Isaías 57:4 - Li Santil hu

⁴ ¿Ani li nequehob nak nequecꞌoxla? Ut, ¿ani li nequeseꞌe? ¿Ani chi aj u nequebitzꞌ le̱ re? ¿Ma ma̱cuaꞌ ta biꞌ la̱ex li ralal xcꞌajol li nequeꞌxkꞌetkꞌeti ribeb ut nequeꞌticꞌtiꞌic?

Q'eqchi Bible

⁴ Ani nekese'e laa'ex, ani nekereetz'u ut nekeb'iy chere? Laa'ex ralal xk'ajol li maak, yal sik'b'il alex

Isaías 57:4 ပူးပေါင်းရင်းမြစ်များ

2 Pedro 2:13

Chi joꞌcan teꞌxcꞌul xkꞌajca̱munquil lix ma̱usilaleb queꞌxba̱nu. Eb laj tzolonel aj balakꞌ junelic saheb saꞌ xchꞌo̱l chixba̱nunquil li incꞌaꞌ us, usta chi cutan. Xuta̱nal chokꞌ e̱re nak cuanqueb saꞌ e̱ya̱nk xban nak nequeꞌcuulac chi cuaꞌac saꞌ le̱ ninkꞌe. Eb aꞌan junes ma̱cobc nequeꞌxcꞌoxla.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Salmos 35:21

Nequeꞌxjap re chixyebal, anakcuan xkil cꞌaꞌru xba̱nu, chanqueb.

Éxodo 9:17

Abanan la̱at riqꞌuin chixjunil aꞌin, toj yo̱cat chixnimobresinquil a̱cuib saꞌ xbe̱neb lin tenamit ut incꞌaꞌ nacacanabeb chi xic.

Colosenses 3:6

Riqꞌuin xba̱nunquil li ma̱usilal aꞌin nachal xjoskꞌil li Dios ut naxteneb li tojba ma̱c saꞌ xbe̱neb li nequeꞌkꞌetoc re li ra̱tin.

Efesios 5:6

Me̱qꞌue e̱rib chi balakꞌi̱c xbaneb li nequeꞌa̱tinac ut nequeꞌxye nak moco nimla ma̱c ta xba̱nunquil li cꞌaꞌak re ru aꞌin, xban nak nachal xjoskꞌil li Dios saꞌ xbe̱neb li nequeꞌkꞌetoc re li ra̱tin.

Hechos 9:4

Quitꞌaneꞌ saꞌ chꞌochꞌ laj Saulo ut quirabi jun xya̱b cux yo̱ chixyebal re: —At Saulo, at Saulo, ¿Cꞌaꞌut nak yo̱cat chixba̱nunquil raylal cue?—

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

San Mateo 27:29

Ut queꞌxtzꞌul jun li corona riqꞌuin qꞌuix ut queꞌxqꞌue saꞌ xjolom. Ut saꞌ xnim ukꞌ queꞌxqꞌue jun li cheꞌ. Ut queꞌxcuikꞌib ribeb chiru ut queꞌretzꞌu ut queꞌxye: —Sahak taxak saꞌ a̱chꞌo̱l, at xReyeb laj judío, chanqueb re.

San Mateo 13:38

Ut li chꞌochꞌ, aꞌan li ruchichꞌochꞌ. Ut li cha̱bil iyaj, aꞌaneb li cuanqueb rubel xcuanquil li nimajcual Dios. Ut li yibru pim, aꞌaneb li cuanqueb rubel xcuanquil laj tza.

Oseas 10:9

Li Ka̱cuaꞌ quixye reheb laj Israel: —Chalen nak quetiquib chak ma̱cobc aran Gabaa toj chalen anakcuan toj yo̱quex ajcuiꞌ chi ma̱cobc chicuu. Ut nak quicuan li ple̱t aran Gabaa riqꞌuineb li incꞌaꞌ useb xnaꞌleb, la̱ex incꞌaꞌ quex-osoꞌ.

Ezequiel 2:4

Kꞌaxal joskꞌeb ut kꞌaxal cauheb xchꞌo̱l. La̱in yo̱quin cha̱taklanquil riqꞌuineb re nak ta̱ye reheb: Joꞌcaꞌin xye li Ka̱cuaꞌ Dios.

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Isaías 30:1

Li nimajcual Dios quixye: —Raylal ta̱cha̱lk saꞌ xbe̱neb li nequeꞌtaklan saꞌ xbe̱neb laj Judá xban nak xjuneseb nequeꞌxcꞌu̱b ru cꞌaꞌru teꞌxba̱nu ut incꞌaꞌ nequeꞌxpatzꞌ xnaꞌlebeb cue la̱in. Joꞌcan nak yo̱ chi numta̱c lix ma̱queb.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Salmos 69:12

Niquineꞌxhob li nequeꞌcꞌojla chire li oqueba̱l ut eb li calajenak niquineꞌxhob nak nequeꞌbichan.

Salmos 22:17

Naru rajlanquil lin bakel. Chixjunileb yo̱queb chincaꞌyanquil ut incꞌaꞌ nequeꞌxcanab cuilbal.

Salmos 22:13

Teꞌraj xba̱nunquil raylal cue. Chanchaneb li cakcoj nak nequeꞌxjap re ut teꞌraj tiꞌoc.

Salmos 22:7

Chixjunileb nequeꞌxbitzꞌ li reheb nak niquineꞌril. Niquineꞌretzꞌu ut nequeꞌrecꞌasi lix jolomeb.

Josué 10:21

Ut chixjunileb lix soldado queꞌsukꞌi riqꞌuin laj Josué saꞌ li naꞌajej Maceda bar queꞌxqꞌue cuiꞌ lix muheba̱leb. Ma̱ jun quicamsi̱c saꞌ xya̱nkeb laj Israel. Ut ma̱ jun saꞌ li naꞌajej aꞌan quiraj xcuechꞌinquileb laj Israel.

Números 16:11

La̱at ut eb la̱ cuochben xechꞌutub e̱rib chixcuechꞌbal rix laj Aarón. ¿Cꞌaꞌut nak nequecuechꞌi rix laj Aarón? ¿Ma ma̱cuaꞌ ta biꞌ li Dios li yo̱quex chixcuechꞌinquil rix?—

Isaías 48:8

Incꞌaꞌ xerabi chi moco xetau ru. Chalen najter incꞌaꞌ nequetau xya̱lal. La̱in ninnau chanru le̱ naꞌleb. La̱in ninnau nak kꞌetkꞌetex chalen saꞌ le̱ yoꞌlajic.

Isaías 57:5

¿Ma ma̱cuaꞌ ta biꞌ la̱ex li nequeba̱nu li moco uxc ta naraj rubeleb li ni̱nki cheꞌ re xlokꞌoninquil le̱ yi̱banbil dios? ¿Ma incꞌaꞌ ta biꞌ nequemayeja le̱ cocꞌal saꞌ eb li ochoch pec ut saꞌ eb li ru takꞌa?

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

Jeremías 20:8

Rajlal nak ninchꞌolob xya̱lal ninjap cue chixyebal reheb nak ta̱cha̱lk raylal saꞌ xbe̱neb ut ninye resil nak teꞌsachekꞌ ruheb. Xban xyebal la̱ cua̱tin, niquineꞌxhob ut niquineꞌxseꞌe rajlal cutan.