naqakub'si qawankil, wi ink'a' nakak'e sa' laach'ool», chankeb'. K'ehomaq reetal: naq nekex'ayuunik, laa'ex nekeb'aanu li k'aru nekeraj ut nekerahob'tesi chixjunileb' laj to' k'anjel.

Isaías 58:3 ပူးပေါင်းရင်းမြစ်များ

Malaquías 3:14

La̱ex xeye, “Ma̱cꞌaꞌ aj e nak yo̱co chi cꞌanjelac chiru li Ka̱cuaꞌ. ¿Cꞌaꞌru takara nak yo̱ko chixpa̱banquil lix chakꞌrab? ¿Cꞌaꞌru takara nak yo̱ko chi cꞌuluc raylal chixta̱kenquil li Ka̱cuaꞌ li nimajcual Dios?” chanquex.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

Nehemías 5:7

Quincꞌoxla chi us cꞌaꞌru tinba̱nu. Ut quinkꞌuseb li biomeb ut li nequeꞌtaklan saꞌ xbe̱neb li tenamit ut quinye reheb: —¿Ma us nak nequepatzꞌ ral li tumin li nequetoꞌoni reheb le̱ rech tenamitil?— Ut quinye ajcuiꞌ reheb nak teꞌxchꞌutub ribeb re nak takacꞌu̱b ru cꞌaꞌru takaba̱nu.

San Lucas 15:29

Li asbej quichakꞌoc ut quixye re lix yucuaꞌ: —At inyucuaꞌ, la̱at nacanau nak nabal chihab xincꞌanjelac cha̱cuu ut ma̱ jun sut xinkꞌet la̱ cua̱tin. Ut ma̱ jun cua xaqꞌue junak inchꞌina chiba̱t re nak tinninkꞌei̱k cuochbeneb li cuami̱g.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Isaías 22:13

Abanan la̱ex sa saꞌ e̱chꞌo̱l nak yo̱quex chi ninkꞌei̱c. Xecamsiheb li carner ut li cuacax re te̱tiu. Xexcuaꞌac ut xex-ucꞌac vino. Xeye: —Cuaꞌako, ucꞌako xban nak ma̱re cuulaj caꞌbej nococam, chanquex.

Salmos 69:10

Nak xinba̱nu lin ayu̱n, xineꞌxhob. Ut nak xinya̱bac, xineꞌxseꞌe.

Números 23:4

Ut li Ka̱cuaꞌ quixcꞌutbesi rib chiru laj Balaam ut laj Balaam quixye re: —La̱in xintakla xyi̱banquil cuukub li artal ut xinmayeja jun li toro ut jun li te̱lom carner saꞌ li junju̱nk chi artal, chan.

Levítico 23:27

—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

Levítico 16:31

Aꞌan jun li hiloba̱l cutan kꞌaxal lokꞌ chokꞌ e̱re re nak texhila̱nk ut te̱ba̱nu le̱ ayu̱n. Aꞌan jun chakꞌrab tenebanbil saꞌ e̱be̱n la̱ex re nak te̱ba̱nu chi junelic.

Esdras 8:21

Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Li xHu LAJ JOB 34:9

Laj Job quixye, “Ma̱cꞌaꞌ naxra li cui̱nk nak yo̱k chixba̱nunquil li cꞌaꞌru naraj li Dios,” chan.